କର୍ଣ୍ଣାଟକ ପରେ ଆରମ୍ଭ ହେଲା ରାଜସ୍ଥାନ ଡ୍ରାମା, ଗେହଲୋଟ୍ - ପାଇଲଟ୍ ଙ୍କୁ ଦିଲ୍ଲୀ ଡାକରା

ରାଜସ୍ଥାନ କଂଗ୍ରେସରେ ଚାଲିଥିବା ଅନ୍ତଃକନ୍ଦଳର ସମାଧାନ ପାଇଁ କଂଗ୍ରେସ ହାଇକମାଣ୍ଡ ଲାଗି ପଡ଼ିଛନ୍ତି । ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଏବଂ ପୂର୍ବତନ ଡେପୁଟି ସିଏମ୍ ସଚିନ ପାଇଲଟଙ୍କ ମଧ୍ୟରେ ଚାଲିଥିବା ବିବାଦକୁ ଦୂର କରିବାକୁ ଆଜି ଉଭୟ ନେତାଙ୍କୁ ଦିଲ୍ଲୀ ଡକାଯାଇଛି ।

ଦଳର ସଭାପତି ମଲ୍ଲିକାର୍ଜୁନ ଖାଡ଼ଗେଙ୍କ ସହ ଅଲଗା ଅଲଗା ବୈଠକ ପାଇଁ ମୁଖ୍ୟମନ୍ତ୍ରୀ ଅଶୋକ ଗେହଲୋଟ ଏବଂ ସଚିନ ପାଇଲଟଙ୍କୁ ଡକାଯାଇଛି । ଆଗାମୀ ରାଜସ୍ଥାନ ବିଧାନସଭା ନିର୍ବାଚନ ପୂର୍ବରୁ ଏହି ବୈଠକକୁ ଗୁରୁତ୍ୱପୂର୍ଣ୍ଣ ବିବେଚନା କରାଯାଉଛି ।

ଅଶୋକ ଗେହଲୋଟ୍ ଏବଂ ସଚିନ ପାଇଲଟଙ୍କ ମଧ୍ୟରେ ଚାଲିଥିବା ତିକ୍ତତାକୁ ଦୂର କରିବା ପାଇଁ କଂଗ୍ରେସ ନେତୃତ୍ୱ ଲଗତାର ପ୍ରୟାସ କରିଆସୁଛନ୍ତି । କର୍ଣ୍ଣାଟକ ପରି ରାଜସ୍ଥାନରେ ମଧ୍ୟ ଅନ୍ତଃକନ୍ଦଳର ସମାଧଆନ କରିବାରେ ଦଳ ସଫଳ ହେବ ବୋଲି ଆଶା କରାଯାଉଛି । 2020 ପରଠାରୁ କ୍ଷମତା ହାସଲ ପାଇଁ ସଚିନ୍ ପାଇଲଟ୍ ଏବଂ ଅଶୋକ ଗେହଲୋଟ୍ ଙ୍କ ମଧ୍ୟରେ କଳହ ଲାଗି ରହିଛି ।

ଏହି ସଭାରେ କଂଗ୍ରେସ ସଭାପତି ମଲ୍ଲିକାର୍ଜୁନ ଖାଡ଼ଗେ, ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ ଏବଂ ସଚିନ ପାଇଲଟଙ୍କ ବ୍ୟତୀତ ଦଳର ନେତା ରାହୁଲ ଗାନ୍ଧୀ ମଧ୍ୟ ଯୋଗଦେବେ । ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟ ମଧ୍ୟ ଗେହଲଟଙ୍କ ଦିଲ୍ଲୀ ଗସ୍ତକୁ ସୁନିଶ୍ଚିତ କରି ଏହି କାର୍ଯ୍ୟକ୍ରମକୁ ପ୍ରକାଶ କରିଛି, ଯେଉଁଠାରେ ସେ ରାଜସ୍ଥାନ ଗୃହର ଭିତ୍ତି ପ୍ରସ୍ତର ମଧ୍ୟ ସ୍ଥାପନ କରିବେ ।

ସଚିନ ପାଇଲଟଙ୍କ "ଅଲ୍ଟିମେସନ୍" ପରେ ଏହି ପ୍ରସ୍ତାବିତ ବୈଠକ ଅନୁଷ୍ଠିତ ହେଉଛି । ଯଦି ଚଳିତ ମାସ ଶେଷ ସୁଦ୍ଧା ରାଜ୍ୟ ସରକାରଙ୍କୁ ଦିଆଯାଇଥିବା ତିନୋଟି ଦାବି ପୂରଣ ନହୁଏ ତେବେ ସେ ରାଜ୍ୟବ୍ୟାପୀ ଆନ୍ଦୋଳନ ଆରମ୍ଭ କରିବେ ବୋଲି କହିଥିଲେ ।

ସଚିନ ପାଇଲଟ ତାଙ୍କର ଅନ୍ୟତମ ଦାବି ଭାବରେ ପୂର୍ବତନ ମୁଖ୍ୟମନ୍ତ୍ରୀ ଭାସୁନ୍ଦର ରାଜେ ସରକାରଙ୍କ କାର୍ଯ୍ୟକାଳ ସମୟରେ ଘଟିଥିବା ସ୍କାମର ଉଚ୍ଚ ସ୍ତରୀୟ ତଦନ୍ତ ଦାବି କରିଥିଲେ । କଂଗ୍ରେସର ଜଣେ ବରିଷ୍ଠ ନେତାଙ୍କ ଅନୁଯାୟୀ, ସମସ୍ତ ରାଜ୍ୟ ନେତାଙ୍କ ସହ ବରିଷ୍ଠ କଂଗ୍ରେସ ନେତାଙ୍କ ବୈଠକ ମେ 26 ରେ ଅନୁଷ୍ଠିତ ହେବାର ଥଲା, କିନ୍ତୁ ପରେ ଏହାକୁ ସ୍ଥଗିତ ରଖାଯାଇଥିଲା । ସେ କହିଛନ୍ତି ଯେ ବର୍ତ୍ତମାନ ଚଳିତ ବର୍ଷ ଶେଷରେ ହେବାକୁ ଥିବା ବିଧାନସଭା ନିର୍ବାଚନ ପୂର୍ବରୁ ଗେହଲୋଟ୍ ଏବଂ ପାଇଲଟଙ୍କୁ ଗୋଟିଏ ପ୍ଲାଟଫର୍ମରେ ଆଣିବା ପାଇଁ ହାଇକମାଣ୍ଡ ପୃଥକ ଭାବରେ ବୈଠକ କରିବେ ।

English summary

Congress Chief Calls Gehlot And Pilot To Resolve Rift