କୋଭିଡ ସମୟରେ ଜନ୍ମ ହୋଇଥିବା ପିଲାମାନଙ୍କର ମନରେ ଭୟ ! ଅଧିକ ଲୋକଙ୍କୁ ଦେଖିଲେ ହେଉଛନ୍ତି ଭୟଭୀତ

କୋଭିଡ୍ ସମେରେ ଜନ୍ମିତ ଅନେକ ପିଲାଙ୍କ ଠାରେ ଏହି ଲକ୍ଷଣ ଦେଖାଦେଉଛି । ସେମାନେ ନୀରବତାରେ ଅଭ୍ୟସ୍ତ ହୋଇଥିବାରୁ ସେମାନେ ଉଚ୍ଚ ସ୍ୱରକୁ ସହ୍ୟ କରିପାରୁନାହଁନ୍ତି । ଘରେ ଅଭ୍ୟସ୍ତ ହୋଇଥିବା ଅଳ୍ପ ଚେହେରା ବ୍ୟତୀତ ଅନ୍ୟ ନୂଆ ଲୋକଙ୍କୁ ଦେଖିଲେ ଭୟଭୀତ ହେଉଛନ୍ତି ।

"ମୋ ଝିଅ ଲୋକମାନଙ୍କୁ ଦେଖିଲେ ଭୟଭୀତ ହୋଇପଡ଼ୁଛି । ଆମ ଘର ସମ୍ନାରେ ଯଦି କେହି ଅପରିଚିତ କିମ୍ବା ନୂଆ ଲୋକ ଆସୁଛନ୍ତି, ତେବେ ସେ ଚିତ୍କାର କରୁଛି । ସେ ଦେଢ ବର୍ଷ ମଧ୍ୟରେ ଏକାଥରେ 20 ରୁ ଅଧିକ ଲୋକଙ୍କୁ କେବେ ଦେଖି ନାହାଁନ୍ତି ଏବଂ ରାସ୍ତାରେ କୌଣସି ବଡ଼ ଶବ୍ଦକୁ ଶୁଣିଲେ ସେ ଆଶ୍ଚର୍ଯ୍ୟ ହୋଇ ଚିତ୍କାର କରୁଛି ।" ବୋଲି କହିଛନ୍ତି ଜଣେ ମା' ନିଶ୍ଚିତା ଗୋପୀନାଥ ।

ନିଶିତାଙ୍କ ଝିଅ ଲୌକ୍ଷ୍ୟ ଗତ ବର୍ଷ ଅପ୍ରେଲରେ କରୋନା ମହାମାରୀ ସମୟରେ ଜନ୍ମଗ୍ରହଣ କରିଥିଲେ । ଶିଶୁକୁ କୋରାନରୁ ରକ୍ଷା କରିବା ନେଇ ବାହାର ଲୋକଙ୍କ ଠାରୁ ଦୂରେଇ ରଖିଥିଲେ ସଚେତନ ପରିବାର । ଶିଶୁର ଟୀକାକରଣ ପାଇଁ ସେମାନେ କେବଳ ବାହାରକୁ ବାହାରୁଥିଲେ । ଏକ ବର୍ଷରୁ ଅଧିକ ସମୟ ପରେ, ପିଲା ଶୀଘ୍ର ବଢୁଥଇବା ସହ ସାମାଜିକ ଚିନ୍ତାରେ ପୀଡିତ ହେଉଛି ।

କୋଭିଡ୍ ସମେରେ ଜନ୍ମିତ ଅନେକ ପିଲାଙ୍କ ଠାରେ ଏହି ଲକ୍ଷଣ ଦେଖାଦେଉଛି । ସେମାନେ ନୀରବତାରେ ଅଭ୍ୟସ୍ତ ହୋଇଥିବାରୁ ସେମାନେ ଉଚ୍ଚ ସ୍ୱରକୁ ସହ୍ୟ କରିପାରୁନାହଁନ୍ତି । ଘରେ ଅଭ୍ୟସ୍ତ ହୋଇଥିବା ଅଳ୍ପ ଚେହେରା ବ୍ୟତୀତ ଅନ୍ୟ ନୂଆ ଲୋକଙ୍କୁ ଦେଖିଲେ ଭୟଭୀତ ହେଉଛନ୍ତି ।

