କରୋନାରେ ଆଉ ଜଣେ ବରିଷ୍ଠ ସାମ୍ବାଦିକଙ୍କ ପରଲୋକ

କରୋନାରେ ଆଉ ଜଣେ ସାମ୍ବାଦିକଙ୍କ ଦେହାନ୍ତ ହୋଇଛି । ବରିଷ୍ଠ ସାମ୍ବାଦିକ ଡି ଶଙ୍କର ରାଓଙ୍କର ଗତକାଲି ବିଳମ୍ବିତ ରାତିରେ 77 ବର୍ଷ ବୟସରେ ଦେହାନ୍ତ ହୋଇଛି ।

Updated: Saturday, May 8, 2021, 16:54 [IST]

ଭୁବନେଶ୍ୱର : କରୋନାରେ ଆଉ ଜଣେ ସାମ୍ବାଦିକଙ୍କ ଦେହାନ୍ତ ହୋଇଛି । ବରିଷ୍ଠ ସାମ୍ବାଦିକ ଡି ଶଙ୍କର ରାଓଙ୍କର ଗତକାଲି ବିଳମ୍ବିତ ରାତିରେ 77 ବର୍ଷ ବୟସରେ ଦେହାନ୍ତ ହୋଇଛି । କିଛି ଦିନ ପୂର୍ବରୁ ସେ କରୋନା ଆକ୍ରାନ୍ତ ହୋଇ ଲକ୍ଷ୍ମଣ ନାୟକ ମେଡିକାଲ କଲେଜ ଏବଂ ହସ୍ପିଟାଲରେ ଭର୍ତ୍ତି ହୋଇଥିଲ । ଗତକାଲି ରାତି 11.45 ମିନିଟରେ ତାଙ୍କର ମୃତ୍ୟୁ ହୋଇଥିବା ଜଣାପଡ଼ିଛି ।

ଶ୍ରୀ ରାଓ ଜିଲ୍ଲା ରାଜସ୍ୱ କାର୍ଯ୍ୟାଳୟରେ ଜଣେ ବରିଷ୍ଠ କିରାଣୀ ଭାବରେ କାର୍ଯ୍ୟ କରିଥିଲେ । ଅବସର ପରେ ସେ ତେଲୁଗୁ ପତ୍ରିକା 'ସାକ୍ସି' ପାଇଁ 20 ବର୍ଷ ସାମ୍ବାଦିକ ଭାବରେ କାର୍ଯ୍ୟ କରିଥିଲେ । ରାଓଙ୍କ ଦେହାନ୍ତରେ ଅନେକ ସଂଗଠନ ଏବଂ ସାମ୍ବାଦିକ ଦୁଃଖ ପ୍ରକାଶ କରିଛନ୍ତି ।

ନିକଟରେ କୋରାପୁଟର ଜୟପୁର ବାସିନ୍ଦା ଯୁବ ସାମ୍ବାଦିକ ସୁମିତ ଓଙ୍କା ମଧ୍ୟ କରୋନା ସଂକ୍ରମିତ ହୋଇ ପ୍ରାଣ ହରାଇଥିଲେ । ବିଶାଖାପାଟନମର ଏକ ଘରୋଇ ଡାକ୍ତରଖାନାରେ ଚିକିତ୍ସିତ ହେଉଥିବା ବେଳେ ତାଙ୍କର ଦେହାନ୍ତ ହୋଇଥିଲା ।