Flash Back 2022 : ବର୍ଷର 5 ଟି ବଡ ରୋଗ, ଯାହା ଲୋକଙ୍କ ଜୀବନକୁ କରିଛି ଅସ୍ତବ୍ୟସ୍ତ
2022 ରେ ଏପରି କିଛି ରୋଗ ବ୍ୟାପିଥିଲା ଯାହାକି ଲୋକଙ୍କ ଜୀବନ ନଷ୍ଟ କରିଦେଇଥିଲା । ଗତ ତିନି ବର୍ଷ ଧରି ଲାଗିରହିଥିବା କରୋନା ମହାମାରୀ ମଧ୍ୟ 2022 ରେ ଏହାର ପ୍ରକୋପ ଜାରି ରହିଥିଲା । ଏପରି ଅନ୍ୟ ଚାରି ରୋଗ ମଧ୍ୟ ଲୋକଙ୍କ ଜୀବନକୁ ବ୍ୟତିବ୍ୟସ୍ତ କରିଥିଲା ।
2022 ବର୍ଷ ଅନେକ ଭଲ ଓ ଖରାପ ସ୍ମୃତି ସହିତ ଅତିବାହିତ ହେଉଛି । ଆଉ କିଛି ଦିନ ପରେ 2022 ଶେଷ ହେବ । ସମସ୍ତେ ନୂତନ ବର୍ଷ 2023 କୁ ସ୍ୱାଗତ କରିବାକୁ ପ୍ରସ୍ତୁତ ହେଉଛନ୍ତି, କିନ୍ତୁ 2022 ର କିଛି ସ୍ମୃତି ଅନେକ ଲୋକଙ୍କର ମନରେ ରହିଛି । 2022 ରେ ଏପରି କିଛି ରୋଗ ବ୍ୟାପିଥିଲା ଯାହାକି ଲୋକଙ୍କ ଜୀବନ ନଷ୍ଟ କରିଦେଇଥିଲା । ଗତ ତିନି ବର୍ଷ ଧରି ଲାଗିରହିଥିବା କରୋନା ମହାମାରୀ ମଧ୍ୟ 2022 ରେ ଏହାର ପ୍ରକୋପ ଜାରି ରହିଥିଲା । ଏପରି ଅନ୍ୟ ଚାରି ରୋଗ ମଧ୍ୟ ଲୋକଙ୍କ ଜୀବନକୁ ବ୍ୟତିବ୍ୟସ୍ତ କରିଥିଲା ।
ଏହି ବର୍ଷ ଏପରି 5 ଟି ରୋଗ ଯାହା ସର୍ବାଧିକ କ୍ଷତି ଘଟାଇଛି । ଆଜି ଆମେ ଏହି ରୋଗଗୁଡିକ ବିଷୟରେ କହୁଛୁ, ଯାହା ଅଧିକାଂଶ ଲୋକଙ୍କୁ ଅସୁବିଧାରେ ପକାଇଛି । ତେବେ ଚଳିତ ବର୍ଷ ଅନେକ ଛୋଟ ଏବଂ ବଡ ଘଟଣା ସାମ୍ନାକୁ ଆସିଛି । ଅର୍ଥନୈତିକ ଜଗତରୁ ରାଜନୈତିକ ଦୁନିଆ ପର୍ଯ୍ୟନ୍ତ ଲୋକଙ୍କୁ ବହୁତ ପ୍ରଭାବିତ କରିଥିଲା ।
କରୋନା ମହାମାରୀ
2019 ମସିହାରୁ ସାରା ବିଶ୍ୱରେ ଆତଙ୍କ ସୃଷ୍ଟି କରିଥିବା କୋଭିଡ -19 ମହାମାରୀ ଚଳିତ ବର୍ଷ ମଧ୍ୟ ଜାରି ରହିଥିଲା । ଏହି ରୋଗରେ ଅନେକ ଲୋକ ପ୍ରାଣ ହରାଇଥିଲେ । ବର୍ଷ ଆରମ୍ଭରୁ ଏହି ରୋଗର ପ୍ରକୋପ ବୃଦ୍ଧି ପାଇଥିଲେ ମଧ୍ୟ ବର୍ଷ ଶେଷ ଆଡ଼କୁ ଏହାର ପ୍ରଭାବ ବହୁମାତ୍ରାରେ କମିଛି । କରୋନା ଟୀକାକରଣ ଫଳରେ ଏହି କରୋନା ପ୍ରକୋପରେ ଆଖିଦୃଶିଆ ହ୍ରାସ ହୋଇଛି ।
ବର୍ଷ ଶେଷ ଆଡ଼କୁ ବର୍ତ୍ତମାନ ଦେଶରେ ଦୈନିକ ମାମଲା ଲଗାତାର ହ୍ରାସ ପାଇବାରେ ଲାଗିଛି । ଦୈନିକ ସଂକ୍ରମଣ ମାମଲା ବର୍ତ୍ତମାନ 150 ରୁ କମ୍ ରହିଆସୁଛି । କରୋନା ଆରମ୍ଭରୁ ଏଯାଏଁ ମୋଟ 4 କୋଟି 46 ଲକ୍ଷ 76 ହଜାର 087 ଜଣ ଲୋକ ସଂକ୍ରମିତ ଚିହ୍ନଟ ହୋଇଛନ୍ତି । ଏଥି ମଧ୍ୟରୁ 4 କୋଟି 41 ଲକ୍ଷ 41 ହଜାର 854 ଜଣ ରୋଗୀ ସୁସ୍ଥ ହୋଇସାରିଛନ୍ତି । ଏପରିକି ଏହି ମାରାତ୍ମକ ରୋଗରେ ଆଜି ସୁଦ୍ଧା ମୋଟ 5 ଲକ୍ଷ 30 ହଜାର 674 ଜଣ ରୋଗୀ ପ୍ରାଣ ହରାଇଛନ୍ତି । କିନ୍ତୁ ବର୍ତ୍ତମାନ ଏହି କରୋନାଜନିତ ମୃତ୍ୟୁ ବହୁ ମାତ୍ରାରେ ହ୍ରାସ ହୋଇଛି ।
