ବାହାନଗା ଟ୍ରେନ୍ ଦୁର୍ଘଟଣା: ଏବେବି ପରିଚୟ ଖୋଜୁଠି 28 ମୃତଦେ

ଭୁବନେଶ୍ୱର: ବାହାନଗା ଟ୍ରେନ୍ ଦୁର୍ଘଟଣାକୁ ବିତିଗଲାଣି 4 ମାସ । ଏବେ ବି ଚିହ୍ନଟ ହୋଇପାରିନି ମୃତଦେହ । ପରିଚୟ ଅପେକ୍ଷାରେ ଏମ୍ସ ହସ୍ପିଟାଲରେ 28 ମୃତଦେହ ପଡିରହିଛି । ଏ ସବୁର ସତ୍କାର କିଭଳି ଭାବରେ ସୁରୁଖୁରୁରେ କରାଯାଇପାରିବ , ସେ ନେଇ ରାଜ୍ୟ ସରକାରଙ୍କ ପକ୍ଷରୁ ସବୁ ପ୍ରକାର ପ୍ରୟାସ କରାଯାଉଛି ।

ଏହା ପୂର୍ବରୁ କୌଣସି ମୃତକଙ୍କ ସମ୍ପର୍କୀୟ ଆସୁଛନ୍ତି , ତେବେ ସେମାନଙ୍କୁ ମୃତଦେହ ହସ୍ତାନ୍ତର କରାଯିବ । ସବୁ ସରକାରୀ ନିୟମ ଅନୁପାଳନରେ ଶବ ସତ୍କାର ନେଇ ଆଲୋଚନା କରାଯାଉଛି । ଘଟଣାକୁ ନେଇ ଏମ୍ସ ନିର୍ଦ୍ଦେଶକ କହିଛନ୍ତି ଶବ ସତ୍କାର ନେଇ ବର୍ତ୍ତମାନ ପର୍ଯ୍ୟନ୍ତ କୌଣସି ତାରିଖ ଧାର୍ଯ୍ୟ କରାଯାଇନି ।
ସରକାରୀ ନିୟମ ଅନୁପାଳନରେ ଏସବୁ ମୃତଦେହକୁ ସତ୍କାର କରାଯିବ । ସିବିଆଇ, ବିଏମସି, ଏମ୍ସ ଏବଂ ରାଜ୍ୟ ସରକାରଙ୍କ ଉପସ୍ଥିତିରେ ଶବ ଗୁଡିକର ଅନ୍ତିମ ସଂସ୍କାର କରାଯିବ । ଅନ୍ୟପଟେ ଏହି ଘଟଣାକୁ ନେଇ ବିଏମସି କମିଶନର ବିଜୟ ଅମୃତ କୁଲାଙ୍ଗେ ମଧ୍ୟ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି ଏନେଇ ଚିଫ ସେକ୍ରେଟାରୀ ସ୍ତରରେ ଆଲୋଚନା ହୋଇଥିଲା । ଏବେ ପର୍ଯ୍ୟନ୍ତ ବାହାନଗା ରେଳ ଦୁର୍ଘଟଣାର ୨୮ ଅପରିଚିତ ମୃତଦେହ ରହିଛି । ସେଗୁଡ଼ିକୁ ବିଏମସି ଉପସ୍ଥିତିରେ ସତ୍ୟନଗର ଓ ଭରତପୁର ଶ୍ମଶାନରେ ଦାହ କରାଯିବ ।

ଉଲେଖ ଥାଉକି, ଜୁନ୍‌ 2 ତାରିଖରେ ଘଟିଥିବା ବାହାନଗା ଟ୍ରେନ ଦୁର୍ଘଟଣାରେ ମୋଟ୍ 295 ଯାତ୍ରୀଙ୍କର ମୃତ୍ୟୁ ହୋଇଥିଲା । ଦୁର୍ଘଟଣାରେ ମୃତ 162 ଜଣଙ୍କର ମୃତଦେହକୁ ଭୁବନେଶ୍ୱର ଏମ୍ସକୁ ଅଣାଯାଇଥିଲା । ସେଥିରୁ ଏପର୍ଯ୍ୟନ୍ତ 134 ଜଣଙ୍କର ମୃତଦେହ ସେମାନଙ୍କର ପରିବାର ଲୋକଙ୍କୁ ହସ୍ତାନ୍ତର କରାଯାଇ ସାରିଛି । ପ୍ରଥମ ପର୍ଯ୍ୟାୟରେ 81ଟି ମୃତଦେହ ହସ୍ତାନ୍ତର କରାଯାଇଥିଲା । ଦ୍ୱିତୀୟ ପର୍ଯ୍ୟାୟରେ 53 ମୃତଦେହ ସେମାନଙ୍କର ପରିବାରକୁ ହସ୍ତାନ୍ତର କରାଯାଇଛି । ତେବେ 28ଟି ମୃତହେଦ ଏମ୍ସରେ ରଖାଯାଇଛି ।

English summary

Bahanaga Train Accident : 28 Dead Bodies Preserved In AIIMS, Bhubaneswar