ଏହି ପିଲାମାନେ ମହାମାରୀର ଅନେକ ଚାପର ସମ୍ମୁଖୀନ ହେବାକୁ ବାଧ୍ୟ ହେଉଛନ୍ତି ବୋଲି ମାନସ ଇନଷ୍ଟିଚ୍ୟୁଟ୍ ଅଫ୍ ମେଣ୍ଚାଲ ହେଲ୍ଥ ବିଭାଗର ବରିଷ୍ଠ ପରାମର୍ଶଦାତା ମାନସିକ ରୋଗ ବିଶେଷଜ୍ଞ ଡ଼ ଆଲୋକ କୁଲକର୍ଣ୍ଣି କହିଛନ୍ତି । "ଏହି ପିଲାମାନେ ଚିନ୍ତିତ ପିତାମାତାଙ୍କ ଦ୍ୱାରା ଘେରି ରହି ଏକ ଅପ୍ରତ୍ୟାଶିତ ଏବଂ ଅନିଶ୍ଚିତ ପରିବେଶରେ ବାସ କରୁଛନ୍ତି । ଏହି ନବଜାତ ଶିଶୁମାନଙ୍କୁ ବାହ୍ୟ ଜଗତ ସହିତ ପରିଚିତ କରିବାର କମ୍ ସୁଯୋଗ ଅଛି । ଏହା ନିଜସ୍ୱ କ୍ଷତି ପହଞ୍ଚାଇବ । ଆମେ ଏହା ମଧ୍ୟ ପାଇଲୁ ଯେ ପିଲାମାନେ ଅସାବଧାନତା ଏବଂ ହାଇପରାକ୍ଟିଭ୍ ହୋଇଯାଉଛନ୍ତି । ସେମାନଙ୍କ କ୍ଷୁଦ୍ର ମସ୍ତିଷ୍କ ପାଇଁ ମଧ୍ୟ ଏହା ଏକ ଚ୍ୟାଲେଞ୍ଜିଂ ବୋଲି ସେ ଚେତାବନୀ ଦେଇଛନ୍ତି ।

ଏହା ଆଶା କରାଯାଉଥିବା ଠାରୁ ବଡ ସମସ୍ୟାରେ ପରିଣତ ହୋଇପାରେ ବୋଲି ଶିଶୁ ପରାମର୍ଶଦାତା ନୟାନା ଶ୍ରୀବାତ୍ସା କହିଛନ୍ତି । "ବର୍ତ୍ତମାନ ପାଇଁ, ଜଣେ ନୂଆ ଲୋକଙ୍କୁ ଦେଖିଲେ ପିଲାଟି ବିରକ୍ତ ଅନୁଭବ କରୁଛି । ଯଦି ପିତାମାତା ଏହାକୁ ଅଣଦେଖା କରନ୍ତି ତେବେ, ପିଲାମାନେ ବାହ୍ୟ ଜଗତରେ କଦାପି ଅଭ୍ୟସ୍ତ ହୋଇପାରିବେ ନାହିଁ । ତେଣୁ ପିଲାଟିକୁ ସେମାନଙ୍କ ବୟସର ଅନ୍ୟ ପିଲାମାନଙ୍କ ସହିତ ବନ୍ଧୁତା କରିବା ପାଇଁ ପିତାମାତାମାନେ ଧୀରେ ଧୀରେ ଚେଷ୍ଟା କରିବା ଉଚିତ । କମ୍ ଭିଡ଼ ସ୍ଥାନରେ ପଡ଼ୋଶୀ, ଏବଂ ସକାଳ କିମ୍ବା ସନ୍ଧ୍ୟାରେ ବୁଲାଇବା ଉଚିତ୍ । ଏହା ବ୍ୟତୀତ ଅନ୍ୟ କୌଣସି ଉପାୟ ନାହିଁ ବୋଲି ସେ କହିଛନ୍ତି ।

English summary

Scarred Minds of Kids Born in Covid Era