ସାହାରନପୁର : ମଦରସା ଛାତ୍ରର ଅଲକାଏଦା ଲିଙ୍କ, ଚଢାଉ କଲା ପଶ୍ଚିମବଙ୍ଗ ଏସଟିଏଫ
ପଶ୍ଚିମବଙ୍ଗ ଏସଟିଏଫ ସାହାରନପୁରର ଏକ ମଦରସା ଉପରେ ଚଢାଉ କରିଛି । ଏହି ଚଢାଉ ସମୟରେ 25 ବର୍ଷିୟ ଛାତ୍ର ଫୈଜଲ ଓରଫ୍ ସାହିଦକୁ ଏସଟିଏଫ ଗିରଫ କରିଛି । ଗିରଫ ଛାତ୍ର ଫୈଜଲର ଅଲ କାଏଦାର ଏସିଆ ୱିଙ୍ଗ ସହ ସମ୍ପର୍କ ରହିଛି ।
ସାହାରନପୁର : ପଶ୍ଚିମବଙ୍ଗ ଏସଟିଏଫ ସାହାରନପୁରର ଏକ ମଦରସା ଉପରେ ଚଢାଉ କରିଛି । ଏହି ଚଢାଉ ସମୟରେ 25 ବର୍ଷିୟ ଛାତ୍ର ଫୈଜଲ ଓରଫ୍ ସାହିଦକୁ ଏସଟିଏଫ ଗିରଫ କରିଛି । ଗିରଫ ଛାତ୍ର ଫୈଜଲର ଅଲ କାଏଦାର ଏସିଆ ୱିଙ୍ଗ ସହ ସମ୍ପର୍କ ରହିଛି ଏବଂ ସେ ବାଂଲାଦେଶର ହୁଗଲିର ବାସିନ୍ଦା । ମିଳିଥିବା ସୂଚନା ଅନୁଯାୟୀ, ତିନି ଦିନ ପୂର୍ବେ ଅଲ କାଏଦାର ଜଣେ ସନ୍ଦିଗ୍ଧ ବ୍ୟକ୍ତିକୁ ଏସଟିଏଫ ଗିରଫ କରିଥିଲା । ଯାହାର ଯାଞ୍ଚ ପରେ ପଶ୍ଚିମବଙ୍ଗ ଏସଟିଏଫ ସାହାରନପୁରରେ ଏହି କାର୍ଯ୍ୟାନୁଷ୍ଠାନ ନେଇଛି ।
ଆପଣଙ୍କୁ କହି ରଖୁଛୁ ଯେ 15 ସେପ୍ଟେମ୍ବର ଗୁରୁବାର ଦିନ ପଶ୍ଚିମବଙ୍ଗ ଏସଟିଏଫ ସାହାରନପୁରର ନଇ ମଣ୍ଡି ପୋଲିସ ଷ୍ଟେସନ ଅଞ୍ଚଳରେ ଏକ ମଦରସା ଉପରେ ଚଢାଉ କରିଥିଲା । ଏହି ସମୟରେ ପଶ୍ଚିମବଙ୍ଗ ଏସଟିଏଫ ଜଣେ ଛାତ୍ର ଫୈଜଲ ଓରଫ୍ ସାହିଦକୁ ଗିରଫ କରିଛି । ବର୍ତ୍ତମାନ ଏସଟିଏଫ ଫୈଜଲକୁ ସାଥିରେ ନେଇଛି । ଗିରଫ ଫୈଜଲ ବାଂଲାଦେଶୀ ନାଗରିକ, ଯିଏ ଏଠାରେ ଦୀର୍ଘ ସମୟ ଧରି ରହୁଥିଲା । ଆଶ୍ଚର୍ଯ୍ୟଜନକ କଥା ହେଉଛି ଏହି ଚଢାଉ ସମ୍ପର୍କରେ ସ୍ଥାନୀୟ ପୋଲିସକୁ ମଧ୍ୟ ଜଣା ନଥିଲା ।
ସୂଚନାଯୋଗ୍ୟ, ପଶ୍ଚିମବଙ୍ଗ ଏସଟିଏଫ ତିନି ଦିନ ପୂର୍ବରୁ ଚଢାଉ କରି ଅଲ କାଏଦା ସନ୍ଦିଗ୍ଧକୁ ଗିରଫ କରିଥିଲା । ଗିରଫ ବ୍ୟକ୍ତିର ଲିଙ୍କ ସାହାରନପୁରର ଜଣେ ସନ୍ଦିଗ୍ଧ ବ୍ୟକ୍ତି ସହ ଥିବା ଜଣାପଡିଥିଲା । ଯେଉଁ ସନ୍ଦିଗ୍ଧଙ୍କ ସହ ଲିଙ୍କ ଅଛି ସେ ବାଂଲାଦେଶର ବାସିନ୍ଦା ଏବଂ ତାର ନାମ ଫୈଜଲ ମଜୁମଦାର । ଫୈଜଲ ଗତ କିଛି ବର୍ଷ ଧରି ନଇ ମଣ୍ଡି ଅଞ୍ଚଳର ଏକ ମଦରସାରେ ପଢୁଥିଲା । ଅଲ କାଏଦାର ଏସିଆ ୱିଙ୍ଗ ସହିତ ଏହାର ଲିଙ୍କ ଥିବା ଜଣାପଡ଼ିଛି ।
Click it and Unblock the Notifications
Sign in with Google