Flash Back 2022 : ଚଳିତ ବର୍ଷର ଖବର ଶିରୋନାମାରେ ରହିଥିବା ଚେହେରା
ଆସନ୍ତୁ ଜାଣିବା 2022ରେ ଆଲୋଚନାର ବିଷୟ ପାଲଟିଥିବା ଏହି 5 ଚର୍ଚ୍ଚିତ ଚେହେରା ବିଷୟରେ ।
ଆଉ କିଛି ଦିନ ପରେ 2022 ବର୍ଷ ବିଦାୟ ନେବ । ଚଳିତ ବର୍ଷ ଭାରତ ସମେତ ବିଶ୍ୱ ରାଜନୀତିରେ ଅନେକ ଉତ୍ଥାନ-ପତନ ଦେଖିବାକୁ ମିଳିଥିଲା । ଲୋକମାନେ ରୁଷ-ୟୁକ୍ରେନ ଯୁଦ୍ଧକୁ ନେଇ ରୁଷ ରାଷ୍ଟ୍ରପତି ଭ୍ଲାଦିମିର ପୁଟିନ ଉପରେ ଆସୁଥିବା ଖବର ଉପରେ ନଜର ରଖୁଥିବା ବେଳେ ସାରା ବିଶ୍ୱରେ ଲୋକଙ୍କ ଦୃଷ୍ଟି ଆକର୍ଷଣ କରିଥିଲେ ବ୍ରିଟେନ୍ ପ୍ରଧାନମନ୍ତ୍ରୀ ତଥା ଭାରତୀୟ ବଂଶୋଦ୍ଭବ ଋଷି ସୁନକ । ଏହା ବାଦ୍ ଭାରତରେ ମଧ୍ୟ ଦୁଇ ମହିଳା ଦ୍ରୌପଦୀ ମୁର୍ମୁ ଏବଂ ନୁପୁର ଶର୍ମା ଖବର ଶିରୋନାମାରେ ରହିଥିଲେ । ଏପରିକି ରାଜନୀତି କ୍ଷେତ୍ରରେ ସବୁଠାରୁ ଆଲୋଚନାର ବିଷୟ ପାଲଟିଥିଲେ ମହାରାଷ୍ଟ୍ର ମୁଖ୍ୟମନ୍ତ୍ରୀ ଏକନାଥ ସିନ୍ଦେ ।
ତେବେ ଆସନ୍ତୁ ଜାଣିବା 2022ରେ ଆଲୋଚନାର ବିଷୟ ପାଲଟିଥିବା ଏହି 5 ଚର୍ଚ୍ଚିତ ଚେହେରା ବିଷୟରେ ।
ନୁପୁର ଶର୍ମା : ଏହି ବର୍ଷ ଭାରତର ସବୁଠାରୁ ବିବାଦୀୟ ମହିଳା !
ଚଳିତ ବର୍ଷ ଭାରତର ଅନେକ ବିବାଦୀୟ ମହିଳାଙ୍କ ମଧ୍ୟରୁ ନୁପୁର ଶର୍ମା ଅନ୍ୟତମ । 2022 ବର୍ଷର ଗୁଗୁଲ୍ ସର୍ଚ୍ଚ ଇଣ୍ଡିଆରେ ନୁପୁର ଶର୍ମା ଏକ ନମ୍ବରରେ ଅଛନ୍ତି । ଭବିଷ୍ୟଦ୍ବକ୍ତା ମହମ୍ମଦଙ୍କ ମନ୍ତବ୍ୟ ପାଇଁ ସେ ଚର୍ଚ୍ଚାରେ ରହିଥିଲେ । ଏପରିକି ତାଙ୍କର ବିବାଦୀୟ ବୟାନ ପାଇଁ ତାଙ୍କୁ ବହୁ ବିରୋଧର ସମ୍ମୁଖୀନ ହେବାକୁ ପଡ଼ିଥିଲା । କେବଳ ଏତିକି ନୁହଁ ତାଙ୍କୁ ମୃତ୍ୟୁ ଧମକର ସମ୍ମୁଖୀନ ହେବାକୁ ପଡ଼ିଥିଲା । ତାଙ୍କ ମନ୍ତବ୍ୟକୁ ଗଲ୍ଫ ଦେଶମାନେ ମଧ୍ୟ ସମାଲୋଚନା କରିଥିଲେ । ସମାଲୋଚନାକୁ ଦୃଷ୍ଟିରେ ରଖି ବିଜେପି ତାଙ୍କୁ ନିଲମ୍ବନ କରିଥିଲା । ଭାରତର ସର୍ବୋଚ୍ଚ ନ୍ୟାୟାଳୟ ମଧ୍ୟ ତାଙ୍କୁ ସମାଲୋଚନା କରିଥିଲେ ।
