ଲକ୍ଷ୍ମୀପୁର ଖେରୀ ମାମଲା : ନ୍ୟାୟିକ ତଦନ୍ତ କମିଶନ ଗଠନ କଲେ ଯୋଗୀ ସରକାର, ଦୁଇ ମାସ ମଧ୍ୟରେ ଦେବେ ରିପୋର୍ଟ
ଅକ୍ଟୋବର 3, ରବିବାର ଲକ୍ଷ୍ମୀପୁର ଖେରୀରେ ହୋଇଥିବା ହିଂସାରେ ଚାରି ଜଣ ଚାଷୀଙ୍କ ସମେତ 8 ଜଣଙ୍କର ମୃତ୍ୟୁ ହୋଇଥିଲା । ଏହାପରେ ବର୍ତ୍ତମାନ ରାଜ୍ୟର ଯୋଗୀ ଆଦିତ୍ୟନାଥ ସରକାର ଏହାର ଅନୁସନ୍ଧାନ ପାଇଁ ଏକ ନ୍ୟାୟିକ ଆୟୋଗ ଗଠନ କରିଛନ୍ତି ।
ଲକ୍ଷ୍ନୌ : ଅକ୍ଟୋବର 3, ରବିବାର ଲକ୍ଷ୍ମୀପୁର ଖେରୀରେ ହୋଇଥିବା ହିଂସାରେ ଚାରି ଜଣ ଚାଷୀଙ୍କ ସମେତ 8 ଜଣଙ୍କର ମୃତ୍ୟୁ ହୋଇଥିଲା । ଏହାପରେ ବର୍ତ୍ତମାନ ରାଜ୍ୟର ଯୋଗୀ ଆଦିତ୍ୟନାଥ ସରକାର ଏହାର ଅନୁସନ୍ଧାନ ପାଇଁ ଏକ ନ୍ୟାୟିକ ଆୟୋଗ ଗଠନ କରିଛନ୍ତି । ଯୋଗୀ ସରକାର ଅବସରପ୍ରାପ୍ତ ହାଇକୋର୍ଟର ବିଚାରପତି ପ୍ରଦୀପ କୁମାର ଶ୍ରୀବାସ୍ତବଙ୍କ ଅଧ୍ୟକ୍ଷତାରେ ଏକକ ସଦସ୍ୟ କମିଶନ ଗଠନ କରିଛନ୍ତି । ଦୁଇ ମାସ ମଧ୍ୟରେ ଆୟୋଗ ଏହାର ରିପୋର୍ଟ ଦାଖଲ କରିବେ । ଏଥି ସହିତ ଆୟୋଗର ମୁଖ୍ୟାଳୟକୁ ଲକ୍ଷ୍ମୀପୁର ଖେରୀ କରାଯାଇଛି ।
ଲକ୍ଷ୍ମୀପୁର ଖେରୀରେ ଉତ୍ତେଜନା ପରେ ପୀଡିତଙ୍କ ପରିବାର ଏବଂ ବିରୋଧୀ ଦଳ ଏହାର ନିରପେକ୍ଷ ତଦନ୍ତ ଦାବି କରିଆସୁଥିଲେ । ବର୍ତ୍ତମାନ ନ୍ୟାୟିକ ତଦନ୍ତ ପାଇଁ ବିଜ୍ଞପ୍ତି ଜାରି କରି ସରକାର ଏକ ଆୟୋଗ ଗଠନ କରିଛନ୍ତି । ଏହାକୁ ଯୋଗୀ ସରକାରଙ୍କ ଏକ ବଡ ନିଷ୍ପତ୍ତି ଭାବରେ ଦେଖାଯାଉଛି । ଏଥି ସହିତ, ଅକ୍ଟୋବର 07 ରେ, ଲକ୍ଷ୍ମୀପୁର ଖେରୀ ଘଟଣା ସମ୍ପର୍କରେ ସୁପ୍ରିମକୋର୍ଟରେ ମଧ୍ୟ ଶୁଣାଣି ଚାଲିଛି । ସୁପ୍ରିମକୋର୍ଟ ଏହି ମାମଲାରେ ନିଜ ଆଡ଼ୁ ହସ୍ତକ୍ଷେପ କରିଛନ୍ତି । ସୁପ୍ରିମକୋର୍ଟରେ ଶୁଣାଣି ପୂର୍ବରୁ ସରକାର ଆୟୋଗ ଗଠନ କରିଛନ୍ତି ।
Click it and Unblock the Notifications
Sign in with Google