ରବି ଫସଲ ଏମଏସପିକୁ ମୋଦୀ କ୍ୟାବିନେଟରୁ ମିଳିଲା ଅନୁମୋଦନ, ଜାଣନ୍ତୁ ଫସଲର ସର୍ବନିମ୍ନ ସହାୟତା ମୂଲ୍ୟ
କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ 2023-24 ମାର୍କେଟିଂ ସିଜିନ୍ ପାଇଁ ସମସ୍ତ ରବି ଫସଲର ସର୍ବନିମ୍ନ ସହାୟତା ମୂଲ୍ୟ (ଏମଏସପି) ଅନୁମୋଦନ କରିଛି ।
ନୂଆଦିଲ୍ଲୀ : ରବି ଫସଲ ଏମଏସପି କୁ କେନ୍ଦ୍ର କ୍ୟାବିନେଟରୁ ଅନୁମୋଦନ ମିଳିଛି । ଫସଲର ସର୍ବନିମ୍ନ ସହାୟତା ମୂଲ୍ୟ ସମ୍ପର୍କରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ସୂଚନା ଦେଇଛନ୍ତି । ଏମଏସପିର ସବିଶେଷ ତଥ୍ୟ ଦେଇ ଅନୁରାଗ ଠାକୁର କହିଛନ୍ତି ଯେ ମାସୁର ଡାଲିର ଏମଏସପି କ୍ୱିଣ୍ଟାଲ ପିଛା 500 ଟଙ୍କା ବୃଦ୍ଧି କରାଯାଇଛି ।
କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ପ୍ରଧାନମନ୍ତ୍ରୀ ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ 2023-24 ମାର୍କେଟିଂ ସିଜିନ୍ ପାଇଁ ସମସ୍ତ ରବି ଫସଲର ସର୍ବନିମ୍ନ ସହାୟତା ମୂଲ୍ୟ (ଏମଏସପି) ଅନୁମୋଦନ କରିଛି । ସେ କହିଛନ୍ତି, ମସୁର ଡାଲି ଏମ୍ଏସପି କ୍ୱିଣ୍ଟାଲ ପିଛା ସର୍ବାଧିକ 500 ଟଙ୍କା ବୃଦ୍ଧି ହୋଇଛି । ମୂଲ୍ୟ ବୃଦ୍ଧିକୁ ମନ୍ତ୍ରିମଣ୍ଡଳ ଅନୁମୋଦନ କରିଛି ।
କେନ୍ଦ୍ର ମନ୍ତ୍ରୀ ଅନୁରାଗ ଠାକୁର କହିଛନ୍ତି ଯେ ଯଦି ଆମେ ଭାରତର ମୂଲ୍ୟକୁ ବିଶ୍ୱର ଅନ୍ୟାନ୍ୟ ଦେଶ ସହିତ ତୁଳନା କରିବା ତେବେ ସେହି ଦେଶରେ ମୁଦ୍ରାସ୍ଫୀତି ଅଧିକ, ଯେଉଁଠାରେ 30-40 ବର୍ଷ ପର୍ଯ୍ୟନ୍ତ ମୁଦ୍ରାସ୍ଫୀତି ନଥିଲା । ଏହି ଦେଶଗୁଡ଼ିକ ତୁଳନାରେ ଭାରତ ବହୁତ ଭଲ କାମ କରୁଛି । ବିଶ୍ୱ ମଧ୍ୟ ଏହାକୁ ଗ୍ରହଣ କରିଛି ।
ସେ କହିଛନ୍ତି, COVID ସମୟରେ ମଧ୍ୟ ଆମର କୃଷକମାନେ ପଛ ଘୁଞ୍ଚା ଦେଇ ନାହାଁନ୍ତି । 2014 ତୁଳନାରେ ସରକାରୀ କ୍ରୟ ଦ୍ୱିଗୁଣିତ ହୋଇଛି । ସରକାର ଅଧିକ କ୍ରୟ କରିଛନ୍ତି ଏବଂ ଚାଷୀଙ୍କ ଆୟ ମଧ୍ୟ ବୃଦ୍ଧି ପାଇଛି । ସରକାରଙ୍କ ନୀତି ଯୋଗୁଁ ଏହି ସବୁ ଘଟିଛି । ଅନୁରାଗ ଠାକୁରଙ୍କ ଅନୁଯାୟୀ ଉତ୍ପାଦନ ବୃଦ୍ଧି ପାଇଛି, ଏମଏସପି ବୃଦ୍ଧି ପାଇଛି କିନ୍ତୁ ବିଶ୍ୱ ସ୍ତର ତୁଳନାରେ ମୁଦ୍ରାସ୍ଫୀତି ଭାରତରେ ନିୟନ୍ତ୍ରଣରେ ରହିଛି ।
Click it and Unblock the Notifications
Sign in with Google