ଓଲଟିଲା ‘ଶିଭମ୍'; 10 ଯାତ୍ରୀ ଆହତ

ସମ୍ବଲପୁର: ସକାଳୁ ସକାଳୁ ସଡ଼କ ଦୁର୍ଘଟଣା । ଭାରସାମ୍ୟ ହରାଇ ଓଲଟିପଡ଼ିଛି ଯାତ୍ରୀବାହୀ ବସ୍ । ଫଳରେ 10 ଜଣ ଯାତ୍ରୀ ଆହତ ହୋଇଛନ୍ତି । ଆହତ ସମସ୍ତଙ୍କୁ ଉଦ୍ଧଆର କରି ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇଛି ।

ସମ୍ବଲପୁର ଜିଲ୍ଲା ସୁଖାନାଳ ଠାରେ ଘଟିଛି ଏହି ବସ୍‌ ଦୁର୍ଘଟଣା । ଖବର ଅନୁଯାୟୀ, ଭୁବନେଶ୍ୱରରୁ ହୀରାକୁଦ ଯାଉଥିଲା 'ଶିଭମ୍' ଏକ ଯାତ୍ରୀବାହୀ ବସ୍‌ । ଭୋର ସମୟରେ ଚାରମାଳ ସୁଖାନାଳ ଠାରେ ବସ୍‌ଟି ହଠାତ୍‌ ଭାରସାମ୍ୟ ରାସ୍ତାକଡ଼କୁ ଓଲଟି ପଡିଥିଲା । ଫଳରେ ଗାଡି ଥିବା ଯାତ୍ରୀଙ୍କ ମଧ୍ୟରୁ 10 ଜଣ ଆହତ ହୋଇଛନ୍ତି । ବସରେ 50 ଜଣ ଯାତ୍ରୀ ଥିବାବେଳେ 8 ଜଣ ଯାତ୍ରୀ ସାମାନ୍ୟ ଆହତ ହୋଇଥିବା ବେଳେ 2 ଜଣଙ୍କ ଅବସ୍ଥା ଗୁରୁତର ରହିଥିବା ସୂଚନା ମିଳିଛି ।

ତେବେ ଦୁର୍ଘଟଣା ପରେ ଘଟଣାସ୍ଥଳରୁ ଉଦ୍ଧାରକାର୍ଯ୍ୟ ଆରମ୍ଭ ହୋଇଥିଲା । ସମସ୍ତ ଆହତଙ୍କୁ ଉଦ୍ଧାର କରି ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି । ଘଟଣା ସ୍ଥଳରେ ପୋଲିସ ପହଞ୍ଚି ଘଟଣା ର ତଦନ୍ତ କରୁଛି l ଘଟଣାସ୍ଥଳରୁ ଡ୍ରାଇଭର ଫେରାର ଥିବା ସୂଚନା ମିଳିଛି ।

English summary

10 passengers injured as Bus Accident in Sambalpur