ପାଣିକୋଇଲି ନିକଟରେ ଓଲଟିଲା ଯାତ୍ରୀବାହୀ ବସ୍, 14 ଆହତ
ଯାଜପୁର : ପୁଣି ଏକ ବସ୍ ଦୁର୍ଘଟଣା ଘଟିଛି । ଏକ ଯାତ୍ରୀବାହୀ ବସ୍ ଓଲଟି ପଡ଼ିଛି । ଫଳରେ 14 ଜଣ ଗୁରୁତର ଆହତ ହୋଇଛନ୍ତି । ଆହତଙ୍କ ମଧ୍ୟରେ ଜଣେ ଶିଶୁ ଅଛନ୍ତି ।
ଆଜି ଅପରାହ୍ନ ପ୍ରାୟ 5 ଟା ସମୟରେ ଯାଜପୁର ଜିଲ୍ଲା ପାଣିକୋଇଲି-ଜହ୍ନା ରାସ୍ତାର ଜହ୍ନା ଛକରେ ଏହି ଦୁର୍ଘଟଣା ଘଟିଛି । ଦୃତଗତିରେ ଆସୁଥିବା ବେଳେ ଭାରସାମ୍ୟ ହରାଇ ଯାତ୍ରୀବାହୀ ବସ୍ଟି ଓଲଟି ପଡ଼ିଥିବା ନେଇ କହିଛନ୍ତି ପ୍ରତ୍ୟେକ୍ଷଦର୍ଶୀ ।
ବସ୍ ଟି ପାଣିକୋଇଲିରୁ ଯାଜପୁର ରୋଡ ଦେଇ କରଞ୍ଜିଆ ଯାଉଥିଲା । ବସ୍ରେ ପ୍ରାୟ 40 ଜଣ ଯାତ୍ରୀ ଥିଲେ । ରାସ୍ତା କଡ଼କୁ ବସ୍ଟି ଓଲଟିପଡ଼ିବା ପରେ ସ୍ଥାନୀୟ ଲୋକେ ଯାତ୍ରୀଙ୍କୁ ଉଦ୍ଧାର କରିଥିଲେ । ଖବର ପାଇ କଳିଙ୍ଗନଗର ଏଡିଏମ୍ ଓ ସ୍ଥାନୀୟ ପୋଲିସ ପହଞ୍ଚି ଆହତଙ୍କୁ ଯାଜପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରକୁ ପଠାଇଥିଲେ । ଆହତ ଯାତ୍ରୀମାନଙ୍କ ମଧ୍ୟରୁ 14 ଜଣଙ୍କ ଅବସ୍ଥା ଗୁରୁତର ଥିବାରୁ ସେମାନଙ୍କୁ କଟକ ସ୍ଥାନାନ୍ତର କରାଯାଇଛି ।
Click it and Unblock the Notifications
Sign in with Google