ଉପହାର ସିନେମା ହଲ ଅଗ୍ନିକାଣ୍ଡ : ଅଂସଲ ବ୍ରଦର୍ସଙ୍କୁ 7 ବର୍ଷ ଜେଲ ଦଣ୍ଡ, ଦୁର୍ଘଟଣାରେ ପ୍ରାଣ ହରାଇଥିଲେ 59 ଜଣ
1997 ମସିହା ଉପହାର ସିନେମା ହଲ ଅଗ୍ନିକାଣ୍ଡ ମାମଲାରେ ଦିଲ୍ଲୀର ଏକ ସ୍ୱତନ୍ତ୍ର କୋର୍ଟ ଏକ ବଡ଼ ରାୟ ଦେଇଛନ୍ତି । ପ୍ରମାଣ ନଷ୍ଟ କରିଥିବା ଅଭିଯୋଗରେ ରିଅଲ୍ ଇଷ୍ଟେଟ୍ ବ୍ୟବସାୟୀ ଗୋପାଳ ଅଂସଲ ଏବଂ ସୁଶୀଲ ଅଂସଲଙ୍କୁ 7 ବର୍ଷ ଜେଲ ଦଣ୍ଡାଦେଶ ହୋଇଛି ।
ନୂଆଦିଲ୍ଲୀ : 1997 ମସିହା ଉପହାର ସିନେମା ହଲ ଅଗ୍ନିକାଣ୍ଡ ମାମଲାରେ ଦିଲ୍ଲୀର ଏକ ସ୍ୱତନ୍ତ୍ର କୋର୍ଟ ଏକ ବଡ଼ ରାୟ ଦେଇଛନ୍ତି । ପ୍ରମାଣ ନଷ୍ଟ କରିଥିବା ଅଭିଯୋଗରେ ରିଅଲ୍ ଇଷ୍ଟେଟ୍ ବ୍ୟବସାୟୀ ଗୋପାଳ ଅଂସଲ ଏବଂ ସୁଶୀଲ ଅଂସଲଙ୍କୁ 7 ବର୍ଷ ଜେଲ ଦଣ୍ଡାଦେଶ ହୋଇଛି । ପ୍ରମାଣ ନଷ୍ଟ କରିଥିବା ନେଇ କୋର୍ଟ ଉଭୟଙ୍କୁ ଦୋଷୀ ସାବ୍ୟସ୍ତ କରିଛନ୍ତି । ଏଥିସହ ଅଂସଲ ବ୍ରଦର୍ସଙ୍କ ଉପରେ କୋର୍ଟ 2.25 କୋଟି ଟଙ୍କା ଲେଖାଏଁ ଜରିମାନା କରିଛନ୍ତି ।
କେବଳ ଏହି ଦୁଇ ଜଣଙ୍କୁ ନୁହେଁ ଘଟଣାରେ ସମ୍ପୃକ୍ତ ଅନ୍ୟ 3 ଜଣଙ୍କୁ ମଧ୍ୟ ପୋଲିସ ଗିରଫ କରିଛି । କୋର୍ଟର ପୂର୍ବ କର୍ମଚାରୀ ଦିନେଶ ଚନ୍ଦ୍ର ଶର୍ମା ଏବଂ ଅନ୍ୟ ଦୁଇଜଣ ଅଭିଯୁକ୍ତ ପିପି ବତ୍ରା ଓ ଅନୁପ ସିଂଙ୍କୁ 3 ଲକ୍ଷ ଲେଖାଏଁ ଜେରିମାନା ସହ 7 ବର୍ଷର କାରାଦଣ୍ଡ ଶୁଣାଇଛି ।
ସୂଚନାଯୋଗ୍ୟ, ଏହି ମାମଲା 1997 ମସିହାର । ଦିଲ୍ଲୀର ଗ୍ରୀନ୍ ପାର୍କ ଅଞ୍ଚଳରେ ଅବସ୍ଥିତ ଉପହାର ସିନେମା ହଲରେ 13 ଜୁନ୍ 1997 ରେ ବର୍ଡର ଫିଲ୍ମର ସ୍କ୍ରିନିଂ ସମୟରେ ନିଆଁ ଲାଗିଯାଇଥିଲା । ଏହି ଦୁର୍ଘଟଣାରେ 59 ଜଣ ପ୍ରାଣ ହରାଇଥିଲେ । ଉକ୍ତ ମାମଲାରେ ପ୍ରମାଣ ନଷ୍ଟ କରି ଅଂସଲ ବ୍ରଦର୍ସ ଦୋଷୀ ସାବ୍ୟସ୍ତ ହୋଇଛନ୍ତି ।
Click it and Unblock the Notifications
Sign in with Google