ଦ୍ରୌପଦୀ ମୁର୍ମୁ : ଭାରତର ପ୍ରଥମ ଆଦିବାସୀ ମହିଳା ରାଷ୍ଟ୍ରପତି
2022
ରେ
ଭାରତରେ
ଗୁଗୁଲରେ
ସବୁଠାରୁ
ଖୋଜା
ଯାଇଥିବା
ସେଲିବ୍ରିଟିମାନଙ୍କ
ମଧ୍ୟରୁ
ଦ୍ରୌପଦୀ
ମୁର୍ମୁ
ଅନ୍ୟତମ
।
ଦ୍ରୌପଦୀ
ମୁର୍ମୁ
ଆଦିବାସୀ
ସମ୍ପ୍ରଦାୟରୁ
ଆସିଥିବା
ପ୍ରଥମ
ବ୍ୟକ୍ତି
ଯିଏକି
ଦେଶର
ପ୍ରଥମ
ନାଗରିକ
ହେବାର
ସୌଭାଗ୍ୟ
ପାଇଥିଲେ
।
ଏହା
ସହ
ସେ
ଦେଶର
ଦ୍ୱିତୀୟ
ମହିଳା
ରାଷ୍ଟ୍ରପତି
ମଧ୍ୟ
ହୋଇପାରିଛନ୍ତି
।
ଓଡିଶାର
ଆଦିବାସୀ
ସମ୍ପ୍ରଦାୟର
ଦ୍ରୌପଦୀ
ମୁର୍ମୁଙ୍କ
ନାମ
ରାଷ୍ଟ୍ରପତିଙ୍କ
ପାଇଁ
ବିଜେପି
ପ୍ରସ୍ତାବ
ଦେଇଥିଲା
।
ରାଜନୈତିକ
ଜୀବନରେ
ନିମ୍ନ
ସ୍ତରରୁ
ଯାଇ
ଦେଶର
ରାଷ୍ଟ୍ରପତି
ପଦାସୀନ
ହୋଇଥିବା
ଦ୍ରୌପଦୀ
ମୁର୍ମୁ
2022
ରେ
ବହୁ
ଚର୍ଚ୍ଚାରେ
ଥିଲେ
।
କେବଳ
ଭାରତ
ନୁହଁ
ଦେଶବିଦେଶର
ଗଣମାଧ୍ୟମରେ
ମଧ୍ୟ
ଦ୍ରୌପଦୀ
ମୁର୍ମୁଙ୍କ
ଖବର
ସ୍ଥାନ
ପାଇଥିଲା
।
ଭାରତୀୟ ବଂଶୋଦ୍ଭବ ବ୍ରିଟିଶ ପ୍ରଧାନମନ୍ତ୍ରୀ ଋଷି ସୁନକ
ସାରା ବିଶ୍ୱରେ ଗୁଗୁଲ୍ ସର୍ଚ୍ଚର ଟ୍ରେଣ୍ଡରେ ଥିବା ବ୍ୟକ୍ତି ମଧ୍ୟରେ ବହୁ ଆଗରେ ଥିଲେ ଋଷି ସୁନକ । ଲିଜ୍ ଟ୍ରସ୍ ନେତା ପଦରୁ ଇସ୍ତଫା ଦେବା ପରେ ଋଷି ସୁନକ ବ୍ରିଟେନର ପ୍ରଧାନମନ୍ତ୍ରୀ ହୋଇଥିଲେ । ଏହା ପରେ ଋଷି ସୁନକ ସାରା ବିଶ୍ୱର ନଜରରେ ଆସିଥିଲେ । ଋଷି ସୁନକ ଆର୍ଥିକ ନୀତି ପାଇଁ ଜଣାଶୁଣା । ଇନଫୋସିସ୍ ପ୍ରତିଷ୍ଠାତା ଏନ.ଆର ନାରାୟଣ ମୁର୍ତ୍ତୀଙ୍କ ଝିଅ ଅକ୍ଷତା ମୁର୍ତ୍ତୀ ଋଷି ସୁନକଙ୍କ ପତ୍ନୀ ।
