ସରୁନି ଗୋଲାପୀ ନୋଟ୍ ! 2000 ଟଙ୍କା ନୋଟ୍ ବଦଳାଇବାକୁ ଆଜି ବି ଆରବିଆଇ ଆଗରେ ଲମ୍ବା ଧାଡ଼ି

2000 Rupees Note: ଲୋକଙ୍କ ପାଖୁ ସରୁନି ଗୋଲାପୀ ନୋଟ୍ । 2000 ଟଖ ବଦଳ କରିବାକୁ ଆଜି ବି ଆରବିଆଇ ଆଗରେ ଲାଗିଛି ଲମ୍ବା ଲାଇନ୍ । ଧାଡିରେ ଛିଡ଼ା ହୋଇଛନ୍ତି ଦିନ ମଜୁରିଆ ଖଟିଖିଆ । ଦୁଇ ଦିନ ଛୁଟି ପରେ ଆଜି ବି ପୂର୍ବ ଭଳି ଭୁବନେଶ୍ୱର ଆରବିଆଇ ଆଗରେ ଭିଡ଼ ଦେଖିବାକୁ ମିଳିଛି ।

ଗତ କିଛି ଦିନ ହେବ 2000 ଟଙ୍କା ନୋଟ୍ ବଦଳ କରିବାକୁ ଆରବିଆଇ ଆଗରେ ଲକୋମାନେ ଲମ୍ବା ଲାଇନ୍ ଲଗାଉଛନ୍ତି । ତେବେ 2000 ଟଙ୍କା ଅଚଳ ହେବା ପରେ ମଧ୍ୟ ଲୋକଙ୍କ ପାଖରେ ଏତେ ମାତ୍ରାର ଟଙ୍କା କେଉଁଠୁ ଆସୁଛି ସେ ନେଇ ବଡ଼ ପ୍ରଶ୍ନ ଉଠୁଛି । କେତେକ ଧନୀକ ଶ୍ରେଣୀର ଲୋକ ଦଲାଲଙ୍କ ମାଧ୍ୟମରେ ଦିନ ମଜୁରିଆଙ୍କୁ ଲାଇନ୍ ରେ ଛିଡ଼ା କରି ଟଙ୍କା ବଦଳ କରୁଥିବା କୁହାଯାଉଛି । ଏପରିକି ଟଙ୍କା ବଦଳ କରିବାକୁ ଦିନକୁ 300 ଟଙ୍କା ମଜୁରୀ ମିଳୁଛି ବୋଲି ଜଣାପଡ଼ିଛି ।

ଏ ନେଇ ବାରମ୍ବାର ଗଣମାଧ୍ୟମରେ ଖବର ପ୍ରସାରଣ ପରେ EOW ଏବଂ ED ପହଞ୍ଚି ଏ ନେଇ ପଚରାଉଚୁରା କରିଥିଲା । ଏହା ସହ ଆରିବଆଇ ଅଧିକାରୀଙ୍କ ସହ ଆଲୋଚନା କରି ସିସିଟିଭି ଫୁଟେଜ୍ ନେଇଥିଲା । ଏପରିକି ସନ୍ଦେହ ହେଉଥିବା ଲୋକଙ୍କ ନାଁ, ଠିକଣା ଏବଂ ଫଟୋ ନେଇଥିଲା । କିନ୍ତୁ ଦୁଇ ଦିନ ଛୁଟି ପରେ ପୁଣି ପୂର୍ବ ଅବସ୍ଥା ଦେଖିବାକୁ ମିଳିଛି ।

ବ୍ୟାଙ୍କରେ ଅକ୍ଟୋବର 7 ତାରିଖ ଯାଏଁ ଟଙ୍କା ବଦଳାଇବାର ଶେଷ ସୀମା ଥିବା ବେଳେ ଆରବିଆଇରେ ଏବେ ଏହି ଟଙ୍କା ବଦଳାଇବା ବ୍ୟବସ୍ଥା ଜାରି ରହିଛି । ତେବେ ଟଙ୍କା ବଦଳାଇବା ପାଇଁ ହଠାତ୍ ଏଭଳି ଗହଳକୁ ନେଇ ସନ୍ଦେହ ବଢିବାରେ ଲାଗିଛି । 2000 ଟଙ୍କା ଅଚଳ ହେବା ନେଇ ଆରବିଆଇ ଘୋଷମାଣା କରିବାର ବହୁ ପୂର୍ବରୁ ବ୍ୟାଙ୍କ କିମ୍ବା ଏଟିଏମ୍ ରେ 2000 ଟଙ୍କିଆ ନୋଟ୍ ଦେଖିବାକୁ ମିଳୁନଥିଲା । କିନ୍ତୁ ହଠାତ୍ ଏତେ ପରିମାଣର 2000 ଟଙ୍କିଆ ନୋଟ୍ କେଉଁଠୁ ଆସିଲା ସେ ନେଇ ପ୍ରଶ୍ନ ଉଠୁଛି ।

ଟଙ୍କା ବଦଳ କରିବାକୁ ଆସିଥିବା ଲୋକ ଏ ସବୁ ତାଙ୍କର ନ ହେଲେ ମଧ୍ୟ ବଡ଼ ବଡ଼ିଆ ବାବୁଙ୍କ ଟଙ୍କା ବଦଳାଇବାକୁ ଲାଇନ ଲଗାଇଛନ୍ତି ବୋଲି ବସ୍ତିବାସିନ୍ଦା ମାନେ ପ୍ରତିକ୍ରିୟା ରଖିଛନ୍ତି । 20 ହଜାର ଟଙ୍କା ବଦଳାଇଲେ ଅସଲି ମାଲିକଙ୍କ ଠାରୁ ମିଳୁଛି 300 ଟଙ୍କା । କିଛି ବ୍ୟବସାୟୀ ଲୋକଙ୍କ ଜରିଆରେ ନୋଟ ବଦଳାଉଥିବା ଜଣାପଡିଛି । ଏପରିକି କେତେ ଲୋକ ନୋଟ୍ ଅଚଳ ହୋଇଥିବା ନେଇ ଜାଣି ନଥିବା ବୋଲି କହିଛନ୍ତି । ତେବେ ହଠାତ୍ ଆରବିଆଇ ରେ ନୋଟ୍ ବଦଳ ନେଇ ଖବର ପାଇବା ଏବଂ ଏତେ ପରିମାଣର 2000 ଟଙ୍କିଆ ନୋଟ୍ ସାଧାରଣ ଗରିବ ଖଟିଖିଆଙ୍କ ପାଖରେ କେଉଁଠୁ ଆସିଲା ସେ ନେଇ ପ୍ରଶ୍ନବାଚୀ ସୃଷ୍ଟି ହେଉଛି ।

English summary

2000 Rupee Note Exchange: long ques in front of RBI to Exchange 2000 rupee note