ବନ୍ଦ ହୋଇଯିବ 500 ଟଙ୍କା ନୋଟ୍, ପୁଣି ଫେରିବ 1000 ଟଙ୍କା ନୋଟ୍ ! ଜାଣନ୍ତୁ କଣ କହିଲେ ଆରବିଆଇ ଗଭର୍ଣ୍ଣର

ଆରବିଆଇ 2000 ଟଙ୍କା ନୋଟ ପ୍ରତ୍ୟାହାର କରିବା ନେଇ ଘୋଷଣା କରିବା ପର ଠାରୁ 500 ଟଙ୍କା ବନ୍ଦ ହେବା ଏବଂ ବଜାରକୁ ପୁଣି 1000 ଟଙ୍କିଆ ନୋଟ୍ ଫେରିବା ନେଇ ଅନେକ ଆକଳନ କରାଯାଉଛି । ଏହାକୁ ନେଇ ଆରବିଆଇ ଗଭର୍ଣ୍ଣର ବର୍ତ୍ତମାନ ସ୍ପଷ୍ଟୀକରଣ ଦେଇଛନ୍ତି ।

ରିଜର୍ଭ ବ୍ୟାଙ୍କ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ 500 ଟଙ୍କା ନୋଟ ପ୍ରତ୍ୟାହାର କରିବାର କୌଣସି ଯୋଜନା ନାହିଁ । ଏଥିସହିତ ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ ଆରବିଆଇ 1000 ଟଙ୍କା ନୋଟ୍ ପୁଣି ଆଣିବା ନେଇ କୌଣସି ଚିନ୍ତା କରୁନାହାଁନ୍ତି ।

ମୁଦ୍ରା ନୀତି ଘୋଷଣା ପରେ ଗଣମାଧ୍ୟମକୁ ସୂଚନା ଦେଇ ଆରବିଆଇ ଗଭର୍ଣ୍ଣର ଶକ୍ତିକାନ୍ତ ଦାସ କହିଛନ୍ତି ଯେ 500 ଟଙ୍କା ନୋଟ ପ୍ରତ୍ୟାହାର କରିବାର ଉଦ୍ଦେଶ୍ୟ ନାହିଁ । ଏହା ସହିତ ସେ ଏହା ମଧ୍ୟ ସ୍ପଷ୍ଟ କରିଛନ୍ତି ଯେ 1000 ଟଙ୍କିଆ ନୋଟକୁ ପୁଣି ଫେରାଇବା ନେଇ କୌଣସି ଆଲୋଚନା ନାହିଁ । ଏହି ଆଲୋଚନାକୁ କେବଳ କଳ୍ପନାଜଳ୍ପନା ବୋଲି କହିଛନ୍ତି ।

ବାସ୍ତବରେ, ଆରବିଆଇ ଗଭର୍ଣ୍ଣରଙ୍କୁ ଏସବୁ କହିବାକୁ ପଡିଛି, କାରଣ ଆରବିଆଇ 2000 ଟଙ୍କିଆ ନୋଟକୁ ବଜାରରୁ ପ୍ରତ୍ୟାହାର କରୁଛି । କିନ୍ତୁ ବର୍ତ୍ତମାନ ଏହା ଆଇନଗତ ଭାବେ ଟେଣ୍ଡର ରହିଛି । ଶକ୍ତିକାନ୍ତ ଦାସ କହିଛନ୍ତି, 'ଆରବିଆଇ 500 ଟଙ୍କିଆ ନୋଟ୍ ପ୍ରତ୍ୟାହାର କରିବାକୁ କିମ୍ବା 1000 ଟଙ୍କିଆ ନୋଟ୍ ପୁଣି ଆଣିବାକୁ ଚିନ୍ତା କରୁନାହିଁ । ଜନସାଧାରଣ ଏଭଳି ଗୁଜବ ଉପରେ ବିଶ୍ୱାସ ନକରିବାକୁ ଅନୁରୋଧ କରାଯାଇଛି ।

ରିଜର୍ଭ ବ୍ୟାଙ୍କର ଗଭର୍ଣ୍ଣର କହିଛନ୍ତି ଯେ 1.80 ଲକ୍ଷ କୋଟି ଟଙ୍କାର 2000 ଟଙ୍କିଆ ନୋଟ ଫେରସ୍ତ କରାଯାଇଛି । ଏହା ମୋଟ 2000 ଟଙ୍କିଆ ନୋଟ ମୂଲ୍ୟର ପ୍ରାୟ ଅଧା ଅଟେ । ସେ କହିଛନ୍ତି ଯେ ବର୍ତ୍ତମାନ 2000 ଟଙ୍କାର ପ୍ରାୟ 85% ବ୍ୟାଙ୍କ ନିକଟରେ ଅଛି ।

English summary

RBI Governor Says 500 rupees notes will not be withdrawn and 1000 rupees notes not to reintroduce