ମୋଦୀ ସରକାରଙ୍କ 9 ବର୍ଷ ... ଭାରତର ବିଦେଶ ନୀତିରେ ହୋଇଛି କେତେ ପରିବର୍ତ୍ତନ ?
ମୋଦୀ ସରକାରଙ୍କ ବିଦେଶ ନୀତି : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ କାର୍ଯ୍ୟକାଳକୁ 9 ବର୍ଷ ପୂରିଛି । ନରେନ୍ଦ୍ର ମୋଦୀ ଆଜି ଟ୍ୱିଟରେ କହିଛନ୍ତି ଯେ ତାଙ୍କ ସରକାରଙ୍କ ପ୍ରତ୍ୟେକ ନିଷ୍ପତ୍ତି, ପ୍ରତ୍ୟେକ କାର୍ଯ୍ୟକ୍ରମର କେବଳ ଗୋଟିଏ ଉଦ୍ଦେଶ୍ୟ ରହିଛି, ଲୋକମାନଙ୍କ ସେବା କରିବା ।
କିନ୍ତୁ, ଯଦି ଆମେ ମୋଦୀ ସରକାରଙ୍କ ବିଦେଶ ନୀତି ବିଷୟରେ ଆଲୋଚନା କରିବା, ତେବେ ପ୍ରାୟତଃ କୁହାଯାଏ, ସରକାର ଯେଉଁ ଦଳର ହେଉନା କାହିଁକି ଦେଶର ବୈଦେଶିକ ନୀତି ସମାନ ରହିଥାଏ ଏବଂ ଏଥିରେ ଅଧିକ ପରିବର୍ତ୍ତନ ହୁଏ ନାହିଁ । କିନ୍ତୁ, ମୋଦୀ ସରକାରଙ୍କ ଏହି 9 ବର୍ଷ ମଧ୍ୟରେ ଭାରତର ବୈଦେଶିକ ନୀତିରେ ବହୁତ ପରିବର୍ତ୍ତନ ହୋଇଛି ।
ଗତ 9 ବର୍ଷ ମଧ୍ୟରେ, ଏହା ଜାତୀୟ ସୁରକ୍ଷା ପ୍ରସଙ୍ଗ ହେଉ ଅବା ପ୍ରତିରକ୍ଷା କିମ୍ବା କୂଟନୈତିକ ବିଷୟରେ ହେଉ, ମୋଦୀ ସରକାର ପ୍ରତ୍ୟେକ ପ୍ଲାଟଫର୍ମରେ କାମ କରିବାକୁ ଚେଷ୍ଟା କରିଛନ୍ତି ଏବଂ ପ୍ରତ୍ୟେକ କ୍ଷେତ୍ରରେ ବଡ଼ ପରିବର୍ତ୍ତନ ଦେଖାଯାଉଛି ।
2014 ରେ ନରେନ୍ଦ୍ର ମୋଦୀ ସାଉଥ ବ୍ଲକରେ କାର୍ଯ୍ୟଭାର ଗ୍ରହଣ କରିବା ପରଠାରୁ ଭାରତୀୟ ବୈଦେଶିକ ନୀତି ଏକ ଭିନ୍ନ ଦିଗରେ ଗତି କରୁଛି । ଆଜିର ଭାରତ ଏହାର ଜାତୀୟ ସ୍ୱାର୍ଥକୁ ପ୍ରାଧାନ୍ୟ ଦେବାକୁ ଦ୍ୱିଧା କରୁନାହିଁ । ଯଦି ଜଣେ ମୋଦୀ ସରକାରଙ୍କ ବୈଦେଶିକ ନୀତିକୁ ଭଲ ଭାବ ନୀରିକ୍ଷଣ କରିବେ, ତେବେ ଏହା ପାଇବେ ଯେ ସରକାର ଜାତୀୟ ସ୍ୱାର୍ଥକୁ ନେଇ କଠୋର ନିଷ୍ପତ୍ତି ନେବାକୁ ପଛଘୁଞ୍ଚା ଦେଉ ନାହାଁନ୍ତି ।
