ଅକ୍ଷୟ କୁମାରଙ୍କ ବିଜ୍ଞାପନ ସେୟାର କରି ଟ୍ରୋଲର ଶିକାର ହେଲେ ନିତିନ ଗଡକରୀ

ସୋଶାଲ ମିଡିଆରେ ଲୋକମାନେ ଏହି ବିଜ୍ଞାପନକୁ ନେଇ ଅନେକ ସମାଲୋଚନା କରିଛନ୍ତି । ଅନେକେ ଅଭିଯୋଗ କରିଛନ୍ତି ଯେ ଏହି ବିଜ୍ଞାପନ ଯୌତୁକ ପ୍ରଥାକୁ ପ୍ରୋତ୍ସାହିତ କରୁଛି, ଯାହା ଦେଶରେ ଦଣ୍ଡନୀୟ ଅପରାଧ ଅଟେ ।

ନୂଆଦିଲ୍ଲୀ : ହିନ୍ଦୀ ଚଳଚ୍ଚିତ୍ର ଅଭିନେତା ଅକ୍ଷୟ କୁମାର ନିକଟରେ ସଡକ ସୁରକ୍ଷା ଅଭିଯାନ ଏବଂ ସଡକ ଦୁର୍ଘଟଣାକୁ ଏଡାଇବା ପାଇଁ ଏକ ବିଜ୍ଞାପନରେ ନଜର ଆସିଥିଲେ । ସଡକ ପରିବହନ ଏବଂ ରାଜପଥ ମିଳିତ ସହଯୋଗରେ ଏହି ଭିଡିଓ ପ୍ରସ୍ତୁତ କରାଯାଇଛି । କେନ୍ଦ୍ର ମନ୍ତ୍ରୀ ନୀତିନ ଗଡକରୀ ମଧ୍ୟ ଏହି ଭିଡିଓକୁ ସୋଶାଲ ମିଡିଆରେ ଶୁକ୍ରବାର ସେୟାର କରିଛନ୍ତି । ଭିଡିଓରେ କାରରେ 6 ଟି ଏୟାରବ୍ୟାଗକୁ ପ୍ରୋତ୍ସାହିତ କରାଯାଇଛି । ତଥାପି, ବିଜ୍ଞାପନର କନସେପ୍ଟ କୁ ଲୋକମାନେ ପସନ୍ଦ କରି ନାହାଁନ୍ତି । ସଡ଼କ ସୁରକ୍ଷା ଅଭିଯାନର ଏହି ଭିଡିଓକୁ ସୋଶାଲ ମିଡିଆରେ ସମାଲୋଚନା କରାଯାଇଛି ।

ସୋଶାଲ ମିଡିଆରେ ଲୋକମାନେ ଏହି ବିଜ୍ଞାପନକୁ ନେଇ ଅନେକ ସମାଲୋଚନା କରିଛନ୍ତି । ଅନେକେ ଅଭିଯୋଗ କରିଛନ୍ତି ଯେ ଏହି ବିଜ୍ଞାପନ ଯୌତୁକ ପ୍ରଥାକୁ ପ୍ରୋତ୍ସାହିତ କରୁଛି, ଯାହା ଦେଶରେ ଦଣ୍ଡନୀୟ ଅପରାଧ ଅଟେ । ଭିଡିଓରେ ଜଣେ ପିତା ଝିଅର ବିଭାଘର ସମୟରେ ବିଦାୟରେ କାନ୍ଦୁଥିବା ଦେଖିବାକୁ ମିଳିଛି । ପୋଲିସ୍ ଭୂମିକାରେ ଅଭିନୟ କରୁଥିବା ଅକ୍ଷୟ କୁମାର ନବ ବିବାହିତ ଦମ୍ପତିଙ୍କୁ କେବଳ ଦୁଇଟି ଏୟାରବ୍ୟାଗ ସହିତ ଏକ କାରରେ ପଠାଉଥିବାରୁ କନ୍ୟା ପିତାଙ୍କୁ କଟାକ୍ଷ କରୁଛନ୍ତି ।

ବିଜ୍ଞାପନକୁ "ସମସ୍ୟାଜନିତ" ବୋଲି କହି ଶିବସେନା ନେତା ପ୍ରିୟଙ୍କା ଚତୁର୍ବେଦୀ ପ୍ରଶ୍ନ କରିଛନ୍ତି ଯେ ଏହିପରି କ୍ରିଏଟିଭ୍ କିଏ ପାସ୍ କରନ୍ତି, କେହି କିପରି ଏପରି କରିପାରିବେ ... ଯାହା ଯୌତୁକ ଏବଂ ଅପରାଧିକ କାର୍ଯ୍ୟକୁ ପ୍ରୋତ୍ସାହିତ କରୁଛି ।

ପ୍ରିୟଙ୍କା ଚତୁର୍ବେଦୀ ଟ୍ୱିଟ୍ କରି କହିଛନ୍ତି ଯେ ଏହା ଏକ ସମସ୍ୟାଜନିତ ବିଜ୍ଞାପନ । କିଏ ଏପରି ସଂଳାପ ପାସ୍ କରେ ? କାରର ସୁରକ୍ଷା ଦିଗକୁ ପ୍ରୋତ୍ସାହିତ କରିବା ସରକାର ଟଙ୍କା ଖର୍ଚ୍ଚ କରୁଛନ୍ତି ନା ଏହି ବିଜ୍ଞାପନ ମାଧ୍ୟମରେ ଯୌତୁକ ନିର୍ଯାତନାକୁ ପ୍ରୋତ୍ସାହିତ କରୁଛନ୍ତି ?

