ରଥଟଣା ବେଳେ ଦଉଡ଼ି ଛିଡ଼ିବା ଘଟଣା, ଆହତ ଭୋଇ ସେବକଙ୍କ ମୃତ୍ୟୁ

ଭୁବନେଶ୍ୱର : ପୁରୀ ରଥଯାତ୍ରାରେ ରଛଟଣା ବେଳେ ତାଳଧ୍ୱଜ ରଥ ଦଉ଼ଡ଼ି ଛିଡ଼ିବା ଘଟଣାରେ ଆହତ ହୋଇଥିବା ଭୋଇ ସେବକଙ୍କ ମୃତ୍ୟୁ ହୋଇଛି । ଆଜି (ଗୁରୁବାର) ସକାଳେ ସେବକ ନକୁଳ ଭୋଇଙ୍କ ମୃତ୍ୟୁ ହୋଇଛି । ରଥଟଣା ସମୟରେ ଅଘଟଣରେ ଆହତ ହୋଇ ସେ ଭୁବନେଶ୍ୱରସ୍ଥିତ ଏମ୍ସରେ ଚିକିତ୍ସିତ ହେଉଥିଲେ । ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା ।

ଗତ 28 ତାରିଖ ଦିନ ପୁରୀରେ ବାହୁଡ଼ାଯାତ୍ରା ସମୟରେ ଘଟିଥିଲା ଏହି ଅଘଟଣ । ଭକ୍ତମାନେ ବଳଭଦ୍ରଙ୍କ ରଥ ତାଳଧ୍ୱଜ ଟାଣୁଥିବା ବେଳେ ରଥ ଦଉଡ଼ି ଛିଡ଼ିଯାଇଥିଲା । ଫଳରେ ଅନେକ ଭକ୍ତଙ୍କ ସମେତ ଭୋଇ ସେବକ ନକୁଳ ତଳେ ପଡ଼ିଯାଇଥିଲେ । ଏଥିରେ ଗୁରୁତର ଆହତ ହୋଇଥିଲେ ନକୁଳ । ତାଙ୍କୁ ତୁରନ୍ତ ଦମକଳ ବାହିନୀର ଗାଡ଼ିରେ ପୁରୀ ଜିଲ୍ଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ପରେ ତାଙ୍କୁ ଭୁବନେଶ୍ୱର ଏମ୍ସକୁ ସ୍ଥାନାନ୍ତରିତ କରାଯାଇଥିଲା । ସେବେଠାରୁ ନକୁଳ ଏମ୍ସର ଆଇସିୟୁରେ ଭର୍ତ୍ତି ଥିଲେ ।

English summary

Bhoi Sevak Died during treatment In AIIMS