ଭାଇରସର ହେଲା ନାମକରଣ : ଭାରତରେ କରୋନା ଭାଇରସର ନୂଆ ନାଁ
ଦେଶରେ ଦେଖା ଦେଇଥିବା କୋଭିଡ୍ ର ମ୍ୟୁଟାଣ୍ଟ ବି.୧. ୬.୧୭.୨ ହୋଇଥିବାବେଳେ ଏହାକୁ ଭାରତ ଭାରିଆଣ୍ଟ ବୋଲି କୁହାଯିବାକୁ ନେଇ ଆପତ୍ତି କରିଥିଲା ନୂଆଦିଲ୍ଲୀ । ମାତ୍ର ଏବେ ଏହାର ନାମ ବିଶ୍ୱ ସ୍ୱାସ୍ଥ୍ୟ ସଂଗଠନ 'ଡେଲଟା' ରଖିଛି ।
ନୂଆଦିଲ୍ଲୀ : ଭାରତରେ ମିଳିଥିବା କରୋନା ଭୁତାଣୁର ଭାରିଆଣ୍ଟର ନାମକରଣ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ । ଦେଶରେ ଦେଖା ଦେଇଥିବା କୋଭିଡ୍ ର ମ୍ୟୁଟାଣ୍ଟ ବି.୧. ୬.୧୭.୨ ହୋଇଥିବାବେଳେ ଏହାକୁ ଭାରତ ଭାରିଆଣ୍ଟ ବୋଲି କୁହାଯିବାକୁ ନେଇ ଆପତ୍ତି କରିଥିଲା ନୂଆଦିଲ୍ଲୀ । ମାତ୍ର ଏବେ ଏହାର ନାମ ବିଶ୍ୱ ସ୍ୱାସ୍ଥ୍ୟ ସଂଗଠନ 'ଡେଲଟା' ରଖିଛି । ସେହିପରି ଦକ୍ଷିଣ ଆଫ୍ରିକା ଷ୍ଟ୍ରେନର ନାଁ 'ବିଟା' ଓ ବ୍ରାଜିଲ ଷ୍ଟ୍ରେନର ନାଁ 'ଗାମା' ରଖାଯାଇଛି । ଏଥିସହ ବିଶ୍ୱର ଅନ୍ୟାନ୍ୟ ଭାଗରେ ଦେଖାଯାଇଥିବା କରୋନାର ଅନ୍ୟ ଭାରିଆଣ୍ଟର ମଧ୍ୟ ନାମକରଣ କରିଛି ବିଶ୍ୱ ସ୍ୱାସ୍ଥ୍ୟ ସଂଗଠନ ।
କରୋନା ଭାରିଆଣ୍ଟକୁ ସହଜରେ ମନେ ରଖିବା ପାଇଁ ଏପରି ନାମ କରାଯାଇଛି । ପ୍ରାୟ ୨୪ଟି ଅକ୍ଷରକୁ ନେଇ ଆଲ୍ଫାରୁ ଓ ମେଗା ଯାଏଁ ନାମକରଣ କରାଯାଇଛି । ଯେଉଁ ଦେଶରୁ କରୋନାର ନୂଆ ଷ୍ଟ୍ରେନ ସାମ୍ନାକୁ ଆସିଛି, ସେହି ଦେଶ ସହିତ ନାମକରଣ କରିବା ପରେ ଆପତ୍ତି ହୋଇଥିଲା । ତେଣୁ ସ୍ୱତନ୍ତ୍ର ନାମକରଣ କରି ବିଶ୍ୱ ସ୍ୱାସ୍ଥ୍ୟ ସଙ୍ଗଠନ ଏହି ବିବାଦକୁ ଦୂର କରିପାରିଛି । ତେବେ ଏହାର ବୈଜ୍ଞାନିକ ନାମରେ କୌଣସି ପରିବର୍ତ୍ତନ କରାଯାଇନାହିଁ ।
Click it and Unblock the Notifications
Sign in with Google