ଏହା ବ୍ୟତୀତ ବନ୍ଧୁତ୍ୱ ନଥିବା ଦେଶମାନଙ୍କ ସହିତ ପିଏମ ମୋଦୀଙ୍କ କାର୍ଯ୍ୟକାଳରେ ଅନେକ ପରିବର୍ତ୍ତନ ଆସିଛି । 2014 ପରେ କିଛି ବର୍ଷ ପାଇଁ ମୋଦୀ ସରକାର ଚୀନ୍ ଏବଂ ପାକିସ୍ତାନ ପ୍ରତି ଅତ୍ୟନ୍ତ ସକରାତ୍ମକ ମନୋଭାବ ପୋଷଣ କରିଥିଲେ । ପ୍ରଥମ ଶପଥ ଗ୍ରହଣ ସମୟରେ ପ୍ରଧାନମନ୍ତ୍ରୀ ମୋଦୀ ତତ୍କାଳୀନ ପାକିସ୍ତାନର ପ୍ରଧାନମନ୍ତ୍ରୀ ନୱାଜ ସରିଫଙ୍କୁ ଭାରତକୁ ନିମନ୍ତ୍ରଣ କରିଥିଲେ ଏବଂ ପରେ ସେ ନିଜେ ପାକିସ୍ତାନ ଯାଇଥିଲେ ।
କିନ୍ତୁ, ପାକିସ୍ତାନ ପକ୍ଷରୁ ଉରି ଆକ୍ରମଣ ଏବଂ ଚୀନ୍ ର ଗଲୱାନ୍ ସଂଘର୍ଷ ପରେ ପରିସ୍ଥିତି ବଦଳି ଯାଇଛି । ଭାରତ ଚୀନ୍କୁ ନିଜ ଭାଷାରେ ଜବାବ ଦେବା ଆରମ୍ଭ କରିଥିବାବେଳେ କାଶ୍ମୀରରେ ଧାରା 370 ରଦ୍ଦ ହେବା ପରେ ମୋଦୀ ସରକାର ପାକିସ୍ତାନ ସହ ଆଲୋଚନା ବନ୍ଦ କରି ଦେଇଛନ୍ତି ।
ଆକ୍ରମଣାତ୍ମକ ମୁଡ଼ରେ ବିଦେଶ ମନ୍ତ୍ରୀ
ଭାରତର ବିଦେଶ ନୀତି କିପରି ଆଗକୁ ବଢୁଛି ଏହା ଭାରତର ବୈଦେଶିକ ମନ୍ତ୍ରୀ ଏସ୍ ଜୟଶଙ୍କରଙ୍କ ବକ୍ତବ୍ୟରୁ ଅନୁମାନ କରାଯାଇପାରେ । ବେଦେଶକ ସଚିବ ରୁ ବୈଦେଶିକ ବ୍ୟାପାର ମନ୍ତ୍ରୀ ହୋଇଥିବା ଡକ୍ଟର ଏସ ଜୟଶଙ୍କର ନିରନ୍ତର ବିଦେଶ ନୀତିକୁ ନେଇ କଡ଼ା ଆଭିମୁଖ୍ୟ ରଖିଛନ୍ତି । ମୋଦୀ ସରକାରଙ୍କ ଦ୍ୱିତୀୟ କାର୍ଯ୍ୟକାଳ ମଧ୍ୟରେ ଏସ୍ ଜୟଶଙ୍କର ଧାରା 370, ପାକିସ୍ତାନ ଅଧିକୃତ କାଶ୍ମୀର, ରୁଷ ୟୁକ୍ରେନ ଯୁଦ୍ଧ, ରୁଷରୁ ତୈଳ ଆମଦାନୀ ଭଳି ପ୍ରସଙ୍ଗରେ ଅତ୍ୟନ୍ତ ଆକ୍ରମଣାତ୍ମକ ଆଭିମୁଖ୍ୟ ଗ୍ରହଣ କରିଛନ୍ତି । ବିଶେଷକରି ପାଶ୍ଚାତ୍ୟ ଦେଶର ଗଣମାଧ୍ୟମ ସହିତ ଜୟଶଙ୍କର ଅତ୍ୟନ୍ତ କଠୋର ଆଚରଣ କରିଛନ୍ତି ।
