ବରମୁଣ୍ଡା ବସ୍ ଟର୍ମିନାଲ କାର୍ଯ୍ୟର ଅଗ୍ରଗତି ନେଇ ସମୀକ୍ଷା କଲେ 5-ଟି ଅଧ୍ୟକ୍ଷ ଭି କେ ପାଣ୍ଡିଆନ୍
ଭୁବନେଶ୍ୱର: ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକ ନିର୍ଦ୍ଦେଶ କ୍ରମେ 5T ଅଧ୍ୟକ୍ଷ ଭିକେ ପାଣ୍ଡିଆନ ଆଜି ଭୋର୍ 5 ଟା ରୁ ବରମୁଣ୍ଡା ଆନ୍ତଃରାଜ୍ୟ ବସ୍ ଟର୍ମିନାଲ୍ (ଆଇସିବିଟି) ପରିଦର୍ଶନ କରିଛନ୍ତି । ବିଭିନ୍ନ କାର୍ଯ୍ୟକଳାପର ଅଗ୍ରଗତିର ସମୀକ୍ଷା କରିବା ସହ ଶୀଘ୍ର କାର୍ଯ୍ୟକ୍ଷମତାକୁ ସୁନିଶ୍ଚିତ କରିଛନ୍ତି । ଏହି ବସ୍ ଟର୍ମିନାଲ କେବଳ ଓଡିଶାର ବାସିନ୍ଦାଙ୍କ ପାଇଁ ନୁହେଁ ବରଂ ପଡୋଶୀ ରାଜ୍ୟମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ଗମନାଗମନ ହବ୍ ହେବାକୁ ପ୍ରସ୍ତୁତ ହେଉଛି ।
ଏହି ଗସ୍ତ ସମୟରେ ଶ୍ରୀ ପାଣ୍ଡିଆନ୍ ଯାତ୍ରୀମାନଙ୍କ ପାଇଁ ପ୍ରଦାନ କରାଯାଇଥିବା ସୁବିଧା, ୱେଟିଂ ହଲ୍, ପରିମଳ ସୁବିଧା, ବସ୍ ଚଳାଚଳ, ଏଫ୍ ଆଣ୍ଡ ବି ଆଉଟଲେଟ୍, ଆଲୋକୀକରଣ ଏବଂ ଶୌଚାଳୟ ସୁବିଧାକୁ ନେଇ ସମୀକ୍ଷା କରିଛନ୍ତି । ଏହା ସହ ଅପରେସନ୍ କଣ୍ଟ୍ରୋଲ୍ ସେଣ୍ଟର (ଓସିସି) କୁ ପ୍ରଶଂସା କରିଥିଲେ ।
ଯାତ୍ରୀମାନଙ୍କ ସୁବିଧା ପାଇଁ ଓଡିଆରେ ସଙ୍କେତ ଏବଂ ମାନଚିତ୍ର ସୁବିଧା ଯୋଗାଇଦେବାକୁ ଶ୍ରୀ ପାଣ୍ଡିଆନ୍ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ଅବଶିଷ୍ଟ ସମାପ୍ତ କାର୍ଯ୍ୟକୁ ତ୍ୱରାନ୍ୱିତ କରିବାକୁ ଏବଂ ଫେବୃଆରୀ ମଧ୍ୟଭାଗରେ ଓଡିଶାର ଲୋକଙ୍କୁ ଉତ୍ସର୍ଗ କରିବାକୁ ପ୍ରସ୍ତୁତ କରକିବା ନେଇ ସେ ବିଡିଏର ଚିମ୍ କୁ ନିର୍ଦ୍ଦେଶ ଦେଇଛନ୍ତି ।
15.5 ଏକରରୁ ଅଧିକ ଜମି ବିସ୍ତାର କରି ଭୁବନେଶ୍ୱର ବିକାଶ ପ୍ରାଧିକରଣ (ବିଡିଏ) ଦ୍ୱାରା ପରିଚାଳିତ ISBT ବାରାମୁଣ୍ଡା ପ୍ରକଳ୍ପ ବିଭିନ୍ନ ପ୍ରକାରର ଯାତ୍ରୀ ସୁବିଧା, କାର୍ଯ୍ୟାଳୟ ସ୍ଥାନ, ପାର୍କିଂ ସୁବିଧା, ଫୁଡ୍ କୋର୍ଟ, ରେଷ୍ଟୁରାଣ୍ଟ ଏବଂ ବାଣିଜ୍ୟିକ କ୍ଷେତ୍ର ପ୍ରଦାନ କରିବାକୁ ଲକ୍ଷ୍ୟ ରଖିଛି । ଯାତ୍ରୀମାନଙ୍କ ଆବଶ୍ୟକତାକୁ ଦୃଷ୍ଟିରେ ରଖି ଟର୍ମିନାଲ୍ ଡିଜାଇନ୍ କରାଯାଇଛି ଏବଂ ସେମାନଙ୍କୁ ଏକ ଆରାମଦାୟକ ଏବଂ ସୁବିଧାଜନକ ଯାତ୍ରାର ଅଭିଜ୍ଞତା ପ୍ରଦାନ କରିବାର ଲକ୍ଷ୍ୟ ରଖାଯାଇଛି ।
ଏହି ଗସ୍ତ ସମୟରେ ଭିସି ବିଡିଏ, ଡିସିପି ଭୁବନେଶ୍ୱର, ବିଏମସି କମିଶନର, ବିଡିଏର ବରିଷ୍ଠ ଅଧିକାରୀ ଏବଂ କାର୍ଯ୍ୟନିର୍ବାହୀ ଏଜେନ୍ସି ଉପସ୍ଥିତ ଥିଲେ ।
Click it and Unblock the Notifications
Sign in with Google