ମହଙ୍ଗା ପଡ଼ିଲା ମୋବାଇଲ ଗେମ୍ ! ମା' ଆକାଉଣ୍ଟରୁ 52 ଲକ୍ଷ ଟଙ୍କା ଉଡ଼ାଇଦେଲା 13 ବର୍ଷର ଝିଅ
ଆଜିକାଲି ଦୁନିଆରେ ସ୍ମାର୍ଟ ଫୋନ୍ ଗେମ୍ ପିଲାମାନଙ୍କ ଉପରେ ବେଶ୍ ପ୍ରଭାବ ପକାଉଛି । ପିଲାଙ୍କ ହାତରେ ସ୍ମାର୍ଟ ଫୋନ୍ ଆସିବା ମାତ୍ରେ ଆରମ୍ଭ ହୋଇଯାଉଛି ଗେମ୍ । ଏମିତିକି ମୋବାଇଲ୍ ରେ ଅନଲାଇନ୍ ଗେମ୍ ଖେଳି ଉଡ଼ାଇ ଦେଉଛନ୍ତି ଲକ୍ଷ ଲକ୍ଷ ଟଙ୍କା । ଏମିତି ଏକ ଘଟଣା ଦେଖିବାକୁ ମିଳିଛି ଚାଇନା ରେ । ଜଣେ 12 ବର୍ଷର ଝିଅ ମୋବାଇଲ ଗେମ୍ ଖେଳି ଉଡ଼ାଇଦେଇଛି 52 ଲକ୍ଷ ଟଙ୍କା । ମା' ଆକାଉଣ୍ଟରେ ଆଉ ପଡ଼ିଛି ମାତ୍ର ଟଙ୍କା ।
ସାଉଥ ଚାଇନା ମର୍ନିଂ ପୋଷ୍ଟର ଏକ ରିପୋର୍ଟ ଅନୁଯାୟୀ, ଏହି ଘଟଣା ସାମ୍ନାକୁ ଆସିଥିଲା ଯେତେବେଳେ 13 ବର୍ଷର ବାଳିକାର ସ୍କୁଲ ଶିକ୍ଷକ ତାଙ୍କ ମା'ଙ୍କୁ ଜଣାଇଥିଲେ ଯେ ସେ ତାଙ୍କ ଫୋନରେ ବହୁତ ସମୟ ବିତାଉଛନ୍ତି । ବୋଧହୁଏ ସେ ଗେମ୍ ଖେଳିବା ନିଶାରେ ପଡ଼ିଯାଇଛନ୍ତି ବୋଲି ମଧ୍ୟ ପିତାମାତାଙ୍କୁ ଚେତାବନୀ ଦେଇଥିଲେ । ତା'ପରେ ମା 'ଆକାଉଣ୍ଟ ଦେଖିବା ପରେ ସ୍ତବ୍ଧ ହୋଇଯାଇଥିଲେ ।
ୱାଙ୍ଗ ନାମକ ଏହି ମାଆ ଜାଣିବାକୁ ପାଇଲେ ଯେ ଆକାଉଣ୍ଟରେ ମାତ୍ର 0.5 ୟୁଆନ୍ (ପାଖାପାଖି 5 ଟଙ୍କା) ଅଛି । ତାଙ୍କ ବ୍ୟାଙ୍କ ଷ୍ଟେଟମେଣ୍ଟ ସୋଶାଲ ମିଡ଼ିଆରେ ଦେଖାଇବାକୁ ସେ ଏହାକୁ ସୋଶାଲ ମିଡିଆରେ ଭିଡିଓ କରିଥିଲେ, ଯାହାକି ଭାଇରାଲ ହୋଇଯାଇଥିଲା । ଏହି ବ୍ୟାଙ୍କ ଷ୍ଟେଟମେଣ୍ଟରୁ ଜଣାପଡିଛି ଯେ ଅଧିକାଂଶ ଖର୍ଚ୍ଚ ମୋବାଇଲ୍ ଗେମ୍ ରୁ ହୋଇଛି ।
ତାଙ୍କ ପିତାଙ୍କ ଆଗରେ ଦୋଷ ସ୍ୱୀକାର କରିବା ସହ 13 ବର୍ଷର ବାଳିକା ପ୍ରକାଶ କରିଛି ଯେ ସେ ଗେମ୍ କିଣିବା ପାଇଁ 120,000 ୟୁଆନ୍ (ପ୍ରାୟ 13,93,000 ଟଙ୍କା) ଖର୍ଚ୍ଚ କରିଛନ୍ତି । ସେହିପରି ଇନ୍-ଗେମ୍ କିଣିବାରେ 210,000 ୟୁଆନ୍ (ପ୍ରାୟ 24,39,000 ଟଙ୍କା) ଏବଂ ଅତି କମରେ 10 ଜଣ ସହପାଠୀଙ୍କ ପାଇଁ ଗେମ୍ କିଣିବାରେ 100,000 ୟୁଆନ୍ (ପ୍ରାୟ 11,61,000 ଟଙ୍କା) ଖର୍ଚ୍ଚ କରିଛନ୍ତି ।
ଝିଅ ଝଣକ ମା'ର ଡେବିଟ୍ କାର୍ଡ ପାଖରେ ପଡ଼ିଥିବାର ଦେଖି ଏହାକୁ ସ୍ମାର୍ଟଫୋନ୍ ସହିତ ସଂଯୋଗ କରିବାକୁ ସ୍ଥିର କରିଥିଲା । ତାଙ୍କୁ କାର୍ଡର ପାସୱାର୍ଡ ଦିଆଯାଇଥିଲା ଯାହା ଦ୍ୱାରା ଏହା ସେ ପିତାମାତାଙ୍କ ଅନୁପସ୍ଥିତିରେ ବ୍ୟବହାର କରିପାରିବେ । ଏପରିକି ଗେମ୍ କିଣିବା ପରେ ବାପାମାଙ୍କ ଠାରୁ ଏହି କଥ ଲୁଚାଇବା ପାଇଁ ସ୍ମାର୍ଟଫୋନରୁ ସମସ୍ତ ଟ୍ରାନ୍ଜାକ୍ସନ୍ ହିଷ୍ଟ୍ରି ଡିଲିଟ୍ କରିଦେଇଥିଲେ ବାଳିକା ଜଣକ । ସେ ସ୍ୱୀକାର କରିଛନ୍ତି ଯେ ସେ ଅନିଚ୍ଛା ଏବଂ ଭୟ ସତ୍ତ୍ୱେ ସହପାଠୀମାନଙ୍କ ପାଇଁ ଖେଳ କିଣିଛନ୍ତି ।
Click it and Unblock the Notifications
Sign in with Google