ଅର୍ଥ ସାଜିବନି ବାଧକ, ଆରିକାଙ୍କ ଚିକିତ୍ସା କରିବ BSKY
ଭୁବନେଶ୍ୱର : କୁନି ଝିଅ ଆରିକାଙ୍କ ଚିକିତ୍ସାରେ ବାଧକ ହେବନି ଅର୍ଥ । ଅର୍ଥାଭାବରୁ ଆଉ ସେ ଯନ୍ତ୍ରଣା ପାଇବେନି । ତାଙ୍କୁ BSKY କାର୍ଡରେ ତାଲିକାଭୁକ୍ତ କରାଯାଇଛି । ବର୍ତ୍ତମାନ ଆରିକା BSKY ତାଲିକା ଅନ୍ତର୍ଭୁକ୍ତ ଯେ କୌଣସି ଘରୋଇ ହସ୍ପିଟାଲ୍ ରେ ମାଗଣା ଚିକିତ୍ସା ପାଇ ପାରିବେ ।
ବାସ୍ତବରେ ସୁନ୍ଦରଗଡ଼ ସହର ରଙ୍ଗାପାଢ଼ି ଅଞ୍ଚଳର 10 ବର୍ଷୀୟ କୁନି ଝିଅ ଆରିକା ଫତିମାଙ୍କ ଦୁଇଟିଯାକ କିଡନୀ ଅଚଳ ହୋଇଯାଇଛି । ଏହାର ଚିକିତ୍ସା ଏବଂ କିଡନୀ ପ୍ରତିରୋପଣ ପାଇଁ ଅର୍ଥ ନଥିବାରୁ ଅସହାୟ ହୋଇପଡ଼ିଥିଲେ ପରିବାର ଲୋକ । ଏ ନେଇ ଗଣମାଧ୍ୟମରେ ଖବର ପ୍ରସାରିତ ପରେ BSKY ଟିମ୍ ତରଫରୁ ମିଶନ ମୋଡ ରେ କାର୍ଯ୍ୟ ଆରମ୍ଭ କରାଯାଇ ଥିଲା ।
ମାତ୍ର କିଛି ଘଣ୍ଟାରେ ଫାତିମାଙ୍କୁ ମିଳିଛି ରାସନ କାର୍ଡ । ଏହା ସହ BSKY ରେ ତାଲିକାଭୁକ୍ତ କରାଯାଇଛି । ଏହା ପରେ ନିୟମ ଅନୁସାରେ ଫାତିମା 10 ଲକ୍ଷ ଟଙ୍କା ପର୍ଯ୍ୟନ୍ତ ସୁବିଧା ପାଇପାରିବେ । ଆଜି ଠାରୁ ଚିକିତ୍ସା ନିମନ୍ତେ ସେ ଏହି ଯୋଜନରୁ ସହାୟତା ପାଇବେ ।
ଗରିବ ବାଳିକାଟିର ଚିକିତ୍ସା ନିମନ୍ତେ ସରକାରଙ୍କ ଏତାଦୃଶ ତୁରନ୍ତ ପଦକ୍ଷେପ ପାଇଁ ସ୍ଥାନୀୟ ବାସିନ୍ଦା ସନ୍ତୋଷ ପ୍ରକାଶ କରିଛନ୍ତି ।
Click it and Unblock the Notifications
Sign in with Google