କ'ଣ ଏହି ଅର୍ଥନୈତିକ ସର୍ଭେ ରିପୋର୍ଟ ? ଜାଣନ୍ତୁ, କଣ ରହିଛି ଏହାର ଇତିହାସ ଓ ଗୁରୁତ୍ୱ

ସର୍ଭେ ଦେଶର ବିଭିନ୍ନ କ୍ଷେତ୍ରର ଆର୍ଥିକ ସ୍ଥିତି ବିଷୟରେ ସୂଚନା ଦେଇଥାଏ । ଏହି ସର୍ଭେରେ ସାଧାରଣ ବଜେଟ୍ କିଭଳି ହେବ ସେ ନେଇ ମଧ୍ୟ ସୂଚନା ଦେଇଥାଏ ।

Updated: Tuesday, January 31, 2023, 14:33 [IST]

ସାଧାରଣ ବଜେଟ ପାଇଁ ଅଧିବେଶନ ଆଜି ଠାରୁ ଆରମ୍ଭ ହୋଇଛି । ଉଭୟ ଗୃହର ମିଳିତ ବୈଠକରେ ରାଷ୍ଟ୍ରପତି ଦ୍ରୌପଦୀ ମୁର୍ମୁ ସମ୍ବୋଧିତ କରିଛନ୍ତି । ରାଷ୍ଟ୍ରପତିଙ୍କ ସମ୍ବୋଧନ ପରେ ଅର୍ଥନୈତିକ ସର୍ଭେ ଉପସ୍ଥାପିତ ହେବ । କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଆଜି ବଜେଟ ପୂର୍ବରୁ ଏହି ଅର୍ଥନୈତିକ ସର୍ଭେ ଉପସ୍ଥାପନ କରିବେ ।

ଅର୍ଥ ମନ୍ତ୍ରଣାଳୟ ଅଧୀନରେ ଅର୍ଥନୈତିକ ବ୍ୟାପାର ବିଭାଗର ଅର୍ଥନୈତିକ ବିଭାଗ ଦ୍ୱାରା ଅର୍ଥନୈତିକ ସର୍ଭେ କରାଯାଇଥାଏ । ମୁଖ୍ୟ ଅର୍ଥନୈତିକ ପରାମର୍ଶଦାତା ଭି ଅନନ୍ତ ନାଗେଶ୍ୱରନଙ୍କ ଅଧ୍ୟକ୍ଷତାରେ ଏହା ପ୍ରସ୍ତୁତ କରାଯାଇଛି । ଏହି ସର୍ଭେ ଦେଶର ବିଭିନ୍ନ କ୍ଷେତ୍ରର ଆର୍ଥିକ ସ୍ଥିତି ବିଷୟରେ ସୂଚନା ଦେଇଥାଏ । ଏହି ସର୍ଭେରେ ସାଧାରଣ ବଜେଟ୍ କିଭଳି ହେବ ସେ ନେଇ ମଧ୍ୟ ସୂଚନା ଦେଇଥାଏ ।

କଣ ରହିଛି ଏହାର ଇତିହାସ

ଅର୍ଥନୈତିକ ସର୍ବେକ୍ଷଣର ଇତିହାସ ବିଷୟରେ କହିବାକୁ ଗଲେ ଏହା ପ୍ରଥମେ 1950-51 ରେ ଉପସ୍ଥାପନ ହୋଇଥିଲା । ସେହି ସମୟରେ ଏହା କେବଳ ବଜେଟ୍ ଡକ୍ୟୁମେଣ୍ଟର ଏକ ଅଂଶ ଥିଲା । 1960 ରେ ଏହା ବଜେଟରୁ ଅଲଗା ହୋଇଯାଇଥିଲା ଏବଂ ବର୍ତ୍ତମାନ ବଜେଟର ଗୋଟିଏ ଦିନ ପୂର୍ବରୁ ଉପସ୍ଥାପିତ ହେଉଛି । ଏହି ସର୍ବେକ୍ଷଣର ସବୁଠାରୁ ଗୁରୁତ୍ୱପୂର୍ଣ୍ଣ ଦିଗ ହେଉଛି କେନ୍ଦ୍ର ବଜେଟର ବିଷୟବସ୍ତୁ କ'ଣ ହେବ ତାହା ଦର୍ଶାଇଥାଏ । ଗତ ବର୍ଷର ବଜେଟର ବିଷୟବସ୍ତୁ ବିଷୟରେ କହିବାକୁ ଗଲେ ଏହାର ଆଭିମୁଖ୍ୟ ଅତ୍ୟନ୍ତ ଦୃଃ ଥିଲା । ଗତ ବର୍ଷର ସର୍ଭେରେ କରୋନା ମହାମାରୀକୁ କିପରି ମୁକାବିଲା କରାଯିବ ସେ ଉପରେ ଧ୍ୟାନ ଦିଆଯାଇଥିଲା ।

