ରାଜଧାନୀ କାନ୍ଥବାଡ଼ରୁ ହଟିବ ଦଳୀୟ ପୋଷ୍ଟର-ବ୍ୟାନର
ଭୁବନେଶ୍ୱର: ଆଗକୁ ଅଛି ନିର୍ବାଚନ । ଏହା ପୂର୍ବରୁ ଲୋକଙ୍କ ଦୃଷ୍ଟିରେ ଆସିବା ଲାଗି ପୋଷ୍ଟର ମାରୁଛନ୍ତି ରାଜନୈତିକ ଦଳ । ରାଜଧାନୀର କାନ୍ଥବାଡ଼ରେ ଦଳୀୟ ପୋଷ୍ଟର ସହ ଲେଖାଯାଇଛି ସ୍ଲୋଗାନ । କିନ୍ତୁ ଏହି ସବୁ ବ୍ୟାନର-ପୋଷ୍ଟରକୁ ହଟାଯିବ । ଏ ନେଇ ବିଏମସି ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରିଛି ।
ନିର୍ବାଚନ କମିଶନଙ୍କ ନିର୍ଦ୍ଦେଶ ପରେ ବିଏମସି ଅଞ୍ଚଳରୁ ସମସ୍ତ ରାଜନୈତିକ ଦଳର ପୋଷ୍ଟର ହଟାଇବା ପାଇଁ କାର୍ଯ୍ୟ ଆରମ୍ଭ କରିଦେଇଛି ଭୁବନେଶ୍ୱର ମହାନଗର ନିଗମ । ରାଜଧାନୀର କାନ୍ଥ ବାଡ଼ରେ ଲାଗିଥିବା ଦଳୀୟ ପୋଷ୍ଟର, ବ୍ୟାନର ଓ ୱାଲ ପେଣ୍ଟିଂ ସବୁ ହଟାଯିବ । ଏନେଇ ସୂଚନା ଦେଇଛନ୍ତି ବିଏମ୍ସି କମିଶନର ବିଜୟ ଅମୃତ କୁଲାଙ୍ଗେ ।
ପ୍ରତ୍ୟେକ ଥର ନିର୍ବାଚନ ପୂର୍ବରୁ ଏହି କାର୍ଯ୍ୟକ୍ରମ ହୋଇଥାଏ । ତେଣୁ ସମସ୍ତ ରାଜନୈତିକ ଦଳ ଗୁଡିକ ଏନେଇ ଅବଗତ ଅଛନ୍ତି ଏବଂ ଏହି କାମରେ ବିଏମସିକୁ ସହଯୋଗ କରୁଥିବା କମିଶନର ସୂଚନା ଦେଇଛନ୍ତି । 3 ଟି ଜୋନର ଜେଡିସିଙ୍କୁ ମଧ୍ୟ ଏହି ନିର୍ଦ୍ଦେଶ ଦିଆଯାଇଛି ବୋଲି କହିଛନ୍ତି ବିଏମସି କମିଶନର ।
Click it and Unblock the Notifications
Sign in with Google