ୟୁନିୟନ ବଜେଟ୍ 2022 : ଆଜି ଆରମ୍ଭ ହେବ କେନ୍ଦ୍ର ବଜେଟ୍ ଅଧିବେଶନ, ଆର୍ଥିକ ସର୍ଭେକ୍ଷଣ ରିପୋର୍ଟ ଉପସ୍ଥାପନ କରିବେ ଅର୍ଥମନ୍ତ୍ରୀ

ଆଜି ଠାରୁ ଆରମ୍ଭ ହେବ କେନ୍ଦ୍ର ବଜେଟ୍ ଅଧିବେଶନ । ଆସନ୍ତାକାଲି (ମଙ୍ଗଳବାର) ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ଆର୍ଥିକ ବର୍ଷ 2022-23 ପାଇଁ କେନ୍ଦ୍ର ବଜେଟ୍ ଉପସ୍ଥାପନ କରିବେ ।

ନୂଆଦିଲ୍ଲୀ : ଆଜି ଠାରୁ ଆରମ୍ଭ ହେବ କେନ୍ଦ୍ର ବଜେଟ୍ ଅଧିବେଶନ । ଆସନ୍ତାକାଲି (ମଙ୍ଗଳବାର) ଅର୍ଥମନ୍ତ୍ରୀ ନିର୍ମଳା ସୀତାରମଣ ଲୋକସଭାରେ ଆର୍ଥିକ ବର୍ଷ 2022-23 ପାଇଁ କେନ୍ଦ୍ର ବଜେଟ୍ ଉପସ୍ଥାପନ କରିବେ ।

ବଜେଟ୍ ଅଧିବେଶନ ଆରମ୍ଭରୁ ଆଜି(ସୋମବାର) ରାଷ୍ଟ୍ରପତି ରାମ ନାଥ କୋବିନ୍ଦ ଉଭୟ ଗୃହକୁ ସମ୍ବୋଧିତତ କରିବେ । ଉଭୟ ଗୃହରେ ଅଭିଭାଷଣ ପରେ ଅର୍ଥମନ୍ତ୍ରୀ ଆର୍ଥିକ ସର୍ଭେକ୍ଷଣ ରିପୋର୍ଟ ଉପସ୍ଥାପନ କରିବେ ।

ଆଜି ଆରମ୍ଭ ହେବାକୁ ଥିବା ଅଧିବେଶନର ଦୁଇଟି ପର୍ଯ୍ୟାୟରେ ଅପ୍ରେଲ 8 ରେ ଶେଷ ହେବ । ଅଧିବେଶନର ପ୍ରଥମ ପର୍ଯ୍ୟାୟ ଫେବୃଆରୀ 11 ପର୍ଯ୍ୟନ୍ତ ଚାଲିବ । ଫେବୃଆରୀ 13 ରୁ ମାର୍ଚ୍ଚ 13 ମଧ୍ୟରେ ଏକ ଛୁଟି ରହିବ ଯେଉଁଥିରେ ସ୍ଥାୟୀ କମିଟିଗୁଡିକ ବଜେଟ୍ ଆବଣ୍ଟନ ଯାଞ୍ଚ କରିବେ, ବିଭିନ୍ନ ମନ୍ତ୍ରଣାଳୟ ଏବଂ ବିଭାଗଗୁଡ଼ିକ ପାଇଁ ଯାହା ରିପୋର୍ଟ ପ୍ରସ୍ତୁତ ହେବ ।

ଜାନୁୟାରୀ 31 ଏବଂ ଫେବୃଆରୀ 1 ରେ ହେବାକୁ ଥିବା ଅଧିବେଶନର ପ୍ରଥମ ଦୁଇ ଦିନ ମଧ୍ୟରେ ସଂସଦର ଉଭୟ ଗୃହରେ କୌଣସି ଶୂନ୍ୟକାଳ ରହିବ ନାହିଁ । ଫେବ୍ରୁଆରୀ 2ରୁ 11 ତାରିଖ ପର୍ଯ୍ୟନ୍ତ ଲୋକସଭାର ବଜେଟ ଅଧିବେଶନର ପ୍ରଥମ ପର୍ଯ୍ୟାୟ ଅପରାହ୍ନ 4ଟାରୁ ରାତି 9ଟା ପର୍ଯ୍ୟନ୍ତ ଚାଲିବ । ସେହିପରି ସକାଳ 9 ଟାରୁ ଅପରାହ୍ନ 2 ଟା ପର୍ଯ୍ୟନ୍ତ ଚାଲିବ ରାଜ୍ୟସଭା ।

କରୋନା ସଂକ୍ରମଣକୁ ଦୃଷ୍ଟିରେ ରଖି ଉଭୟ ଗୃହରେ କୋଭିଡ୍ କଟକଣା କଡ଼ାକଡ଼ି ଭାବେ ପାଳ ହେବ । ସାମାଜିକ ଦୂରତା ନିୟମ ରକ୍ଷା କରାଯିବ । ବିଭିନ୍ନ ମନ୍ତ୍ରାଳୟ ଓ ବିଭାଗ ପକ୍ଷରୁ କରାଯାଇଥିବା ବ୍ୟୟବରାଦ ଦାବିକୁ ଅନୁଧ୍ୟାନ କରିବ ଷ୍ଟାଣ୍ଡିଂ କମିଟି ।

English summary

Union Budget Session 2022 Will Start From Today, Know Details