ଚୀନ୍ ଏବଂ ପାକିସ୍ତାନ ବିଷୟରେ ଏସ ଜୟଶଙ୍କର ଅତ୍ୟନ୍ତ ଆକ୍ରମଣାତ୍ମକ ଏବଂ ଜୟଶଙ୍କର ନିଜର ଗୁପ୍ତ କୂଟନୈତିକ ବ୍ୟବହାର କରି ପାକିସ୍ତାନକୁ ସମଗ୍ର ବିଶ୍ୱରେ ପୃଥକ କରିଛନ୍ତି । ଡୋକଲାମରେ ଭାରତ ଏକ କଠୋର ଆଭିମୁଖ୍ୟ ଗ୍ରହଣ କଲା, ତେଣୁ ଗଲୱାନ ଭ୍ୟାଲି ପରେ ଭାରତ ଚୀନ୍ର ଆକ୍ରୋଶକୁ ସମଗ୍ର ବିଶ୍ୱରେ ପ୍ରକାଶ କରିଛି ।
ଜାତୀୟ ସ୍ୱାର୍ଥକୁ ଗୁରୁତ୍ୱ
ମୋଦୀଙ୍କ ବୈଦେଶିକ ନୀତିର ଅନେକ ମୁଖ୍ୟ ବୈଶିଷ୍ଟ୍ୟ ଅଛି । ଯେଉଁଥିରେ ଜାତୀୟ ସ୍ୱାର୍ଥ ପ୍ରଥମ ଅଟେ । ତେଣୁ ଆମେରିକା ଏବଂ ପାଶ୍ଚାତ୍ୟ ଦେଶର ବାରମ୍ବାର ବୟାନ ସତ୍ତ୍ୱେ ଭାରତ କମ୍ ମୂଲ୍ୟରେ ରୁଷରୁ ଅଶୋଧିତ ତୈଳ କ୍ରୟ ଜାରି ରଖିଛି । ଏଥି ସହିତ, ରୁଷ ସହିତ ଥିବା ସମ୍ପର୍କକୁ ଭାରତ ଆଖି ବୁଜି ନ ଦେଇ ସମଗ୍ର ବିଶ୍ୱକୁ ସାମ୍ନା କରିଥିଲା । ଏହାର ଫଳ ସ୍ୱରୂପ, ଆମେରିକା ମଧ୍ୟ ଭାରତ ଏବଂ ରୁଷର ସମ୍ପର୍କକୁ ନେଇ ସର୍ବସାଧାରଣରେ ଗ୍ରହଣ କଲା ଯେ ଭାରତ ଏବଂ ରୁଷର ବହୁ ପୁରୁଣା ସମ୍ପର୍କ ଅଛି ଏବଂ ଆମେରିକାର ଏଥିରେ କୌଣସି ଆପତ୍ତି ନାହିଁ । ଏହା ସହିତ ଭାରତ ନିଜର ଆକ୍ରମଣାତ୍ମକ ବୈଦେଶିକ ନୀତି ସହିତ ବିଶ୍ୱକୁ ସ୍ପଷ୍ଟ କରିଦେଇଛି ଯେ କୌଣସି ଦେଶ ସହିତ ଭାରତର ସମ୍ପର୍କ ଏହାର ସାର୍ବଭୌମ ଅଧିକାର, ଯେଉଁଥିରେ ଅନ୍ୟ କୌଣସି ଦେଶ ହସ୍ତକ୍ଷେପ କରିବା ଉଚିତ୍ ନୁହେଁ ଏବଂ ଭାରତର ବନ୍ଧୁତା ଅର୍ଥ କେହି କାହା ସହ ପ୍ରତିଦ୍ୱନ୍ଦ୍ୱିତା କରିବା ନୁହେଁ ବରଂ ପାରସ୍ପରିକ ଲାଭ ।
Click it and Unblock the Notifications
Sign in with Google