ଟ୍ରେଣ୍ଡ କରୁଛି ‘ୱାନ୍ ୱାର୍ଡ଼ ଟ୍ୱିଟ୍', ଜୋ ବିଡେନ ଠାରୁ ସଚିନ୍ ପର୍ଯ୍ୟନ୍ତ ଗୋଟିଏ ଶବ୍ଦ କଲେ ଟ୍ୱିଟ୍
ଏହି ଟ୍ରେଣ୍ଡ ଆମେରିକାରେ ଆରମ୍ଭ ହୋଇଥିଲା । ଆମେରିକୀୟ ଟ୍ରେନ୍ ସେବା ଏମଟ୍ରୈକ ନାମକ ଏକ ଅଫିସିଆଲ୍ ଟ୍ୱିଟର ହ୍ୟାଣ୍ଡଲ୍ ଏକ ଟ୍ୱିଟ୍ ସେୟାର କରିଛି ।
ନୂଆଦିଲ୍ଲୀ : ସୋଶାଲ ମିଡିଆରେ ପ୍ରତିଦିନ ପ୍ରାୟତଃ କଛି ନା କିଛି ଟ୍ରେଣ୍ଡ ଦେଖିବକୁ ମିଳିଥାଏ । ଯଦି ଆପଣ ଜଣେ ଟ୍ୱିଟର ବ୍ୟବହାରକାରୀ । ତେବେ ବର୍ତ୍ତମାନ ଟ୍ୱିଟରରେ 'ୱାନ୍ ୱାର୍ଡ଼ ଟ୍ୱିଟ୍' ଟ୍ରେଣ୍ଡ ଆରମ୍ଭ ହୋଇଥିବା ଦେଖିଥିବେ ନିଶ୍ଚୟ । ସାଧାରଣ ଲୋକଙ୍କ ଠାରୁ ଆରମ୍ଭ କରି ବିଶ୍ୱର ନେତା, କ୍ରୀଡ଼ାବିତ୍ ଏବଂ ସେଲିବ୍ରିଟିମାନେ ଏକ ଶବ୍ଦ ଟ୍ୱିଟ୍ କରୁଛନ୍ତି । ଉପଭୋକ୍ତାମାନେ ଏହି ୱାନ୍ ୱାର୍ଡ ଟ୍ୱିଟ୍ ଟ୍ରେଣ୍ଡ ସହ ଅଧିକରୁ ଅଧିକ ଜଡିତ ହେଉଛନ୍ତି । ଏହା ମଧ୍ୟ ସୋଶାଲ ମିଡିଆରେ ଚର୍ଚ୍ଚାର ବିଷୟ ପାଲଟିଛି ।
ଆମେରିକାର ରାଷ୍ଟ୍ରପତି ଜୋ ବିଡେନଙ୍କ ଠାରୁ ଆରମ୍ଭ କରି ଗଡ ଅଫ୍ କ୍ରିକେଟ୍ ସଚିନ୍ ତେନ୍ଦୁଲକର ପର୍ଯ୍ୟନ୍ତ ମଧ୍ୟ ଗୋଟିଏ ଶବ୍ଦ ଟ୍ୱିଟ୍ ଟ୍ରେଣ୍ଡରେ ଯୋଗ ଦେଇଛନ୍ତି । ଷ୍ଟାରବକ୍ସ, ଡୋମିନୋସ୍ ଏବଂ ନ୍ୟାସନାଲ ଏରୋନେଟିକ୍ସ ଏବଂ ସ୍ପେସ୍ ଆଡମିନିଷ୍ଟ୍ରେସନ (ନାସା) ପରି ବଡ ବ୍ରାଣ୍ଡ ମଧ୍ୟ ଏହି ଟ୍ରେଣ୍ଡରେ ଯୋଗ ଦେଇଛନ୍ତି । ଏଭଳି ପରିସ୍ଥିତିରେ ଅନେକ ଲୋକ ପଚାରୁଛନ୍ତି ଯେ ଏହି ଟ୍ରଣ୍ଡ କଣ ଏବଂ କିଏ ଆରମ୍ଭ ହେଲା ? ଆମେ ଆପଣଙ୍କୁ ଏହି ସମ୍ବନ୍ଧୀୟ ସମସ୍ତ ସୂଚନା ଦେବୁ ।
କିପରି ଆରମ୍ଭ ହେଲା ୱାନ୍ ୱାର୍ଡ ଟ୍ୱିଟ୍ ଟ୍ରେଣ୍ଡ
