ଟିଭି ପରଦାରେ ପୁଣି ଆସିବ ରାମାୟଣ, ଜାଣନ୍ତୁ କେଉଁ ଚ୍ୟାନେଲରେ ଏବଂ କେଉଁ ସମୟରେ ଦେଖି ପାରିବେ 'ରାମଲୀଲା'

Published: Monday, July 3, 2023, 14:30 [IST]

ଆଦିପୁରୁଷ ଚଳଚ୍ଚିତ୍ର ଏବଂ ଏହାର ଡାଏଲଗ୍ କୁ ନେଇ ଅନେକ ଉତ୍ତେଜନା ମଧ୍ୟରେ ଭଗବାନ ରାମଙ୍କ ଭକ୍ତ ମାନଙ୍କ ପାଇଁ ଏକ ଖୁସି ଖବର ଅଛି । ଆଜିଠାରୁ ପୁଣିଥରେ ଟେଲିଭିଜନରେ ପ୍ରସାରିତ ହେବ ରାମାନନ୍ଦ ସାଗରଙ୍କ ରାମାୟଣ ।

ଆଦିପୁରୁଷକୁ ନେଇ ବିବାଦ ମଧ୍ୟରେ ସୋସିଆଲ ମିଡିଆରେ ଲୋକମାନେ ରାମାନନ୍ଦ ସାଗରଙ୍କ ରାମାୟଣର ଚରିତ୍ର ତୁଳନା କରିଥିଲେ । ଏବଂ ଲେଖିଥିଲେ ଯେ ଚଳଚ୍ଚିତ୍ର ନିର୍ଦ୍ଦେଶକ ତଥା ଲେଖକ ରାମାୟଣର ମୌଳିକ କଥା ମଧ୍ୟ ଜାଣି ନାହାଁନ୍ତି । ଏହା ପରେ, ରାମାୟଣର ଟେଲିକାଷ୍ଟ ପୁନର୍ବାର କରାଯାଉ ବୋଲି ମଧ୍ୟ ଦାବି ହୋଇଥିଲା ।

ଏହା ପରେ ବର୍ତ୍ତମାନ ପୁଣି ଟିଭି ପରଦାରେ ଚାଲିବ ରାମାୟଣ । ଶେମାରୋ ଟିଭି ଚ୍ୟାନେଲରେ 3 ଜୁଲାଇ ଅର୍ଥାତ୍ ଆଜି ସନ୍ଧ୍ୟା 7:30 ରେ ରାମାୟଣ ପ୍ରସାରିତ ଆରମ୍ଭ ହେବ । ନିଜ ଇନଷ୍ଟାଗ୍ରାମ ପୋଷ୍ଟରେ ଏହି ସୂଚନା ଦେଇ ଶେମାରୋ ଟିଭି ଲେଖିଛି ଯେ ଆମେ ସମସ୍ତ ଦର୍ଶକଙ୍କ ପାଇଁ ପରାଣିକ ଧାରାବାହିକ ରାମାୟଣ ପୁଣି ନେଇ ଆସିଛୁ ।

Published On July 3, 2023