କୁସ୍ତିଯୋଦ୍ଧା ବିରୋଧ ପ୍ରଦର୍ଶନ : ନାବାଳିକା ଅଭିଯୋଗକାରୀଙ୍କ ବାପା କହିଲେ - ଆମେ ବୟାନରେ ଅଟଳ...
ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (ଡବ୍ଲୁଏଫ୍ଆଇ) ମୁଖ୍ୟ ବ୍ରିଜ ଭୂଷଣ ଶରଣ ସିଂହଙ୍କ ଅଡ଼ୁଆ ଛିଡ଼ିବାର ନାଁ ନେଉନାହିଁ । ଯୌନ ନିର୍ଯାତନା ଅଭିଯୋଗ ଆଣିଥିବା ନାବାଳିକାର ପିତା ଦାବି କରିଛନ୍ତି ଯେ ସେ ଅଭିଯୋଗ ପ୍ରତ୍ୟାହାର କରି ନାହାଁନ୍ତି । ତାଙ୍କ ଝିଅ ନିଜ ବୟାନରେ ଅଟଳ ଅଛନ୍ତି ।
ଏକ ନ୍ୟୁଜ୍ ଏଜେନ୍ସି ସହ କଥାବାର୍ତ୍ତା କରି ପୀଡିତାଙ୍କ ପିତା କହିଛନ୍ତି ଯେ ମୋ ଝିଅ ବିବୃତ୍ତି ପ୍ରତ୍ୟାହାର ନେଇ ସୋଶାଲ ମିଡିଆରେ ଅନେକ ଦାବି କରାଯାଉଛି, ସେ ସବୁ ମିଥ୍ୟା । ସେ ତାଙ୍କ ବିବୃତ୍ତିରେ ଅଟଳ ଅଛନ୍ତି । ସେ ବର୍ତ୍ତମାନ ଦିଲ୍ଲୀ କିମ୍ବା ହରିୟାଣାରେ ନାହାଁନ୍ତି, ସେ ବାହାରକୁ ଯାଇଛନ୍ତି ।
କିଛି ଦିନ ପୂର୍ବରୁ ପୀଡିତାଙ୍କ ଦାଦା ଗଣମାଧ୍ୟମ ସାମ୍ନାକୁ ଆସିଥିଲେ । କୁସ୍ତିଯୋଦ୍ଧାମାନେ ତାଙ୍କ ଝିଅକୁ ଅପବ୍ୟବହାର କରୁଥିଲେ ବୋଲି ସେ କହିଥିଲେ । ସେମାନେ ତାଙ୍କୁ ବିଭ୍ରାନ୍ତୀକର ବିବୃତ୍ତି ଦେବା କହୁଥିବା ନେଇ ତାଙ୍କ ଦାଦା କହିଥିଲେ । କୁସ୍ତିଯୋଦ୍ଧାମାନେ ତାଙ୍କ ବଡ଼ ଭାଇଙ୍କୁ ମଧ୍ୟ ପ୍ରତାରଣା କରିଥିବା ସେ ଅଭିଯୋଗ କରିଛନ୍ତି ।
ଏପରିକି ନାବାଳିକାଙ୍କ ଦାଦା ଦାବି କରିଥିଲେ ଯେ ସେ ବୟସ୍କା ହୋଇଥିବାରୁ ବ୍ରିଜ ଭୂଷଣଙ୍କୁ ପୋସ୍କୋ ଆକ୍ଟ ଅନୁଯାୟୀ କୋର୍ଟ ଚାଲାଣ କରାଯାଇପାରିବ ନାହିଁ । ଏହା ବ୍ୟତୀତ, ଯଦି ତାଙ୍କ ସହିତ କିଛି ଭୁଲ ହୋଇଥାନ୍ତା, ତେବେ ସେହି ଲୋକମାନେ ନିଜେ ଆଗକୁ ଆସି ବିରୋଧ କରିଥାନ୍ତେ । ତେବେ ପରେ ଦାଦାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି କରାଯାଇଥିଲା । ଯୌନ ଶୋଷଣର ଶିକାର ହୋଇଥିବା ତାଙ୍କ ଝିଆରୀଙ୍କ ପରିଚୟ ପ୍ରକାଶ କରିଥିବା ଅଭିଯୋଗ ହୋଇଥିଲା ।
ଅନ୍ୟପକ୍ଷରେ, ହରିୟାଣାର କୁରୁକ୍ଷେତ୍ରରେ ଖାପ ପଞ୍ଚାୟତ ଡକାଯାଇଥିଲା । ଯେଉଁଥିରେ ବହୁ କୃଷକ ନେତା ମଧ୍ୟ ଭାଗ ନେଇଥିଲେ । ଏହି ବୈଠକରେ ନିଷ୍ପତ୍ତି ନିଆଯାଇଛି ଯେ ବ୍ରିଜ ଭୂଷଣଙ୍କୁ 9 ଜୁନ୍ ସୁଦ୍ଧା ଗିରଫ କରିବା ପାଇଁ ସରକାରଙ୍କୁ ଅଲ୍ଟିମେଟମ୍ ଦିଆଯିବ । ଏହା ପରେ ବିରୋଧ ପ୍ରଦର୍ଶନ ଜୋରଦାର କରାଯିବ । ଜନ୍ତର ମନ୍ତରରେ ବିରୋଧ ପ୍ରଦର୍ଶନ କରିବାକୁ ସେମାନେ ଦିଲ୍ଲୀ ପୋଲିସଠାରୁ ଅନୁମତି ମାଗିଛନ୍ତି ।
Click it and Unblock the Notifications
Sign in with Google