ପେଗାସସ୍ ମାମଲା : ସକ୍ରିୟ ହେଲା ପଶ୍ଚିମବଙ୍ଗ ଯାଞ୍ଚ ଆୟୋଗ, ଖବରକାଗଜରେ ଦେଲା ସର୍ବସାଧାରଣ ବିଜ୍ଞପ୍ତି

ସମସ୍ତ ବ୍ୟକ୍ତି, ଅନୁଷ୍ଠାନ ଏବଂ ସଂଗଠନକୁ ସୂଚନା ଦିଆଯାଇଛି ଯେ ପେଗାସସ୍ ମାମଲା ସହ ଆୟୋଗର ପ୍ରକ୍ରିୟା ସମ୍ବନ୍ଧୀୟ ବିବୃତ୍ତି ବ୍ୟକ୍ତିଗତ କିମ୍ବା ମେଲ ମାଧ୍ୟମରେ ଆୟୋଗଙ୍କ ନିକଟକୁ ପଠାଇପାରିବେ । ଏହି ଷ୍ଟେଟମେଣ୍ଟଗୁଡିକ 30 ଦିନ ମଧ୍ୟରେ ପଠାଇବାକୁ ପଡିବ ।

Published: Thursday, August 5, 2021, 18:18 [IST]

କୋଲକାତା : ପଶ୍ଚିମବଙ୍ଗ ସରକାର ପେଗାସସ୍ ଗୁପ୍ତଚର ମାମଲାର ତଦନ୍ତ ପାଇଁ ଗତ ମାସରେ ଏକ କମିଶନ ଗଠନ କରିଥିଲେ । ତଦନ୍ତ କମିଶନ ସୁପ୍ରିମକୋର୍ଟର ପୂର୍ବତନ ଜଷ୍ଟିସ ମଦନ ବି ଲୋକୁର ଏବଂ କଲିକତା ହାଇକୋର୍ଟର ପୂର୍ବତନ ଜଷ୍ଟିସ ଜ୍ୟୋତିର୍ମୟ ଭଟ୍ଟାଚାର୍ଯ୍ୟଙ୍କୁ ନେଇ ଗଠନ କରାଯାଇଛି । ଆୟୋଗ ଗଠନ ହେବାର ପ୍ରାୟ 15 ଦିନ ପରେ ଆୟୋଗ ବର୍ତ୍ତମାନ ସକ୍ରିୟ ହୋଇଛି । ଗୁରୁବାର ଅଗ୍ରଣୀ ଖବରକାଗଜରେ ଆୟୋଗ ପକ୍ଷରୁ ଏକ ସାଧାରଣ ବିଜ୍ଞପ୍ତି ଜାରି କରାଯାଇଛି । ଏଥିରେ ପେଗାସସ୍ ମାମଲାର ଜନସାଧାରଣ ଏବଂ ହିତାଧିକାରୀଙ୍କଠାରୁ ଏହି ଅଭିଯୋଗ ସମ୍ପର୍କରେ ସୂଚନା ମଗାଯାଇଛି ।

ଏହି ବିଜ୍ଞପ୍ତିରେ କୁହାଯାଇଛି, ସମସ୍ତ ବ୍ୟକ୍ତି, ଅନୁଷ୍ଠାନ ଏବଂ ସଂଗଠନକୁ ସୂଚନା ଦିଆଯାଇଛି ଯେ ପେଗାସସ୍ ମାମଲା ସହ ଆୟୋଗର ପ୍ରକ୍ରିୟା ସମ୍ବନ୍ଧୀୟ ବିବୃତ୍ତି ବ୍ୟକ୍ତିଗତ କିମ୍ବା ମେଲ ମାଧ୍ୟମରେ ଆୟୋଗଙ୍କ ନିକଟକୁ ପଠାଇପାରିବେ । ଏହି ଷ୍ଟେଟମେଣ୍ଟଗୁଡିକ 30 ଦିନ ମଧ୍ୟରେ ପଠାଇବାକୁ ପଡିବ । ମେଲ୍ [email protected] ରେ କରାଯାଇପାରିବ ।

ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ 26 ଜୁଲାଇରେ କମିଶନ ଅଫ୍ ଇନକ୍ୱାରୀ ଆକ୍ଟ, 1952 ଅନୁଯାୟୀ ଏହି କମିଶନ ଗଠନ କରିଥିଲେ । ଏହା ଛଅ ମାସ ମଧ୍ୟରେ ରିପୋର୍ଟ ଦେବ । ପଶ୍ଚିମବଙ୍ଗ ହେଉଛି ଏକମାତ୍ର ରାଜ୍ୟ ଯିଏକି ପେଗାସସ୍ ମାମଲାରେ ତଦନ୍ତ କମିଶନ ଗଠନ କରିଛନ୍ତି । ଏହି କମିଶନ ପେଗାସସରୁ ବେଆଇନ ହ୍ୟାକିଂ, ମନିଟରିଂ, ସିସିଟିଭି, ଫୋନ୍ ରେକର୍ଡିଂ ଇତ୍ୟାଦି ଯାଞ୍ଚ କରିବେ ।

ଗତ ମାସରେ, ବିଶ୍ୱର 17 ଟି ମିଡିଆ ଏଜେନ୍ସି ନିଜର ବୈଶିକ ଅନୁସନ୍ଧାନକୁ ଆଧାର କରି ରିପୋର୍ଟ କରିଥିଲେ ଯେ ଭାରତରେ 300 ରୁ ଅଧିକ ଲୋକଙ୍କ ଫୋନ୍ ହ୍ୟାକ୍ ହୋଇଥିବା ଅଭିଯୋଗ ହୋଇଛି । ଏଥିରେ କେନ୍ଦ୍ର ମନ୍ତ୍ରୀ, ବିରୋଧୀଦଳ ନେତା, ସାମ୍ବାଦିକ, ବ୍ୟବସାୟୀ ଏବଂ ଗୁରୁତ୍ୱପୂର୍ଣ୍ଣ ପଦବୀରେ ଅବସ୍ଥାପିତ ସରକାରୀ ଅଧିକାରୀଙ୍କ ଉପରେ ଗୁପ୍ତଚର କରାଯାଇଥିବା ଉଲ୍ଲେଖ କରାଯାଇଛି । ଏଥିମଧ୍ୟରେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସହ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ଏବଂ ପ୍ରହ୍ଲାଦ ସିଂ ପଟେଲ, ପୂର୍ବତନ ନିର୍ବାଚନ କମିଶନର ଅଶୋକ ଲବାସା ଏବଂ ନିର୍ବାଚନ ରଣନୀତିଜ୍ଞ ପ୍ରଶାନ୍ତ କିଶୋରଙ୍କତ ନାମ ମଧ୍ୟ ଅଛି ।

ଏହି ପ୍ରସଙ୍ଗରେ ସଂସଦରେ ଅନେକ ଉତ୍ତେଜନା ଦେଖାଦେଇଛି । ଏହି ସଫ୍ଟୱେର୍ ତିଆରି କରୁଥିବା କମ୍ପାନୀ କହିଛି ଯେ ଏହା କେବଳ ସରକାରଙ୍କୁ ଏହି ସଫ୍ଟୱେର୍ ବିକ୍ରି କରେ । ଏଭଳି ପରିସ୍ଥିତିରେ ବିରୋଧୀ ଅଭିଯୋଗ କରିଛନ୍ତି ଯେ ସରକାର ନିଜେ ଏହି ଗୁପ୍ତଚର କାର୍ଯ୍ୟ କରୁଛନ୍ତି । ଏଭଳି ପରିସ୍ଥିତିରେ ସରକାର ସଂସଦରେ ଏହା ଉପରେ ବିତର୍କ କରିବା ଉଚିତ ଏବଂ ଏହାର ଉତ୍ତର ଦେବା ଉଚିତ୍ । ଏଥି ସହିତ ସରକାର ଏହି ପ୍ରସଙ୍ଗକୁ ଅନାବଶ୍ୟକ ବୋଲି କହି ଏଡ଼ାଉଛନ୍ତି ।

Published On August 5, 2021