ଉତ୍ତରପ୍ରଦେଶରେ ପ୍ରଥମ ଥର ପାଇଁ ଇଭିଏମ୍ ସହିତ ବ୍ୟବହୃତ ହେବ VVPAT, କିଏ ଭୋଟ୍ ପାଇଲେ ଦେଖିପାରିବେ ମତଦାତା
ନିର୍ବାଚନ ସମୟରେ ରାଜନୈତିକ ଦଳଗୁଡିକ ଯେପରି ଇଲେକ୍ଟ୍ରୋନିକ୍ ଭୋଟିଂ ମେସିନ୍ ଉପରେ ପ୍ରଶ୍ନ ଉଠାନ୍ତି, ଏଥିରେ ବିରାମ ଲଗାଇବାକୁ ନିର୍ବାଚନ ଆୟୋଗ ଏଥର VVPAT ବ୍ୟବହାର କରିବାକୁ ନିଷ୍ପତ୍ତି ନେଇଛନ୍ତି ।
ଆଗ୍ରା : ନିର୍ବାଚନ ସମୟରେ ରାଜନୈତିକ ଦଳଗୁଡିକ ଯେପରି ଇଲେକ୍ଟ୍ରୋନିକ୍ ଭୋଟିଂ ମେସିନ୍ ଉପରେ ପ୍ରଶ୍ନ ଉଠାନ୍ତି, ଏଥିରେ ବିରାମ ଲଗାଇବାକୁ ନିର୍ବାଚନ ଆୟୋଗ ଏଥର VVPAT ବ୍ୟବହାର କରିବାକୁ ନିଷ୍ପତ୍ତି ନେଇଛନ୍ତି । ଏହି ସମସ୍ତ ବିବାଦର ଅନ୍ତ ଘଟାଇବା ପାଇଁ ଆସନ୍ତା ବିଧାନସଭା ନିର୍ବାଚନରେ ଇଭିଏମ୍ ସହିତ ଭୋଟର ଭେରିଫାଏବଲ୍ ପେପର ଅଡିଟ୍ ଟ୍ରେଲ୍ ମେସିନ୍ ବ୍ୟବହାର କରାଯିବ । ଏହା ପ୍ରଥମ ଥର ହେବ ଉତ୍ତରପ୍ରଦେଶର ସମସ୍ତ ମତଦାନ ବୁଥରେ VVPAT ମେସିନ୍ ବ୍ୟବହାର ହେବ । ନିର୍ବାଚନ ଆୟୋଗର ଜଣେ ଅଧିକାରୀ କହିଛନ୍ତି ଯେ ଏହି ପଦକ୍ଷେପ ମାଧ୍ୟମରେ ଭୋଟରମାନେ ସେମାନଙ୍କ ଭୋଟ୍ ନିଜ ପସନ୍ଦର ପ୍ରାର୍ଥୀଙ୍କ ନିକଟକୁ ଯାଇଥିବାର ନିଶ୍ଚିତ କରିପାରିବେ ।
ନିର୍ବାଚନ ଆୟୋଗର ନିର୍ଦ୍ଦେଶ ଅନୁଯାୟୀ ଗୋଆ, ମଣିପୁର, ପଞ୍ଜାବ, ଉତ୍ତରାଖଣ୍ଡ ବିଧାନସଭା ନିର୍ବାଚନରେ ସମସ୍ତ ଇଭିଏମ୍ ମେସିନ୍ ଭିଭିପାଟ୍ ସହିତ ସଂଯୁକ୍ତ ହେବ । ଆଗ୍ରା ଡିଏମ୍ ପ୍ରଭୁ ଏନ ସିଂ କହିଛନ୍ତି ଯେ ଏହି ପଦକ୍ଷେପ ନିର୍ବାଚନରେ ଇଭିଏମ୍ ଉପରେ ଭୋଟରଙ୍କ ବିଶ୍ୱାସକୁ ଆହୁରି ବଢିବ ।
ଉତ୍ତରପ୍ରଦେଶ ନିର୍ବାଚନରେ ଥାର୍ଡ ଜେନେରେସନର ଏମ- 3 ଇଭିଏମ୍ ମେସିନ୍ ବ୍ୟବହାର କରାଯିବ ବୋଲି ଅଧିକାରୀମାନେ କହିଛନ୍ତି । ଯଦି କେହି ଏହା ସହ କେହି କୌଣସ ପ୍ରକାର ବେଆଇନ କାମ କରନ୍ତି ତେବେ ଏହି ମେସିନ୍ ସ୍ୱୟଂଚାଳିତ ଭାବରେ କାର୍ଯ୍ୟ କରିବା ବନ୍ଦ କରିବ । ଇଭିଏମ୍ ଗୁଡିକରେ କାଗଜ ସନ୍ନିବେଶ କାର୍ଯ୍ୟ ରବିବାର ଦିନ ଶେଷ ହୋଇଛି । ଉତ୍ତରପ୍ରଦେଶରେ, ପ୍ରଥମ ପର୍ଯ୍ୟାୟରେ, ଫେବୃଆରୀ 10 ରେ, 58 ଟି ବିଧାନସଭା ଆସନ ପଶ୍ଚିମ ଉତ୍ତରପ୍ରଦେଶର 11 ଟି ଜିଲ୍ଲାରେ ମତଦାନ ହେବ । ଯାହାର ଫଳାଫଳ ମାର୍ଚ୍ଚ 10 ରେ ପ୍ରକାଶ ପାଇବ ।
Click it and Unblock the Notifications
Sign in with Google