ସେହିପରି ଟିଏମସି ମୁଖପାତ୍ର ସାକେତ ଗୋଖଲେ କହିଛନ୍ତି, "ସରକାରୀ ଭାବେ ଯୌତୁକ ପ୍ରଥାକୁ ପ୍ରୋତ୍ସାହିତ କରିବା ପାଇଁ ଭାରତ ସରକାର କାମ କରୁଛନ୍ତି ।" ସଡକ ସୁରକ୍ଷା ବିଜ୍ଞାପନ ସାଇରସ୍ ମିସ୍ତ୍ରୀଙ୍କ ଏକ କାର ଦୁର୍ଘଟଣାରେ ମୃତ୍ୟୁ ପରେ ଆରମ୍ଭ କରାଯାଇଛି । ସାକେତ ଗୋଖଲେ ଅଭିଯୋଗ କରିଛନ୍ତି ଯେ ତ୍ରୁଟିପୂର୍ଣ୍ଣ ସଡକ ଡିଜାଇନ୍ ଯୋଗୁଁ ଏହି କାର ଦୁର୍ଘଟଣା ଘଟିଛି ଏବଂ ରାସ୍ତା ସଜାଡିବା ପରିବର୍ତ୍ତେ ସରକାର 6 ଏୟାରବ୍ୟାଗ ଉପରେ ଗୁରୁତ୍ୱ ଦେଇ ନିଜ ଦାୟିତ୍ୱରୁ ଦୂରେଇ ଯାଉଛନ୍ତି ।

ଅନ୍ୟ ଜଣେ ଉପଭୋକ୍ତା ଲେଖିଛନ୍ତି, "ଏହି ବିଜ୍ଞାପନ ଏକ ଗାତ ଅଟେ । ଏହି ପ୍ଲଟଟି ସମ୍ପୁର୍ଣ୍ଣ ଭାବରେ ହଜିଯାଇଛି । ଏହା ବିବାହ, କନ୍ୟା, ଯୌତୁକ ବିଷୟରେ ନା 6 ଏୟାରବ୍ୟାଗ କାର ପାଇଁ ... ଏହା କ'ଣ ? ଏହି ସରକାରୀ ବିଜ୍ଞାପନଗୁଡିକ କିପରି ଏପରି ପିଲାଳିଆମୀ ହୋଇପାରେ ଏବଂ ସେମାନେ ଅନ୍ୟ କୌଣସି ଉପାୟରେ ସୁରକ୍ଷା ବିଷୟରେ କହି ପାରୁ ନାହାଁନ୍ତି ।

ଅନ୍ୟ ଜଣେ ଲେଖିଛନ୍ତି ଯେ କେବଳ ଭାରତରେ ସରକାର କରଦାତାଙ୍କ ଟଙ୍କା ଖର୍ଚ୍ଚ କରି ବିଜ୍ଞାପନ ଅଭିଯାନରେ ଯୌତୁକ ଭଳି ଏକ ଦଣ୍ଡନୀୟ ଅପରାଧ ପ୍ରଚାର କରିବାରେ ଖର୍ଚ୍ଚ କରିପାରିବେ । ଏହା କେବଳ ଏଠାରେ ହୋଇପାରେ ।

6 एयरबैग वाले गाड़ी से सफर कर जिंदगी को सुरक्षित बनाएं।#राष्ट्रीय_सड़क_सुरक्षा_2022#National_Road_Safety_2022 @akshaykumar pic.twitter.com/5DAuahVIxE

— Nitin Gadkari (@nitin_gadkari) September 9, 2022

ଏହାପୂର୍ବରୁ ଶୁକ୍ରବାର ଦିନ ନିତିନ ଗଡକରୀ ଅକ୍ଷୟ କୁମାରଙ୍କୁ ଦେଶବ୍ୟାପୀ ଜାତୀୟ ସଡକ ସୁରକ୍ଷା ଅଭିଯାନରେ ସହାୟତା କରିଥିବାରୁ ଧନ୍ୟବାଦ ଜଣାଇ କହିଛନ୍ତି ଯେ ସଡକ ସୁରକ୍ଷା ପ୍ରସଙ୍ଗରେ ସଚେତନତା ସୃଷ୍ଟି କରିବାକୁ ତାଙ୍କର ଉଦ୍ୟମ ପ୍ରଶଂସନୀୟ । ସେ ଟ୍ୱିଟରରେ ଲେଖିଛନ୍ତି ଯେ ଆମେ ସଚେତନତା ତଥା ଜନସାଧାରଣଙ୍କ ଅଂଶଗ୍ରହଣ ମାଧ୍ୟମରେ ଭାରତରେ ସଡ଼କ ଦୁର୍ଘଟଣା ହ୍ରାସ କରିବାକୁ ପ୍ରତିଶ୍ରୁତିବଦ୍ଧ ।

English summary

Union minister Nitin Gadkari faces troll for sharing ad campaign of road safety with Akshay kumar