ଏହି ଟ୍ରେଣ୍ଡ ଆମେରିକାରେ ଆରମ୍ଭ ହୋଇଥିଲା । ଆମେରିକୀୟ ଟ୍ରେନ୍ ସେବା ଏମଟ୍ରୈକ ନାମକ ଏକ ଅଫିସିଆଲ୍ ଟ୍ୱିଟର ହ୍ୟାଣ୍ଡଲ୍ ଏକ ଟ୍ୱିଟ୍ ସେୟାର କରିଛି । ଏମଟ୍ରୈକ୍ 2 ସେପ୍ଟେମ୍ବର 2022 ଅପରାହ୍ନ 12.30 ରେ କେବଳ ଗୋଟିଏ ଶବ୍ଦ 'ଟ୍ରେନ୍' ଟ୍ୱିଟ୍ କରିଛି । ଯାହା ପରେ ଏହା ଶୀଘ୍ର ଲୋକପ୍ରିୟ ହେଲା । ଲୋକମାନେ ନିଜ ପସନ୍ଦର 'ଗୋଟିଏ ୱାର୍ଡ ଟ୍ୱିଟ୍' କରିବା ଆରମ୍ଭ କଲେ ।
ଯୋଡ଼ିହେଲେ ଆମେରିକା ରାଷ୍ଟ୍ରପତି ଓ କ୍ରିକେଟର ସଚିନ୍
ଆମେରିକାର ରାଷ୍ଟ୍ରପତି ଜୋ ବାଇଡେନ ତାଙ୍କର ଏକ ଟ୍ୱିଟରେ 'ଡେମୋକ୍ରେସୀ' ଲେଖିଛନ୍ତି । ଏହା ପରେ ଦେଖୁ ଦେଖୁ ସାରା ବିଶ୍ୱରେ 'ୱାନ୍ ୱାର୍ଡ ଟ୍ୱିଟ୍'ର ଟ୍ରେଣ୍ଡ ଆରମ୍ଭ ହୋଇଥିଲା । ନାସା ଏହାର ଏକ ଟ୍ୱିଟରେ 'ୟୁନିଭର୍ସ' ଲେଖିଛି । ଆମେରିକୀୟ କମ୍ପାନୀ ଷ୍ଟାରବକ୍ସ 'କଫି', ଗୁଗୁଲ ମ୍ୟାପ୍ସ 'ମାପ୍ସ' ଲେଖିଛି ଏବଂ ୱାନ ୱାର୍ଡ ଟ୍ୱିଟ୍ କରିବାବେଳେ WWE 'ରେସଲିଂ' ଲେଖିଛି । ଆଇସିସି ଏବଂ ସଚିନ ତେନ୍ଦୁଲକର 'କ୍ରିକେଟ୍' ଲେଖିଛନ୍ତି ।
ସୋଶାଲ ମିଡିଆରେ 'ୱାନ ୱାର୍ଡ ଟ୍ୱିଟ୍'ର ଟ୍ରେଣ଼୍ଡ ଖୁବ୍ ଶୀଘ୍ର ବ୍ୟାପିବାରେ ଲାଗିଛି । ଏହି ଅଭିଯାନରେ ବହୁ ବଡ ସଂଗଠନ ଏବଂ ସେଲିବ୍ରିଟି ଯୋଗ ଦେଉଛନ୍ତି । ଲୋକମାନେ ମଧ୍ୟ ଟ୍ୱିଟରରେ ଏହି ଟ୍ରେଣ୍ଡ ବିଷୟରେ ନିଜର ମତ ଦେଉଛନ୍ତି । ଅନେକ ଲୋକ ପ୍ରଥମେ ପଚାରିଥିଲେ ଯେ କାହିଁକି ସେମାନଙ୍କ ୱାଲରେ କେବଳ ଗୋଟିଏ ଶବ୍ଦ ଦେଖାଯାଉଛି । କିଛି ଲୋକ ଗୋଟିଏ ଶବ୍ଦର ଟ୍ୱିଟର ଅର୍ଥ ପଚାରିଥିବାର ଦେଖାଯାଇଥିଲା ।
Click it and Unblock the Notifications
Sign in with Google