ନିର୍ବାଚନ ପୂର୍ବରୁ ବିଜେଡିକୁ ଝଟକା: ଦଳ ଛାଡିଲେ ଆନନ୍ଦପୁର ବିଧାୟକ ଭାଗିରଥୀ ସେଠୀ

Updated: Tuesday, April 30, 2024, 21:52 [IST]

Odisha Politics News: ନିର୍ବାଚନ ପୂର୍ବରୁ ବିଜେଡିକୁ ଝଟକା । ଦଳ ଛାଡିଲେ ଆନନ୍ଦପୁର ବିଧାୟକ ଭାଗିରଥୀ ସେଠୀ । ଆଜି ସେ ବିଜେଡି ପ୍ରାଥମିକ ସହସ୍ୟ ପଦରୁ ଇସ୍ତା ଦେଇଥିବା ନେଇ ସୂଚନା ରହିଛି । ସେ ନିଜ ଇସ୍ତଫା ପତ୍ର ବଜେଡିର ସୁପ୍ରିମୋ ନବୀନ ପଟ୍ଟନାୟକଙ୍କ ପାଖକୁ ପଠାଇଛନ୍ତି । ହେଲେ ସେ କେଉଁ କାରଣରୁ ଦଳ ଛାଡିଲେ ସେନେଇ କୌଣସି ସ୍ପଷ୍ଟ ସୂଚନା ମିଳିନାହିଁ ।

ସୂଚନାଥାଉ ଯେ, ୨୦୦୯ ଲୋକସଭା ନିର୍ବାଚନରେ କେନ୍ଦୁଝର ଜିଲ୍ଲା ଆନନ୍ଦପୁର ନିର୍ବାଚନମଣ୍ତଳୀରୁ ଭାଗିରଥୀ ସେଠୀଙ୍କୁ ବିଜେଡି ପ୍ରାର୍ଥୀ ଭାବେ ଘୋଷଣା କରିଥିଲା । ଉକ୍ତ ବର୍ଷ ସେ ସେହି ଆସନରୁ ବିଜୟ ଲାଭ କରିଥିଲେ ଏବଂ ଓଡ଼ିଶା ବିଧାନସଭାକୁ ଯାଇଥିଲେ । ହେଲେ ୧୦୧୪ରେ ଦଳ ତାଙ୍କୁ ଟିକେଟ୍ ନ ଦେଇ ମାୟାଧର ଜେନାଙ୍କୁ ପ୍ରାର୍ଥୀ ଭାବେ ଘୋଷଣା କରିଥିଲା । ଯାହାପରେ ସେ ବିଜେଡି ଛାଡିବାର ନିଷ୍ପତ୍ତି ନେଇଥିଲେ ଏବଂ ବିଜେପିରେ ଯୋଗ ଦେଇଥିଲେ ।

ଏହାପରେ ୨୦୧୯ରେ ସେ ପୁଣି ବିଜେପି ଛାଡି ବିଜେଡିକୁ ଫେରି ଆସିଥିଲେ ଏବଂ ସେ ପୁଣି ସମାନ ଆସନରୁ ବିଜୟୀ ହୋଇଥିଲେ । ହେଲେ ଏଥର ବିଜେଡି ପକ୍ଷରୁ ତାଙ୍କୁ ଟିକେଟ୍ ମିଳି ନଥିଲା । ତାଙ୍କ ସ୍ଥାନରେ ଅଭିମନ୍ୟୁ ସେଠୀଙ୍କୁ ଦଳ ଟିକେଟ୍ ଦେଇଛି । ଯେଉଁଥିପାଇଁ ସେ ଦଳ ଛାଡିବାର ନିଷ୍ପତ୍ତି ନେଇଥିବା ନେଇ ଚର୍ଚ୍ଚା ହେଉଛି ।