UP BUDGET 2021 : ମାଗଣା ଜଳ, ଶସ୍ତା ଋଣ ସହ ଜାଣନ୍ତୁ ଚାଷୀଙ୍କ ପାଇଁ ବଜେଟରେ କ'ଣ ଅଛି ସ୍ୱତନ୍ତ୍ର ପ୍ୟାକେଜ୍ ?
2021-22 ଆର୍ଥିକ ବର୍ଷରେ ରାଜ୍ୟର ଚାଷୀଙ୍କୁ ମାଗଣା ଜଳ ସୁବିଧା ଯୋଗାଇବା ପାଇଁ 700 କୋଟି ଟଙ୍କାର ବ୍ୟବସ୍ଥା କରାଯାଇଛି । ସେ ଆହୁରି ମଧ୍ୟ କହିଛନ୍ତି, ରାଜ୍ୟ କୃଷକଙ୍କ ଆୟ ଦ୍ୱିଗୁଣିତ କରିବାକୁ ରାଜ୍ୟ ସରକାର ପ୍ରତିବଦ୍ଧ ।
ଲକ୍ଷ୍ନୌ : ଯୋଗୀ ସରକାର ଚଳିତ ସରକାର କାର୍ଯ୍ୟକାଳର ଶେଷ ବଜେଟ୍ ଉପସ୍ଥାପନ କରିଛନ୍ତି । ଅର୍ଥମନ୍ତ୍ରୀ ସୁରେଶ ଖାନ୍ନା ଉତ୍ତରପ୍ରଦେଶ ଇତିହାସରେ 5ଲକ୍ଷ 50ହଜାକ କୋଟି ଟଙ୍କାର ସର୍ବ ବୃହତ ବଜେଟ୍ ଉପସ୍ଥାପନ କରୁଥିବାବେଳେ କୃଷକମାନଙ୍କୁ ଶସ୍ତା ଋଣ ପାଇଁ 400 କୋଟି ଟଙ୍କା ପ୍ରଦାନ କରିବାକୁ ଘୋଷଣା କରିଛନ୍ତି । କୃଷକମାନଙ୍କୁ ମାଗଣା ଜଳ ସୁବିଧା ପାଇଁ 700 କୋଟି ଟଙ୍କା ଆବଣ୍ଟନ କରାଯାଇଛି । ରାଜ୍ୟରେ ଅଧିକ ଉତ୍ପାଦନକାରୀ ଫସଲ ଚିହ୍ନଟ ହେବ ଏବଂ ବ୍ଲକ ସ୍ତରରେ କୃଷକ ଉତ୍ପାଦନ ସଂଗଠନ ପ୍ରତିଷ୍ଠା କରାଯିବ ବୋଲି ଅର୍ଥମନ୍ତ୍ରୀ ସୁରେଶ ଖାନ୍ନା କହିଛନ୍ତି । ଏଥିପାଇଁ ବଜେଟରେ 100 କୋଟି ଟଙ୍କା ଆବଣ୍ଟନ ପ୍ରସ୍ତାବ ଦିଆଯାଇଛି ।
ମୁଖ୍ୟମନ୍ତ୍ରୀ ଯୋଗୀଙ୍କ ଉପସ୍ଥିତିରେ ଉପସ୍ଥାପିତ ହୋଇଛି ଉତ୍ତରପ୍ରଦେଶ ବଜେଟ୍
ଉତ୍ତରପ୍ରଦେଶ ସରକାର ସୋମବାର ଉତ୍ତରପ୍ରଦେଶ ବିଧାନସଭାରେ ପ୍ରଥମ ପେପରଲେସ୍ ବଜେଟ୍ ଉପସ୍ଥାପନ କରିଛନ୍ତି । ଆର୍ଥିକ ବର୍ଷ 2021-22 ପାଇଁ ବଜେଟକୁ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ଉପସ୍ଥିତିରେ ରାଜ୍ୟ ଅର୍ଥମନ୍ତ୍ରୀ ସୁରେଶ ଖାନ୍ନା ଉପସ୍ଥାପନ କରିଛନ୍ତି । ଅର୍ଥମନ୍ତ୍ରୀ କହିଛନ୍ତି ଯେ ଉତ୍ତରପ୍ରଦେଶକୁ 'ଆତ୍ମନିର୍ଭରଶୀଳ' ତଥା ସର୍ବାଙ୍ଗୀନ ବିକାଶ କରିବା ସରକାରଙ୍କ ଲକ୍ଷ୍ୟ । ଆଗାମୀ ବର୍ଷର ବିଧାନସଭା ନିର୍ବାଚନ ପୂର୍ବରୁ ଯୋଗୀ ଆଦିତ୍ୟନାଥ ସରକାରଙ୍କ କାର୍ଯ୍ୟକାଳର ଏହା ହେଉଛି ପଞ୍ଚମ ତଥା ଶେଷ ବଜେଟ୍ । 5 ଲକ୍ଷ 50 ହଜାର 270 କୋଟି 78 ଲକ୍ଷ ଟଙ୍କାର ଆର୍ଥିକ ବର୍ଷ 2021-22 ପାଇଁ ବଜେଟ୍ ଉତ୍ତରପ୍ରଦେଶର ସାମଗ୍ରିକ ବିକାଶକୁ ସୁନିଶ୍ଚିତ କରିବା ଏବଂ ରାଜ୍ୟର ଅର୍ଥନୀତିକୁ 1 ଟ୍ରିଲିୟନ ଡଲାର ଅର୍ଥନୀତି କରିବା ପାଇଁ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ ବୋଲି କୁହାଯାଇଛି ।
କୃଷକମାନଙ୍କ ପାଇଁ ବଜେଟରେ କ'ଣ ଅଛି ?
ଅର୍ଥମନ୍ତ୍ରୀ ସୁରେଶ ଖାନ୍ନା କହିଛନ୍ତି ଯେ 2021-22 ଆର୍ଥିକ ବର୍ଷରେ ରାଜ୍ୟର ଚାଷୀଙ୍କୁ ମାଗଣା ଜଳ ସୁବିଧା ଯୋଗାଇବା ପାଇଁ 700 କୋଟି ଟଙ୍କାର ବ୍ୟବସ୍ଥା କରାଯାଇଛି । ସେ ଆହୁରି ମଧ୍ୟ କହିଛନ୍ତି, ରାଜ୍ୟ କୃଷକଙ୍କ ଆୟ ଦ୍ୱିଗୁଣିତ କରିବାକୁ ରାଜ୍ୟ ସରକାର ପ୍ରତିବଦ୍ଧ । ଏହି କ୍ରମରେ 'ଆତ୍ମନିର୍ଭରଶୀଳ କୃଷକ ସମନ୍ୱିତ ବିକାଶ ଯୋଜନା' 2021-22 ଆର୍ଥିକ ବର୍ଷରୁ କାର୍ଯ୍ୟକାରୀ ହେବ । ଏହି ଯୋଜନା କାର୍ଯ୍ୟକାରୀ ପାଇଁ 100 କୋଟି ଟଙ୍କାର ବ୍ୟୟବରାଦ କରାଯାଇଛି । କୃଷକମାନଙ୍କୁ ରିହାତି ମୂଲ୍ୟରେ ଚାଷ ଋଣ ଯୋଗାଇବା ପାଇଁ 400 କୋଟି ଟଙ୍କା ପ୍ରସ୍ତାବ ଦିଆଯାଇଛି ବୋଲି ଉତ୍ତରପ୍ରଦେଶ ଅର୍ଥମନ୍ତ୍ରୀ ବଜେଟ୍ ଉପସ୍ଥାପନ ସମୟରେ ଘୋଷଣା କରିଛନ୍ତି ।
UP Budget : ନବୀନଙ୍କ ରାସ୍ତାରେ ଯୋଗୀ, ମହିଳା ସଶକ୍ତିକରଣ ପାଇଁ ଉତ୍ତରପ୍ରଦେଶ ବଜେଟରେ ସ୍ୱତନ୍ତ୍ର ପ୍ୟାକେଜ୍