ପୌରାଞ୍ଚଳ ଉପ ନିର୍ବାଚନ ଫଳ ଫ୍ରକାଶ, ସବୁ ଠି ବିଜେଡ଼ିର ବାଜିମାତ୍

ଭୁବନେଶ୍ୱର: ପୁଣି ବିଜେଡ଼ି କିଙ୍ଗ୍ । ନିକଟରେ ହୋଇଥିବା ପୌରାଞ୍ଚଳ ଉପ ନିର୍ବାଚନରେ ବିଜେଡ଼ି ପୁଣି ବାଜିମାତ୍ କରିଛି । 4 ଟି ପୌରାଞ୍ଚଳ ଉପ-ନିର୍ବାଚନରେ ବିଜେଡ଼ି ବିଜୟୀ ହୋଇଛି । ଏପରିକି ବିରୋଧୀମାନେ ବିଜେଡି ପ୍ରାର୍ଥୀ ପାଇଥିବା ଭୋଟ୍ ର ପାଖ ମାଡ଼ିପାରି ନାହାଁନ୍ତି ।

ଚିକିଟି ଏନଏସି ଓ୍ୱାର୍ଡ ଉପନିର୍ବାଚନରେ ବିଜେଡି ବିଜୟୀ ହୋଇଛି । 3 ନମ୍ବର ଓ୍ୱାର୍ଡରେ ବିଜେଡି ପ୍ରାର୍ଥୀ ହରପ୍ରସାଦ ଚୌଧୁରୀ ବିଜୟୀ ହୋଇଛନ୍ତି । ମୋଟ୍ 501 ଭୋଟ୍ ମଧ୍ୟରୁ ହରପ୍ରସାଦଙ୍କୁ 484 ଖଣ୍ଡ ଭୋଟ୍ ମିଳିଛି । ବିଜେପି ପ୍ରାର୍ଥୀଙ୍କୁ ମାତ୍ର 15ଖଣ୍ଡ ଭୋଟ୍ ରେ ସନ୍ତୁଷ୍ଟ ହେବାରୁ ପଡ଼ିଛି ।

ସେହିପରି ଜଗତସିଂହପୁର ପୌର ପରିଷଦ 6 ନମ୍ବର ଓ୍ୱାର୍ଡରେ ବିଜେଡି ବିଜୟୀ ହୋଇଛି । ବିଜେଡି ପ୍ରାର୍ଥୀ ରୋଜାଲିନ ଦାଶ 407 ଖଣ୍ଡ ଭୋଟ୍‌ ପାଇ କଂଗ୍ରେସ ପ୍ରାର୍ଥୀଙ୍କୁ ହରାଇଛନ୍ତି । କଂଗ୍ରେସକୁ 406 ଖଣ୍ଡ ଭୋଟ ଏବଂ ବିଜେପିକୁ ମାତ୍ର 21 ଖଣ୍ଡ ଭୋଟ୍‌ ମିଳିଛି ।

ଏହା ସହ ଜି. ଉଦୟଗିରି ନିର୍ବାଚନ ମଣ୍ଡଳୀ ଜି ଉଦୟଗିରି NAC ଅଧକ୍ଷ ଉପନିର୍ବାଚନରେ ବିଜେଡି ପ୍ରାର୍ଥୀଙ୍କ ବିଜୟ ହୋଇଛି । ବିଜେଡି ପ୍ରାର୍ଥୀନୀ ଦେବସ୍ମିତା ଶତପଥୀଙ୍କୁ 3111 ଖଣ୍ଡ ଭୋଟ ମିଳିଛି । ସେହିପରି ବିଜେପି ପ୍ରାର୍ଥୀ ରଞ୍ଜିତା ନାୟକ ମାତ୍ର 737 ଖଣ୍ଡ ଭୋଟ ପାଇଛନ୍ତି । କଂଗ୍ରେସର ମଧୁଲିନା ଦିଗଲଙ୍କୁ 614 ଭୋଟ୍ ମିଳିଛି ।

ସେହିପରି ଯୋଡ଼ା ପୌରପରିଷଦ 8 ନମ୍ବର ୱାର୍ଡ ଉପନିର୍ବାଚନରେ ବିଜେଡି ପ୍ରାର୍ଥୀ ଶୁଭମ୍ ନାଏକ 806 ଖଣ୍ଡ ଭୋଟରେ ବିଜୟୀ ହୋଇଛନ୍ତି । ବିଜେପି ପ୍ରାର୍ଥୀ 229 ଖଣ୍ଡ ଭୋଟ ପାଇଛନ୍ତି ।

English summary

BJD won in all 4 urban by elections