ଜନ୍ତର-ମନ୍ତରରେ ହଜାର ହଜାର କୃଷକ, ବ୍ୟାରିକେଡ୍ ଡେଇଁ କୁସ୍ତିଯୋଦ୍ଧାଙ୍କ ବିରୋଧକୁ କଲେ ସମର୍ଥନ

Updated: Monday, May 8, 2023, 12:53 [IST]

ନୂଆଦିଲ୍ଲୀ : ରେସଲିଂ ଫେଡେରେସନ୍ ଅଫ୍ ଇଣ୍ଡିଆ (ଡବ୍ଲୁଏଫ୍ଆଇ) ସଭାପତି ବ୍ରିଜ ଭୂଷଣ ଶରଣ ସିଂହଙ୍କ ବିରୋଧରେ କୁସ୍ତିଯୋଦ୍ଧାଙ୍କ ପ୍ରଦର୍ଶନ ଆହୁରି ବଢିବାରେ ଲାଗିଛି । ଦିନକୁ ଦିନ୍ ସମର୍ଥନଙ୍କ ସଂଖ୍ୟା ବଢିବାରେ ଲାଗିଛି । କେତେକ ରାଜନୈତିକ ଦଳଙ୍କ ସମର୍ଥନ ପରେ ବର୍ତ୍ତମାନ ଏହି ବିରୋଧ ପ୍ରଦର୍ଶନକୁ ମିଳିଛି କୃଷକଙ୍କ ସମର୍ଥନ ।

କୁସ୍ତିଯୋଦ୍ଧାଙ୍କ ବିରୋଧ ପ୍ରଦର୍ଶନକୁ ସମର୍ଥନ ଜଣାଇବା ପାଇଁ ଦିଲ୍ଲୀର ଜନ୍ତର-ମନ୍ତରରେ ପହଞ୍ଚିଛନ୍ତି ହଜାର ହଜାର କୃଷକ । ଆଜି ଏହି ବିରୋଧ ପ୍ରଦର୍ଶନ ସ୍ଥଳେ ପୋଲିସ୍ ବ୍ୟାରିକେଡ୍ ଡେଇଁ ସମର୍ଥନ ଜଣାଇଛନ୍ତି କୃଷକ ।

ଆପଣଙ୍କୁ କହି ରଖୁଛୁ, କୁସ୍ତିଯୋଦ୍ଧାମାନେ WFI ଅଧ୍ୟକ୍ଷ ତଥା ବିଜେପି ସାଂସଦ ବ୍ରିଜ ଭୂଶଷଙ୍କ ବିରୋଧରେ ଯୌନ ନିର୍ଯ୍ୟାତନା ଅଭିଯୋଗ କରି ବିରୋଧ ପ୍ରଦର୍ଶନ କରୁଛନ୍ତି । କୁସ୍ତି ଖେଳାଳି ବିନେଶ ଫୋଗଟ, ବଜରଙ୍ଗ ପୁନିଆ ଏବଂ ସାକ୍ଷୀ ମଲିକଙ୍କ ନେତୃତ୍ୱରେ ବ୍ରିଜ ଭୂଷଣ ସିଂହଙ୍କ ବିରୋଧରେ ବିରୋଧ ପ୍ରଦର୍ଶନ ଜାରି ରହିଛି । ଏ ନେଇ କୁସ୍ତିଯୋଦ୍ଧାମାନେ ଦିଲ୍ଲୀ କନ୍ନଟ୍ ପ୍ଲେସ୍ ପୋଲିସ୍ ଷ୍ଟେସନରେ ଯୌନ ନିର୍ଯ୍ୟାତନା ଏବଂ ପୋକ୍ସୋ ଆକ୍ଟ ଅନୁଯାୟୀ ଏକ ମାମଲା ଦାୟର କରିଛନ୍ତି । ଅପର ପକ୍ଷରେ ବ୍ରିଜ ଭୂଷଣ ଏହି ମାମଲାରେ ନିଜକୁ ନିର୍ଦ୍ଦୋଷ କହୁଛନ୍ତି ।

#WATCH | Farmers break through police barricades as they join protesting wrestlers at Jantar Mantar, Delhi

The wrestlers are demanding action against WFI chief and BJP MP Brij Bhushan Sharan Singh over allegations of sexual harassment. pic.twitter.com/k4d0FRANws
— ANI (@ANI) May 8, 2023

ଏହା ପୂର୍ବରୁ କୃଷକ ନେତା ରାକେଶ ଟିକାୟିତ୍ ମଧ୍ୟ ଜନ୍ତର ମନ୍ତରରେ ପହଞ୍ଚି ଏହି ବିରୋଧ ପ୍ରଦର୍ଶରେ କୁସ୍ତିଯୋଦ୍ଧାମାନଙଅକୁ ସମର୍ଥନ ଜଣାଇଥିଲେ । ବର୍ତ୍ତମାନ ହଜାର ହଜାର କୃଷକ ଜନ୍ତର ମନ୍ତରରେ ପହଞ୍ଚି ସମର୍ଥ ଜଣାଇଛନ୍ତି ।