ଜାକିର ନାଇକଙ୍କ ଫାଉଣ୍ଡେସନ ଆଇଆରଏଫ ଉପରେ 5 ବର୍ଷର ପ୍ରତିବନ୍ଧକ, ବିଜ୍ଞପ୍ତି ଜାରି କଲା ଗୃହ ମନ୍ତ୍ରଣାଳୟ
ବିବାଦୀୟ ଇସଲାମ ପ୍ରଚାରକ ଜାକିର ନାଇକଙ୍କ ଇସଲାମିକ ରିସର୍ଚ୍ଚ ଫାଉଣ୍ଡେସନ (ଆଇଆରଏଫ) କୁ କେନ୍ଦ୍ର ସରକାର ପାଞ୍ଚ ବର୍ଷ ପାଇଁ ନିଷିଦ୍ଧ କରିଛନ୍ତି ।
ନୂଆଦିଲ୍ଲୀ : ବିବାଦୀୟ ଇସଲାମ ପ୍ରଚାରକ ଜାକିର ନାଇକଙ୍କ ଇସଲାମିକ ରିସର୍ଚ୍ଚ ଫାଉଣ୍ଡେସନ (ଆଇଆରଏଫ) କୁ କେନ୍ଦ୍ର ସରକାର ପାଞ୍ଚ ବର୍ଷ ପାଇଁ ନିଷିଦ୍ଧ କରିଛନ୍ତି । ଇସଲାମିକ ରିସର୍ଚ୍ଚ ଫାଉଣ୍ଡେସନକୁ ଏକ ବେଆଇନ ସଙ୍ଗଠନ ଘୋଷିତ କରାଯାଇଛି ବୋଲି ଗୃହ ମନ୍ତ୍ରଣାଳୟ ଏକ ବିଜ୍ଞପ୍ତି ଜାରି କରିଛି । ଜାକିର ନାଇକଙ୍କ ଉପରେ ତାଙ୍କ ବକ୍ତବ୍ୟ ମାଧ୍ୟମରେ ମୁସଲମାନ ଯୁବକମାନଙ୍କ ଠାରେ ଉଗ୍ରବାଦକୁ ଉତ୍ସାହିତ କରିବା ନେଇ ଏହି ପ୍ରତିବନ୍ଧକ ଲଗାଯାଇଛି ।
କେନ୍ଦ୍ର ଗୃହ ମନ୍ତ୍ରଣାଳୟ ପକ୍ଷରୁ କୁହାଯାଇଛି ଯେ ଜାକିର ନାଇକ ମୁସଲମାନ ଯୁବକମାନଙ୍କୁ କଠୋରପନ୍ଥୀ ହେବାକୁ ଉତ୍ସାହିତ କରୁଥିଲେ, ତେଣୁ ତାଙ୍କ ସଂଗଠନ ଇସଲାମିକ ରିସର୍ଚ୍ଚ ଫାଉଣ୍ଡେସନକୁ ପାଞ୍ଚ ବର୍ଷ ପାଇଁ ଭାରତରେ ନିଷିଦ୍ଧ କରାଯାଇଛି । ବୁଧବାର ଗୃହ ମନ୍ତ୍ରଣାଳୟର ବିଜ୍ଞପ୍ତିରେ କୁହାଯାଇଛି ଯେ ଜାକିର ନାଇକ ତାଙ୍କ ଅଭିଭାଷଣରେ ଆତଙ୍କବାଦୀଙ୍କୁ ପ୍ରଶଂସା କରିବାବେଳେ ମୁସଲମାନ ଯୁବକମାନଙ୍କୁ ଅନ୍ୟ ଧର୍ମ ବିରୋଧରେ ଉତ୍ସାହିତ କରୁଥିଲେ ।
ଜାକିର ନାଇକ ବର୍ତ୍ତମାନ ମାଲେସିଆରେ ଅଛନ୍ତି । ଭାରତରେ ଜାକିର ନାଇକଙ୍କ ବିରୋଧରେ ଅନେକ ମାମଲା ଚାଲିଛି ଏବଂ ସରକାର ମଧ୍ୟ ତାଙ୍କୁ ଫେରାଇ ଆଣିବାକୁ ଚେଷ୍ଟା କରିଛନ୍ତି କିନ୍ତୁ ଏହି ଉଦ୍ୟମ ବିଫଳ ହୋଇଛି । ଯେତେବେଳେ ଭାରତରେ ଜାକିର ନାଇକଙ୍କ ବିରୋଧରେ ମାମଲା ରୁଜୁ ହୋଇଥିଲା ସେତେବେଳେ ସେ ଦେଶ ଛାଡିଥିଲେ । ଜାକିର ନାଇକ ମାଲେସିଆର ରାଜଧାନୀ କୁଆଲାଲମ୍ପୁରରେ ରହୁଛନ୍ତି । ସେଠାରେ ଥିବା ବରିଷ୍ଠ ରାଜନେତାଙ୍କ ସହ ତାଙ୍କର ମଧ୍ୟ ଭଲ ସମ୍ପର୍କ ରହିଛି ।
Click it and Unblock the Notifications
Sign in with Google