ଚାରିଧାମ ଯାତ୍ରା : ହାଇକୋର୍ଟଙ୍କ ନିଷ୍ପତ୍ତି ପରେ ଚାରିଧାମ ଯାତ୍ରାକୁ ସ୍ଥଗିତ କଲେ ଉତ୍ତରାଖଣ୍ଡ ସରକାର
ଉତ୍ତରାଖଣ୍ଡ ହାଇକୋର୍ଟଙ୍କ ନିଷ୍ପତ୍ତି ପରେ ରାଜ୍ୟ ସରକାର ତୁରନ୍ତ ଚାରିଧାମ ଯାତ୍ରାକୁ ସ୍ଥଗିତ ରଖିଛନ୍ତି । ଚାରିଧାମର ଯାତ୍ରା ବନ୍ଦ କରିବା ପାଇଁ ଉତ୍ତରପ୍ରଦେଶ ସରକାର ମଧ୍ୟ ଏକ ନୂତନ ଗାଇଡଲାଇନ ଜାରି କରିଛନ୍ତି ।
ଦେହରାଡୁନ୍ : ଉତ୍ତରାଖଣ୍ଡ ହାଇକୋର୍ଟଙ୍କ ନିଷ୍ପତ୍ତି ପରେ ରାଜ୍ୟ ସରକାର ତୁରନ୍ତ ଚାରିଧାମ ଯାତ୍ରାକୁ ସ୍ଥଗିତ ରଖିଛନ୍ତି । ଚାରିଧାମର ଯାତ୍ରା ବନ୍ଦ କରିବା ପାଇଁ ଉତ୍ତରପ୍ରଦେଶ ସରକାର ମଧ୍ୟ ଏକ ନୂତନ ଗାଇଡଲାଇନ ଜାରି କରିଛନ୍ତି । ଉତ୍ତରାଖଣ୍ଡ ହାଇକୋର୍ଟ ଚାରିଧାମ ଯାତ୍ରା ଉପରେ ପ୍ରତିବନ୍ଧକ ଲଗାଇଛନ୍ତି । ଏହି ମାମଲାର ପରବର୍ତ୍ତୀ ଶୁଣାଣି ଜୁଲାଇ 7 ରେ ହେବ । ରାଜ୍ୟ ହାଇକୋର୍ଟଙ୍କ ଆଦେଶକୁ ଅନୁସରଣ କରି ବିଳମ୍ବିତ ରାତିରେ ଏହି ନିଷ୍ପତ୍ତିକୁ ନେବା ସହ ଉତ୍ତରାଖଣ୍ଡ ସରକାର ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ଚରିଧାମ ଯାତ୍ରାକୁ ସ୍ଥଗିତ ରଖିଛନ୍ତି । ଜୁଲାଇ ପହିଲାରୁ ଆରମ୍ଭ ହେବାକୁ ଥିବା ପ୍ରସ୍ତାବିତ ଯାତ୍ରା ବାତିଲ କରାଯାଇଛି । ଚାରିଧାମ ମନ୍ଦିରଗୁଡିକର ଲାଇଭ୍ ଷ୍ଟ୍ରିମିଂ ପାଇଁ ମଧ୍ୟ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି ।
ରାଜ୍ୟ ସରକାରଙ୍କ ପୂର୍ବ ନିର୍ଦ୍ଦେଶ ଅନୁଯାୟୀ କୋଭିଡ୍ ଗାଇଡଲାଇନ୍ ପାଳନ କରି ଚାରିଧାମ ଯାତ୍ରା ପ୍ରଥମ ପର୍ଯ୍ୟାୟ ଜୁଲାଇ ପହିଲାରୁ ଏବଂ ଦ୍ୱିତୀୟ ପର୍ଯ୍ୟାୟ ଜୁଲାଇ 11 ରୁ ଆରମ୍ଭ ହେବାର ଥିଲା । ଏଥିପାଇଁ ରାଜ୍ୟ ସରକାର କୋଭିଡ ନେଗେଟିଭ୍ ରିପୋର୍ଟକୁ ବାଧ୍ୟତାମୂଳକ କରିଥିଲେ । ବର୍ତ୍ତମାନ ହାଇକୋର୍ଟଙ୍କ ନିର୍ଦ୍ଦେଶ ପରେ ଜୁଲାଇ 1 ରୁ ଅନୁଷ୍ଠିତ ହେବାକୁ ଥିବା ଚାରିଧାମ ଯାତ୍ରା ବନ୍ଦ କରାଯାଇଛି ।
ହାଇକୋର୍ଟରେ ଏକ ପିଟିସନ ଦାଖଲ କରିଥିଲେ ଉତ୍ତରାଖଣ୍ଡ ସରକାର
ସୀମିତ ସଂଖ୍ୟକ ତୀର୍ଥଯାତ୍ରୀଙ୍କ ସହ ଚାରିଧାମ ଯାତ୍ରା କରିବାକୁ ଅନୁମତି ପାଇଁ ଉତ୍ତରପ୍ରଦେଶ ସରକାର ହାଇକୋର୍ଟରେ ଆବେଦନ କରିଥିଲେ । ସରକାର ତାଙ୍କ ଆବେଦନରେ କହିଥିଲେ, କୋଭିଡ -19 ନକାରାତ୍ମକ ରିପୋର୍ଟ ସହିତ ସୀମିତ ସଂଖ୍ୟକ ତୀର୍ଥଯାତ୍ରୀ ସହ ଚାରିଧାମ ଯାତ୍ରା କରିବାକୁ ଅନୁମତି ଚାହୁଁଛୁ । କିନ୍ତୁ ଏହି ମାମଲାର ଶୁଣାଣି ବେଳେ ହାଇକୋର୍ଟ ସରକାରଙ୍କ ଆବେଦନକୁ ଖାରଜ କରିବା ସହ ଚାରିଧାମ ତୀର୍ଥଯାତ୍ରା ଉପରେ ପ୍ରତିବନ୍ଧକ ଲଗାଇଛନ୍ତି । ଏହା ପରେ ରାଜ୍ୟ ସରକାର ଏକ ନୂତନ ଗାଇଡଲାଇନ ଜାରି କରି କହିଛନ୍ତି ଯେ ହାଇକୋର୍ଟଙ୍କ ନିଷ୍ପତ୍ତିକୁ ଧ୍ୟାନରେ ରଖି ଆମେ ଚାରିଧାମ ଯାତ୍ରାକୁ ରାଜ୍ୟରେ ସ୍ଥଗିତ ରଖିଛୁ ।
Click it and Unblock the Notifications
Sign in with Google