West Bengal Assembly Election: ମମତା ବାନାର୍ଜୀଙ୍କ ଉପରେ ଆକ୍ରମଣକୁ ନେଇ କଂଗ୍ରେସ କହିଲା 'ରାଜନୈତିକ କପଟ'
ମମତା ବାନାର୍ଜୀ ଉପରେ ହୋଇଥିବା ଆକ୍ରମଣକୁ ଟିଏମସି ରାଜନୈତିକ ଷଡଯନ୍ତ୍ର ବୋଲି ବର୍ଣ୍ଣନା କରୁଥିବାବେଳେ କଂଗ୍ରେସ ଏହି ଘଟଣାକୁ ମମତାଙ୍କ 'ରାଜନୈତିକ କପଟ' ବୋଲି କହିଛି ।
କୋଲକାତା: ପଶ୍ଚିମବଙ୍ଗରେ ବିଧାନସଭା ନିର୍ବାଚନ ପାଇଁ ପ୍ରସ୍ତୁତି ମଧ୍ୟରେ ସମୟ ସମୟରେ ହିଂସାତ୍ମକ ରାଜନୀତିର ଘଟଣା ସାମ୍ନାକୁ ଆସୁଛି । ବୁଧବାର ସନ୍ଧ୍ୟାରେ କିଛି ଅଜଣା ବ୍ୟକ୍ତି ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଉପରେ ଆକ୍ରମଣ କରିବା ପରେ ବେଙ୍ଗଲ ରାଜନୀତିରେ ହଇଚଇ ସୃଷ୍ଟି ହୋଇଥିଲା । ଏହି ଘଟଣା ସାମ୍ନାକୁ ଆସିଥିଲା ଯେତେବେଳେ, ମମତା ବାନାର୍ଜୀ ନାମାଙ୍କନ ଦାଖଲ କରିବାକୁ ନନ୍ଦିଗ୍ରାମ ଯାଇଥିବା ସମୟର ତାଙ୍କ ଉପରେ ଆକ୍ରମଣ ହୋଇଥିବା ନେଇ ଅଭିଯୋଗ ହଇଥିଲା । ଅନ୍ୟପକ୍ଷରେ ମମତା ବାନାର୍ଜୀ ଉପରେ ହୋଇଥିବା ଆକ୍ରମଣକୁ ଟିଏମସି ରାଜନୈତିକ ଷଡଯନ୍ତ୍ର ବୋଲି ବର୍ଣ୍ଣନା କରୁଥିବାବେଳେ କଂଗ୍ରେସ ଏହି ଘଟଣାକୁ ମମତାଙ୍କ 'ରାଜନୈତିକ କପଟ' ବୋଲି କହିଛି ।
ଟିଏମସି ମୁଖ୍ୟ ମମତା ବାନାର୍ଜୀଙ୍କ ଉପରେ ହୋଇଥିବା ଆକ୍ରମଣ ଉପରେ କଂଗ୍ରେସ ନେତା ଅଧୀର ରଂଜନ ଚୌଧୁରୀ ନ୍ୟୁଜ୍ ଏଜେନ୍ସି ANI କୁ କହିଛନ୍ତି, ସହାନୁଭୂତି ପାଇବା ପାଇଁ ଏହା ଏକ 'ରାଜନୈତିକ ଛଳନା' । ନିର୍ବାଚନ ପୂର୍ବରୁ ସେ (ମମତା ବାନାର୍ଜୀ) ନନ୍ଦିଗ୍ରାମରୁ ହାରିବାର ଭୟରେ ଲୋକଙ୍କ ଦୃଷ୍ଟି ଆକର୍ଷଣ କରିବା ପାଇଁ ଏହା ଏକ ନାଟକ । ସେ କେବଳ ମୁଖ୍ୟମନ୍ତ୍ରୀ ନୁହଁନ୍ତି ପୋଲିସ ମନ୍ତ୍ରୀ ମଧ୍ୟ । କେହି କେବେ ବିଶ୍ୱାସ କରିପାରିବ କି ପୋଲିସ ମନ୍ତ୍ରୀଙ୍କ ସହିତ କୌଣସି ପୋଲିସ ନଥିଲେ ? ' ଅଧୀର ରଞ୍ଜନଙ୍କ ଏହି ବୟାନ ଉପରେ ଟିଏମସି ତରଫରୁ କୌଣସି ପ୍ରତିକ୍ରିୟା ମିଳିପାରିନାହିଁ ।
ଅନ୍ୟପକ୍ଷରେ, ତାଙ୍କ ଉପରେ ହୋଇଥିବା ଆକ୍ରମଣ ସମ୍ପର୍କରେ ସିଏମ୍ ମମତା ବାନାର୍ଜୀ କହିଛନ୍ତି, 'ଯେତେବେଳେ ସେ ନନ୍ଦିଗ୍ରାମରେ ତାଙ୍କ କାର ନିକଟରେ ଥିଲେ ସେତେବେଳେ ତାଙ୍କୁ କିଛି ଲୋକ ଠେଲି ଦେଇଥିଲେ, ଫଳରେ ତାଙ୍କ ଗୋଡରେ ଆଘାତ ଲାଗିଥିଲା । 4-5 ଲୋକ କାରକୁ ସଂପୂର୍ଣ୍ଣ ଅଟକାଇଲେ । ସେ ବହୁତ ଆଘାତ ପାଇଥିଲେ । ସ୍ଥାନୀୟ ପୋଲିସରୁ ସେଠାରେ କେହି ନଥିଲେ । ନିଶ୍ଚିତ ଭାବରେ ଏକ ଷଡଯନ୍ତ୍ର । ଏହା ଉଦ୍ଦେଶ୍ୟମୂଳକ ଭାବେ କରାଯାଇଛି। '
ସୂଚନାଯୋଗ୍ୟ, ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ନନ୍ଦିଗ୍ରାମରେ ଆଘାତ ପାଇବା ପରେ କୋଲକାତାର ଏସଏସକେଏମ୍ ହସ୍ପିଟାଲରେ ଭର୍ତ୍ତି କରାଯାଇଥିଲା । ରାଜ୍ୟପାଳ ଜଗଦୀପ ଧନଖଡ଼ ତାଙ୍କୁ ଭେଟିବା ପାଇଁ ଡାକ୍ତରଖାନାକୁ ଯାଇଥିଲେ ।
Click it and Unblock the Notifications
Sign in with Google