ମହାରାଷ୍ଟ୍ର ରାଜନୀତିରେ ଚର୍ଚ୍ଚାରେ ଥିଲେ ଏକନାଥ ସିନ୍ଦେ
ଏକନାଥ ସିନ୍ଦେ ହେଉଛନ୍ତି ଭାରତର ଜଣେ ରାଜନେତା, ଯାହା ବିଷୟରେ ଚଳିତ ବର୍ଷ ଗୁଗୁଲରେ ଲକ୍ଷ ଲକ୍ଷ ଲୋକ ସର୍ଚ୍ଚ କରିଥିଲେ । ଯେତେବେଳେ ସେ ମହାରାଷ୍ଟ୍ର ସରକାରଙ୍କୁ ଅସୁବିଧାରେ ପକାଇଲେ ସେତେବେଳେ ଏକନାଥ ସିନ୍ଦେ ଲୋକଲୋଚନକୁ ଆସିଥିଲେ । ସିନ୍ଦେ ଦଳର ଦୁଇ ତୃତୀୟାଂଶରୁ ଅଧିକ ସଦସ୍ୟଙ୍କୁ ଏକାଠି କରି ଶିବସେନା, କଂଗ୍ରେସ ଏବଂ ଏନସିପିର ମହା ବିକାଶ ଅଘାଡ଼ି (MVA) ସରକାରର ପତନର କାରଣ ପାଲଟିଥିଲେ । ଶେଷରେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଇସ୍ତଫା ଦେଇଥିଲେ ଏବଂ ଏକନାଥ ସିନ୍ଦେ ମହାରାଷ୍ଟ୍ରରେ ବିଜେପି ସହ ମିଳିତ ସରକାର ଗଠନ କରିଥିଲେ ।
ଏହି କରାଣରୁ ଆଲୋଚନାକୁ ଆସିଥିଲେ ଭ୍ଲାଦିମିର ପୁଟିନ
ଏହି ସମସ୍ତ ନେତାଙ୍କ ବ୍ୟତୀତ 2022 ରେ ସବୁଠାରୁ ଚର୍ଚ୍ଚିତ ନେତା ହେଉଛନ୍ତି ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ । ବର୍ଷ ବର୍ଷ ଧରି ଉତ୍ତେଜନା ପରେ ଭ୍ଲାଦିମିର ପୁଟିନ ୟୁକ୍ରେନ ଉପରେ ଆକ୍ରମଣ କରିଥିଲେ। ୟୁକ୍ରେନ ଏବଂ ରୁଷ ମଧ୍ୟରେ ମାସ ମାସ ଧରି ଚାଲିଆସୁଛି । ଯୁଦ୍ଧରେ ରୁଷ ପ୍ରଥମେ ସଫଳତା ପାଇଥିଲା, କିନ୍ତୁ ୟୁକ୍ରେନ, ଆମେରିକା ଏବଂ ୟୁଏଇ ଦେଶଗୁଡିକର ପରୋକ୍ଷ ସମର୍ଥନ ସହିତ, ଅଧିକ ଶକ୍ତିଶାଳୀ ରୁଷ ସୈନ୍ୟ ବିରୁଦ୍ଧରେ ନିଜକୁ ରକ୍ଷା କରିବାରେ ସକ୍ଷମ ହୋଇଥିଲା । କିନ୍ତୁ ରାଷ୍ଟ୍ରପତି ଭ୍ଲାଦିମିର ପୁଟିନ ପଛକୁ ଫେରିବା ମନୋଭାବରେ ନାହାଁନ୍ତି । ଏହା ବ୍ୟତୀତ ସ୍ୱାସ୍ଥ୍ୟ ସମ୍ବନ୍ଧୀୟ ଗୁଜବ ଯୋଗୁଁ ପୁଟିନ ମଧ୍ୟ ଏହି ଖବରରେ ରହିଥିଲେ ।