ଉତ୍ତରାଖଣ୍ଡ : ତ୍ରିବେନ୍ଦ୍ର ସରକାରଙ୍କ ନିଷ୍ପତ୍ତିକୁ ବଦଳାଇବେ ଧାମୀ ସରକାର, ପ୍ରତ୍ୟାହାର ହେବ ଚାରିଧାମ ଦେବସ୍ଥାନମ୍ ବୋର୍ଡ ବିଲ୍

ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଆଜି ଅର୍ଥାତ୍ ମଙ୍ଗଳବାର ଦିନ ଚାରିଧାମ ଦେବସ୍ଥାନମ୍ ପରିଚାଳନା ବୋର୍ଡ ବିଲ୍ ପ୍ରତ୍ୟାହାର କରିବା ନେଇ ଏକ ବଡ଼ ଘୋଷଣା କରିଛନ୍ତି ।

ଦେହରାଡୁନ୍ : ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ଆଜି ଅର୍ଥାତ୍ ମଙ୍ଗଳବାର ଦିନ ଚାରିଧାମ ଦେବସ୍ଥାନମ୍ ପରିଚାଳନା ବୋର୍ଡ ବିଲ୍ ପ୍ରତ୍ୟାହାର କରିବା ନେଇ ଏକ ବଡ଼ ଘୋଷଣା କରିଛନ୍ତି ।

ଶ୍ରାଇନ୍ ବୋର୍ଡ ଆଧାରରେ ଚାରିଧାମ ଦେବସ୍ଥାନମ୍ ବୋର୍ଡ ଗଠନ ପାଇଁ ପୂର୍ବତନ ମୁଖ୍ୟମନ୍ତ୍ରୀ ତ୍ରିବେନ୍ଦ୍ର ସିଂହ ରାୱତଙ୍କ ଦ୍ୱାରା 2019 ମସିହାରେ ନିଷ୍ପତ୍ତି ନିଆଯାଇଥିଲା, ଯାହା ବର୍ତ୍ତମାନ ଧାମୀ ସରକାରଙ୍କ ଦ୍ୱାରା ପ୍ରତ୍ୟାହାର କରାଯିବ । ତୀର୍ଥ ପୁରୋହିତଙ୍କ ବିରୋଧ ସତ୍ତ୍ୱେ ତ୍ରିବେନ୍ଦ୍ର ସରକାର ଗୃହରୁ ଏକ ବିଲ୍ ପାସ୍ କରି ଏହି ଆଇନ ପ୍ରଣୟନ କରିଥିଲେ ।

Our government has taken a decision to take back the Char Dham Devasthanam Management Board Bill: Uttarakhand CM Pushkar Singh Dhami pic.twitter.com/Xe0TgEz0iL

— ANI (@ANI) November 30, 2021

ବର୍ତ୍ତମାନ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମୀ ନିଜ ଦଳର ସରକାରଙ୍କ ଏହି ନିଷ୍ପତ୍ତିକୁ ପ୍ରତ୍ୟାହାର କରିଛନ୍ତି । ଯେତେବେଳେ ତ୍ରିବେନ୍ଦ୍ର ସରକାର ଚାରିଧାମ ଦେବସ୍ଥାନମ୍ ବୋର୍ଡ ଗଠନ କରିବାକୁ ନିଷ୍ପତ୍ତି ନେଲେ, ସେତେବେଳେ ତାଙ୍କୁ ଚାରିଧାମ ତୀର୍ଥ ପୁରୋହିତ ଏବଂ ଧାର୍ମିକ ଆନ୍ଦୋଳନର ସାମ୍ନା କରିବାକୁ ପଡିଲା, କିନ୍ତୁ ପୂର୍ବତନ ସିଏମ୍ ରାୱତ ତାଙ୍କ ନିଷ୍ପତ୍ତିରେ ଦୃଢ ଭାବରେ ଠିଆ ହୋଇଥିଲେ । ତ୍ରିବେନ୍ଦ୍ର ସରକାରଙ୍କ ଅନୁଯାୟୀ ଚାରିଧାମ ଦେବସ୍ଥାନମ୍ ବୋର୍ଡ ଗଠନ ହେବା ସହିତ ବଦ୍ରିନାଥ, କେଦାରନାଥ, ଗାଙ୍ଗୋତ୍ରୀ, ଯମୁନୋତ୍ରୀ ଧାମ ସମେତ 51 ଟି ମନ୍ଦିର ତୀର୍ଥଯାତ୍ରୀଙ୍କ ପାଇଁ ଭିତ୍ତିଭୂମି ବିକାଶ ହେବ ।

English summary

Uttarakhand Dhami Government Decided To take back the Char Dham Devasthanam Management Board Bill