MKCG ଏବଂ VIMSAR ର ଛାତ୍ର ଗୋଷ୍ଠୀ ମୁହାଁମୁହିଁ, ୟୁଫୋରିଆ ବେଳେ ଅଘଟଣ

Published: Tuesday, July 4, 2023, 19:32 [IST]

ବ୍ରହ୍ମପୁର: ଦୁଇ ମେଡିକାଲ ଛାତ୍ର ଗୋଷ୍ଠୀ ମୁହାଁମୁହିଁ । ମଙ୍ଗଳବାର ଦିନ ସମ୍ବଲପୁର ବୁର୍ଲାସ୍ଥିତ VIMSAR ଠାରେ ଚାଲିଥିବା ଆନ୍ତ କଲେଜ ମେଡିକାଲ ଫେଷ୍ଟିଭାଲ 'ୟୁଫୋରିଆ' ରେ ଦୁଇ ଗୋଷ୍ଠୀ ମଧ୍ୟରେ ହିଂସାକାଣ୍ଡ ହୋଇଛି । ଏଥିରେ ନଅ ଜଣ ମେଡିକାଲ ଛାତ୍ରଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ଜଣାଯାଇଛି ।

ଅଭିଯୋଗ ହୋଇଛି ଯେ ବ୍ରହ୍ମପୁର VIMSAR ଛାତ୍ର ମାନେ MKCG ମେଡିକାଲ କଲେଜ ଏବଂ ହସ୍ପିଟାଲର ଛାତ୍ରମାନଙ୍କ ବସ୍‌କୁ ପଥର ଫିଙ୍ଗିଥିଲେ । ବସ୍ ବାହାରୁ ତାଲା ପକାଇ ଅଗ୍ନି ନିର୍ବାପକ ଯନ୍ତ୍ର ମଧ୍ୟ ବ୍ୟବହାର କରିଥିଲେ । ଏହି ଘଟଣାରେ କିଛି ଦୃଶ୍ୟ ଟ୍ୱିଟରରେ ଭାଇରାଲ ହେବାରେ ଲାଗିଛି ।

VIMSAR ଛାତ୍ରମାନେ କହିଛନ୍ତି ଯେ ସେମାନଙ୍କ ମଧ୍ୟରେ କୌଣସି ସମସ୍ୟା ନାହିଁ ଏବଂ ଏହା ବ୍ରହ୍ମପୁରରୁ ଦଳକୁ ସ୍ୱାଗତ କରିବାର ଉପାୟ ।

ପୋଲିସ ସୂତ୍ରରୁ ଜଣା ପଡ଼ିଛି ଯେ ଏ ଘଟଣା ସମ୍ପର୍କରେ ସେମାନଙ୍କ ନିକଟରେ କୌଣସି ସୂଚନା ନାହିଁ । 3 ଜଣ ଛାତ୍ର ଆହତ ହୋଇଥିବା ବିଷୟରେ ତାଙ୍କ ପାଖରେ ସୂଚନା ଥିବା ଦର୍ଶାଇ ମେଡିକାଲ କଲେଜର ଡିନ୍ କହିଛନ୍ତି ଯେ ସେ ଏହି ଘଟଣାର ଅନୁସନ୍ଧାନ କରୁଛନ୍ତି ।

Published On July 4, 2023