ମଙ୍କିପକ୍ସ
କରୋନା ଆତଙ୍କ ଲୋକଙ୍କ ମନରୁ ଲିଭିନଥିବା ବେଳେ ମଙ୍କିପକ୍ସ ମୁଣ୍ଡ ଟେକିଥିଲା । ଏହି ମଙ୍କିପକ୍ସ ଅନେକ ଲୋକଙ୍କୁ ବହୁତ ଅସୁବିଧାରେ ପକାଇଲା । ଏହି କାରଣରୁ ଅନେକ ଲୋକ ପ୍ରାଣ ମଧ୍ୟ ହରାଇଥିଲେ ।
ଏହା ଏକ ସଂକ୍ରାମକ ରୋଗ, ଯାହା ଜଣେ ବ୍ୟକ୍ତିଙ୍କଠାରୁ ଅନ୍ୟ ଜଣକୁ ବ୍ୟାପିଥାଏ । ଏହି ଭାଇରସ୍ ସ୍ମଲ୍ ପକ୍ସ ଭାଇରସ୍ ର ଏକ ଭାରିଆଣ୍ଟ । 2022 ମସିହାରେ, ଏହି ରୋଗର ବିପଦ ବହୁତ ଦେଖାଦେଇଥିଲା । ସାରା ବିଶ୍ୱରେ ଏହି ରୋଗରେ ହଜାର ହଜାର ଲୋକ ପ୍ରାଣ ହରାଇଥିଲେ ।
ଜାପାନିଜ୍ ଏନସେଫାଲାଇଟିସ୍
ଜାପାନିଜ୍ ଏନସେଫାଲାଇଟିସ୍ ମଧ୍ୟ ଚଳିତ ବର୍ଷ ହଇଚଇ ସୃଷ୍ଟି କରିଥିଲା । ଏହି ମସ୍ତିଷ୍କ ଜ୍ୱର ଯୋଗୁଁ ବହୁମାତ୍ରାରେ ପିଲା ଅସୁବିଧାର ସମ୍ମୁଖୀନ ହୋଇଥିଲେ । ଏହି କାରଣରୁ ଅନେକ ଶିଶୁଙ୍କର ମଧ୍ୟ ମୃତ୍ୟୁ ହୋଇଥିଲା । ଜାପାନିଜ୍ ଏନସେଫାଲାଇଟିସ୍ ହେଉଛି ଏକ ଏନସେଫାଲାଇଟିସ୍ ଯାହା ପିଲାମାନଙ୍କର ମସ୍ତିଷ୍କକୁ ସିଧାସଳଖ ପ୍ରଭାବିତ କରିଥାଏ । ଏହି କାରଣରୁ ଅନେକ ପିଲାଙ୍କର ମୃତ୍ୟୁ ମଧ୍ୟ ହୋଇଥିଲା । 2017 ମସିହାରେ ଗୋରଖପୁରରେ ଏହି ରୋଗରେ ଅନେକ ପିଲାଙ୍କର ମୃତ୍ୟୁ ହୋଇଥିଲା ।
ଟମାଟୋ ଫ୍ଲୁ
ଏହି ବର୍ଷ ଟମାଟୋ ଫ୍ଲୁ ମଧ୍ୟ ଲୋକଙ୍କୁ ବହୁତ ଅସୁବିଧାରେ ପକାଇଥିଲା । ଏହି ରୋଗ ହେତୁ ଲୋକଙ୍କୁ ଅନେକ ଅସୁବିଧାର ସମ୍ମୁଖୀନ ହେବାକୁ ପଡିଲା । ଏହି ଜୀବାଣୁ ପିଲାମାନଙ୍କୁ ଅଧିକ ଆକ୍ରମଣ କରିଥାଏ । ଏଥିରୁ ଅନେକ ପିଲାଙ୍କର ମୃତ୍ୟୁ ହୋଇଥିଲା । ଏହାକୁ ଟମାଟୋ ଜ୍ୱର ମଧ୍ୟ କୁହାଯାଏ । କେରଳରେ 5 ବର୍ଷ ବୟସର ପିଲାମାନଙ୍କଠାରେ ଦେଖିବାକୁ ମିଳିଥିଲା । ଏହା ଏକ ବିରଳ ପ୍ରକାର ସଂକ୍ରମଣ, ଯାହା ସାଂଘାତିକ ହୋଇପାରେ ।
ଡିଜିଜ୍ X
ଡିଜିଜ୍ X ମଧ୍ୟ ଚଳିତ ବର୍ଷ ହଇଚଇ ସୃଷ୍ଟି କରିଥିଲା । ଏହି ଭାଇରସ ଲୋକଙ୍କୁ ବହୁତ ଅସୁବିଧାରେ ପକାଇଥିଲା । ଏହି ଭାଇରସ ବିଶ୍ୱ ସ୍ୱାସ୍ଥ୍ୟ ସଂଗଠନକୁ ମଧ୍ୟ ଭୟଭୀତ କରିଥିଲା । WHO ଅନୁଯାୟୀ, ଡିଜିଜ X ଭାଇରସ ଭବିଷ୍ୟତରେ କରୋନା ପରି ମହାମାରୀ ସୃଷ୍ଟି କରିପାରେ ।