ବାହାନଗା ଟ୍ରେନ୍ ଟ୍ରାଜେଡ଼ି : DNA ଟେଷ୍ଟ କରି ଦିଆଯାଉଛି ଶବ, ଏବେବି ଅଛି 41 ଶବ

ଭୁବନେଶ୍ୱର: ବାହାନଗା ଟ୍ରେନ୍ ଦୁର୍ଘଟଣା ପରେ ଏବେବି ଭୁବନେଶ୍ଵର ଏମ୍ସରେ ରହିଛି 41 ଶବ । ଲୋକ ନିଜ ସମ୍ପର୍କୀୟଙ୍କ ଶବ ନେବାକୁ ଆସିଲେ ଡିଏନ୍‌ଏ ଟେଷ୍ଟ କରାଯାଇ ଶବ ହସ୍ତାନ୍ତର କରାଯାଉଛି । ଏ ନେଇ ଏମ୍ସ କାର୍ଯ୍ୟନିର୍ବାହୀ ନିର୍ଦ୍ଦେଶକ ଡ. ଆଶୁତୋଷ ବିଶ୍ୱାସ ପ୍ରତିକ୍ରିୟା ରଖିଛନ୍ତି ।

ସେ କହିଛନ୍ତି ଏବେ ମୃତକଙ୍କ ସଂପର୍କୀୟ କମ୍ ଲୋକ ଆସୁଛନ୍ତି । ଦିନେ ଦୁଇ ଦିନରେ ଜଣେ ଦୁଇ ଜଣ ସଂପର୍କୀୟ ଆସୁଛନ୍ତି । ଶବ ଚିହ୍ନଟ ହୋଇପାରୁଛି । କିନ୍ତୁ ଲୋକ ନେବା ପାଇଁ ଆସୁନାହାନ୍ତି । ଶବ ହସ୍ତାନ୍ତର ସଂପର୍କରେ ସମସ୍ତଙ୍କୁ ବିଭିନ୍ନ ମାଧ୍ୟମରେ ସୂଚନା ଦିଆଯାଉଛି । ଶବଗୁଡ଼ିକୁ ସୁରକ୍ଷିତ ଭାବେ ସଂରକ୍ଷିତ କରି ରଖାଯାଇଛି । ଆହୁରି ଅନେକ ଦିନ ଶବ ସଂରକ୍ଷିତ କରି ରଖାଯାଇପାରିବ । ବର୍ତ୍ତମାନ ସୁଦ୍ଧା ସମୂହ ଶବ ଦାହ ପାଇଁ କୌଣସି ନିଷ୍ପତ୍ତି ହୋଇନାହିଁ ।

ଉଲେଖ ଥାଉକି, ଜୁନ୍‌ 2 ତାରିଖରେ ଘଟିଥିବା ବାହାନଗା ଟ୍ରେନ ଦୁର୍ଘଟଣାରେ ମୋଟ୍ 295 ଯାତ୍ରୀଙ୍କର ମୃତ୍ୟୁ ହୋଇଥିଲା । 254 ଜଣ ମୃତ ଯାତ୍ରୀଙ୍କର ଶବକୁ ଚିହ୍ନଟ କରାଯାଇ ସେମାନଙ୍କର ପରିଜନଙ୍କୁ ହସ୍ତାନ୍ତର କରାଯାଇଛି । ଏବେ ବି 41 ଜଣଙ୍କର ପରିଚୟ ମିଳିପାରି ନାହିଁ । ଏମାନଙ୍କ ଶବକୁ ଏମ୍ସ ଭୁବନେଶ୍ୱରରେ ରଖାଯାଇଛି ।

English summary

Bahanaga Train Accident : 41 Dead Bodies Preserved In AIIMS Bhubaneswar