ମଧ୍ୟାହ୍ନ ଭୋଜନ ଖାଇ 80 ପିଲା ଅସୁସ୍ଥ, ଖାଦ୍ୟରୁ ବାହାରିଲା ମୃତ ଝିଟିପିଟି

କର୍ଣ୍ଣାଟକର ହାଭେରୀ ଜିଲ୍ଲାର ଏକ ସରକାରୀ ବିଦ୍ୟାଳୟରେ ମଧ୍ୟାହ୍ନ ଭୋଜନ ଖାଇ 80 ପିଲା ଅସୁସ୍ଥ ହୋଇପଡ଼ିଛନ୍ତି । ଏହି ମଧ୍ୟାହ୍ନ ଭୋଜନରୁ ମୃତ ଝିଟିପିଟି ମିଳିଥିବା ଜଣାପଡ଼ିଛି ।

Published: Tuesday, December 28, 2021, 13:03 [IST]

ବେଙ୍ଗାଲୁରୁ : କରୋନା ଭାଇରସ ବଢୁଥିବା ମାମଲା ମଧ୍ୟରେ କର୍ଣ୍ଣାଟକରୁ ଏକ ବଡ ଖବର ସାମ୍ନାକୁ ଆସିଛି । କର୍ଣ୍ଣାଟକର ହାଭେରୀ ଜିଲ୍ଲାର ଏକ ସରକାରୀ ବିଦ୍ୟାଳୟରେ ମଧ୍ୟାହ୍ନ ଭୋଜନ ଖାଇ 80 ପିଲା ଅସୁସ୍ଥ ହୋଇପଡ଼ିଛନ୍ତି । ଏହି ମଧ୍ୟାହ୍ନ ଭୋଜନରୁ ମୃତ ଝିଟିପିଟି ମିଳିଥିବା ଜଣାପଡ଼ିଛି ।

ସୂଚନାନୁସାରେ, ଏହି ମାମଲା ହାଭେରୀ ଜିଲ୍ଲାର ଭେଙ୍କଟାପୁରା ଟଣ୍ଡା ଗାଁର ଏକ ସରକାରୀ ବିଦ୍ୟାଳୟର ଅଟେ । ମଧ୍ୟାହ୍ନ ଭୋଜନ ଖାଇବା ପରେ ଅସୁସ୍ଥ ଥିବା ସମସ୍ତ 80 ପିଲାଙ୍କୁ ରାନିବେନୁର ଅଞ୍ଚଳର ଏକ ସରକାରୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଚିକିତ୍ସା ପରେ ସମସ୍ତ ପିଲା ଭଲ ଅଛନ୍ତି ଏବଂ ଡାକ୍ତରଖାନାରୁ ଡିସଚାର୍ଜ ହୋଇଛନ୍ତି ବୋଲି ବିଦ୍ୟାଳୟ ପ୍ରଶାସନ କହିଛି ।

ଏଥି ସହିତ ଏହି ଘଟଣା ସାମ୍ନାକୁ ଆସିବା ପରେ ଏହି ଅବହେଳିତ ବିଦ୍ୟାଳୟ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲା ପ୍ରଶାସନ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି । ଆପଣଙ୍କୁ କହି ରଖୁଛୁ ବିଦ୍ୟାଳୟର ମଧ୍ୟାହ୍ନ ଭୋଜନରେ ଅବହେଳାର ଘଟଣା ସାମ୍ନାକୁ ଆସିବା ପ୍ରଥମ ଘଟଣା ନୁହେଁ । ନିକଟରେ ତାମିଲନାଡୁର ଏକ ବିଦ୍ୟାଳୟରେ ପିଲାମାନଙ୍କ ମଧ୍ୟାହ୍ନ ଭୋଜନରେ ପଚା ଅଣ୍ଡା ଦିଆଯାଇଥିବା ଦେଖିବାକୁ ମିଳିଥିଲା ।

Published On December 28, 2021