ସର୍ଭେରେ ବିଭିନ୍ନ କ୍ଷେତ୍ର ସହ ଜଡିତ ଡକ୍ୟୁମେଣ୍ଟଗୁଡିକ ଉପସ୍ଥାପିତ କରାଯାଇଥାଏ । ଏହା ସହିତ, ଏଥିରେ ଏକ ପୃଥକ ଅଧ୍ୟାୟ ମଧ୍ୟ ଅଛି, ଯେଉଁଥିରେ ଆବଶ୍ୟକତା ଅନୁଯାୟୀ, କେଉଁ କ୍ଷେତ୍ର ଅଧିକ ଧ୍ୟାନ ଆବଶ୍ୟକ କରେ, ଏହା ମଧ୍ୟ ଉଲ୍ଲେଖ କରାଯାଇଥାଏ । ଗତ ବର୍ଷର ଅର୍ଥନୈତିକ ସର୍ଭେରେ ଭାରତର ଅଭିବୃଦ୍ଧି ହାର 8-8.5 ପ୍ରତିଶତ ହେବାର ସମ୍ଭାବନା ପ୍ରକାଶ ପାଇଥିଲା । ଚଳିତ ବର୍ଷର ବଜେଟ୍ ବିଷୟରେ କହିବାକୁ ଗଲେ ଏହା ମୋଦୀ ସରକାରଙ୍କ ଏହି କାର୍ଯ୍ୟକାଳର ଶେଷ ପୂର୍ଣ୍ଣକାଳୀନ ବଜେଟ୍ ହେବ ।

ଏଥର ମଧ୍ୟ ପେପରଲେସ୍ ବଜେଟ୍

ପୂର୍ବ ବଜେଟ୍ ପରି, ଏଥର ମଧ୍ୟ ବଜେଟ୍ ପେପରଲେସ୍ କରାଯାଇଛି । ବଜେଟ୍ ଡକ୍ୟୁମେଣ୍ଟ୍ ୟୁନିଅନ୍ ବଜେଟ୍ ମୋବାଇଲ୍ ଆପ୍ ରେ ଉପଲବ୍ଧ ହେବ । ଏହା ଉଭୟ ଆଣ୍ଡ୍ରଏଡ୍ ଏବଂ ଆପଲ୍ OS ପ୍ଲାଟଫର୍ମରେ ଉପଲବ୍ଧ ହେବ । ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୃହରେ ବଜେଟ୍ ଉପସ୍ଥାପନ କରିବା ପରେ ଏହା ଏହି ଆପରେ ଉପଲବ୍ଧ ହେବ । 2023-24 ଆର୍ଥିକ ବର୍ଷ ପାଇଁ ସାଧାରଣ ବଜେଟ୍ ପ୍ରସ୍ତୁତିର ଅଫିସିଆଲ୍ ଆରମ୍ଭ 10 ଅକ୍ଟୋବର 2022 ରୁ କରାଯାଇଥିଲା । ସଂସଦର ବଜେଟ୍ ଅଧିବେଶନ ବିଷୟରେ କହିବାକୁ ଗଲେ ଏହା ଦୁଇ ଭାଗରେ ହେବ । ପ୍ରଥମ ଭାଗ ଜାନୁଆରୀ 31 ରୁ ଫେବୃଆରୀ 13 ପର୍ଯ୍ୟନ୍ତ ଚାଲିବ, ଦ୍ୱିତୀୟ ଭାଗ ମାର୍ଚ୍ଚ 13 ରୁ ଏପ୍ରିଲ 6 ପର୍ଯ୍ୟନ୍ତ ଚାଲିବ ।