"ମୋ ଭିତରେ ଏକ ଚିପ୍ ଅଛି, କେହି ଜଣେ ମୋତେ ରିମୋଟରେ ନିୟନ୍ତ୍ରଣ କରୁଛି", NSA ଅଜିତ ଡୋଭାଲଙ୍କ ଘରେ ପ୍ରବେଶ କଲା ଅଜ୍ଞାତ ବ୍ୟକ୍ତି

ଦେଶର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ଘରେ ଜଣେ ଅଜ୍ଞାତ ବ୍ୟକ୍ତି ପ୍ରବେଶ କରିବାକୁ ଚେଷ୍ଟା କରିଥିଲେ । କିନ୍ତୁ ସେଠାରେ ନିୟୋଜିତ ସୁରକ୍ଷା କର୍ମୀମାନେ ତାଙ୍କୁ ଦେଖି ଅଟକାଇ ଥିଲେ ।

ନୂଆଦିଲ୍ଲୀ : ଦେଶର ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ଘରେ ଜଣେ ଅଜ୍ଞାତ ବ୍ୟକ୍ତି ପ୍ରବେଶ କରିବାକୁ ଚେଷ୍ଟା କରିଥିଲେ । କିନ୍ତୁ ସେଠାରେ ନିୟୋଜିତ ସୁରକ୍ଷା କର୍ମୀମାନେ ତାଙ୍କୁ ଦେଖି ଅଟକାଇ ଥିଲେ । ଏହା ପରେ ତାଙ୍କୁ ଗିରଫ କରାଯାଇ ଦିଲ୍ଲୀ ପୋଲିସକୁ ହସ୍ତାନ୍ତର କରାଯାଇଥିଲା । ଦିଲ୍ଲୀ ପୋଲିସ ଟିମ୍ ସନ୍ଦିଗ୍ଧଙ୍କୁ ପଚରାଉଚରା କରୁଛି । ପ୍ରାଥମିକ ଅନୁସନ୍ଧାନରେ ସନ୍ଦିଗ୍ଧ ମାନସିକ ସ୍ତରରେ ଅସୁସ୍ଥ ଥିବା ଜଣାପଡିଛି, କିନ୍ତୁ ପୋଲିସ ଘଟଣାର ତଦନ୍ତ କରୁଛି ।

ସୂଚନାନୁସାରେ, ସନ୍ଦିଗ୍ଧ ଏନଏସଏ ନିବାସରେ ପ୍ରବେଶ କରିବାକୁ ଚେଷ୍ଟା କରୁଥିଲା, କିନ୍ତୁ ଯବାନମାନେ ତାଙ୍କୁ ଠିକ୍ ସମୟରେ ଦେଖିଥିଲେ । ଏହା ପରେ ତାଙ୍କୁ ତୁରନ୍ତ ଗିରଫ କରାଯାଇଥିଲା । ପୋଲିସ ଅଧିକାରୀଙ୍କ କହିବାନୁସାରେ, ବ୍ୟକ୍ତି ଜଣକ ନିଜେ ନିଜେ କଥା କହୁଥିଲେ । ସେ କହିଛନ୍ତି ଯେ ତାଙ୍କ ଶରୀରରେ ଏକ ଚିପ ରଖାଯାଇଛି ଏବଂ କେହି ଜଣେ ତାଙ୍କୁ ଦୂରରୁ ନିୟନ୍ତ୍ରଣ କରୁଛନ୍ତି । ଏହା ପରେ ତାଙ୍କୁ ନିରୀକ୍ଷଣ କରାଯାଇଥିଲା, କିନ୍ତୁ କୌଣସି ଚିପ ମିଳି ନଥିଲା ।

ଅଧିକ ପଚରାଉଚରା ବେଳେ ଜଣାପଡିଥିଲା ଯେ ଏହି ବ୍ୟକ୍ତି କର୍ଣ୍ଣାଟକର ରାଜଧାନୀ ବେଙ୍ଗାଲୁରୁର ବାସିନ୍ଦା । ଏହି ମାମଲା NSA ର ସୁରକ୍ଷା ସହିତ ଜଡିତ ଥିଲା, ଯେଉଁଥିପାଇଁ ତାଙ୍କୁ ତୁରନ୍ତ ଲୋଧୀ କଲୋନୀରେ ଅବସ୍ଥିତ ସ୍ପେଶାଲ ସେଲର କାର୍ଯ୍ୟାଳୟକୁ ନିଆଯାଇଥିଲା । ସେଠାରେ ଆଣ୍ଟି ଟେରର ୟୁନିଟ୍ ଏବଂ ସ୍ପେଶାଲ୍ ସେଲର ଅଧିକାରୀମାନେ ତାଙ୍କୁ ପଚରାଉଚରା କରୁଛନ୍ତି । ଏହା ସହିତ ତାଙ୍କର ପୃଷ୍ଠଭୂମି ମଧ୍ୟ ଅନୁସନ୍ଧାନ କରାଯାଉଛି ।

English summary

unknown person enter NSA Ajit Doval home- Delhi Police