ଉତ୍ତେଜନା ମଧ୍ୟରେ ଭାରତୀୟଙ୍କୁ ସ୍ୱଦେଶ ଆଣିବାକୁ ୟୁକ୍ରେନ ଗଲା ଏୟାର ଇଣ୍ଡିଆର ସ୍ୱତନ୍ତ୍ର ବିମାନ
ଏୟାର ଇଣ୍ଡିଆର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏୟାର ଇଣ୍ଡିଆର ପ୍ରଥମ ସ୍ୱତନ୍ତ୍ର ବିମାନ AI-1946 ଆଜି ୟୁକ୍ରେନରୁ ଭାରତୀୟ ନାଗରିକଙ୍କୁ ଭାରତ ଆଣିବ । ବର୍ତ୍ତମାନ ଏୟାର ଇଣ୍ଡିଆ ୟୁକ୍ରେନ ଏବଂ ଭାରତ ମଧ୍ୟରେ ତିନୋଟି ବିମାନ ଚଳାଉଛି ।
ନୂଆଦିଲ୍ଲୀ : ରୁଷ ଏବଂ ୟୁକ୍ରେନ ମଧ୍ୟରେ ବଢୁଥିବା ବିବାଦକୁ ଦୃଷ୍ଟିରେ ରଖି ଭାରତ ନିଜ ନାଗରିକମାନଙ୍କୁ ୟୁକ୍ରେନରୁ ଫେରାଇ ଆଣିବା ପାଇଁ ଅଭିଯାନକୁ ଜୋରଦାର କରିଛି । ଏହି ଅଭିଯାନ ଅଧୀନରେ ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ୟୁକ୍ରେନର ବୋରିସ୍ପିଲରୁ ଭାରତୀୟ ଛାତ୍ର, ନାଗରିକମାନଙ୍କୁ ଫେରାଇ ଆଣିବ । ଏୟାର ଇଣ୍ଡିଆର ଜଣେ ବରିଷ୍ଠ ଅଧିକାରୀ କହିଛନ୍ତି ଯେ ଏୟାର ଇଣ୍ଡିଆର ପ୍ରଥମ ସ୍ୱତନ୍ତ୍ର ବିମାନ AI-1946 ଆଜି ୟୁକ୍ରେନରୁ ଭାରତୀୟ ନାଗରିକଙ୍କୁ ଭାରତ ଆଣିବ । ବର୍ତ୍ତମାନ ଏୟାର ଇଣ୍ଡିଆ ୟୁକ୍ରେନ ଏବଂ ଭାରତ ମଧ୍ୟରେ ତିନୋଟି ବିମାନ ଚଳାଉଛି ।
ସୋମବାର ଏୟାର ଇଣ୍ଡିଆର ଏହି ସ୍ୱତନ୍ତ୍ର ବିମାନ ୟୁକ୍ରେନ ଅଭିମୁଖେ ଯାତ୍ରା କରିଥିଲା । ଭାରତର ନାଗରିକଙ୍କୁ ଆଣିବା ପାଇଁ ୟୁକ୍ରେନ-ଭାରତ ମଧ୍ୟରେ ତିନୋଟି ବିମାନ ଚଳାଚଳ କରିବ ବୋଲି ଏୟାର ଇଣ୍ଡିଆ ପୂର୍ବରୁ ଘୋଷଣା କରିସାରିଛି ଯେଉଁଥିରେ ୟୁକ୍ରେନରେ ବଢୁଥିବା ସଙ୍କଟ ମଧ୍ୟରେ ଭାରତୀୟ ଛାତ୍ର ଏବଂ ନାଗରିକଙ୍କୁ ଫେରାଇ ଅଣାଯିବ ।
ୟୁକ୍ରେନରେ ଥିବା ଭାରତର ଦୂତାବାସ ଦ୍ୱାରା ଏହା ସୂଚିତ କରାଯାଇଛି ଯେ ୟୁକ୍ରେନ- ରୁଷ ମଧ୍ୟରେ ବଢୁଥିବା ତିକ୍ତତାକୁ ଦୃଷ୍ଟିରେ ରଖି ଅତିରିକ୍ତ ବିମାନର ବ୍ୟବସ୍ଥା କରାଯାଇଛି । 25, 27 ଫେବୃଆରୀ ଏବଂ 6 ମାର୍ଚ୍ଚରେ କ୍ୱିଭ୍ ରୁ ଚାରିଟି ବିମାନ ଦିଲ୍ଲୀ ଅଭିମୁଖେ ଯାତ୍ରା କରିବ ।
In view of the continued high level of tensions in Ukraine, additional flights are being organised. Four flights from Kyiv to Delhi to operate on Feb 25, Feb 27 and March 6, 2022: Embassy of India in Ukraine pic.twitter.com/xP9Tp3gTle
— ANI (@ANI) February 22, 2022
ଏହାପୂର୍ବରୁ ଏୟାର ଇଣ୍ଡିଆ ଏକ ବିବୃତ୍ତି ଜାରି କରି କହିଛି ଯେ ଫେବୃଆରୀ 22, 24, 26 ଫେବୃଆରୀ ମଧ୍ୟରେ ତିନିଟି ବିମାନ ୟୁକ୍ରେନରୁ ଭାରତ ଅଭିମୁଖେ ଯାତ୍ରା କରିବ । ମୋଟ 200 କ୍ଷମତା ବିଶିଷ୍ଟ ଏୟାର ଇଣ୍ଡିଆର ସ୍ୱତନ୍ତ୍ର ବିମାନ ନାଗରିକଙ୍କ ସହ ଆଜି ଭାରତକୁ ଫେରିବ । ୟୁକ୍ରେନର ବୋରିସ୍ପିଲ ଅଭିମୁଖେ ବୋଇଙ୍ଗ ବି -787 କୁ ଦିଲ୍ଲୀ ବିମାନବନ୍ଦରରୁ ପଠାଯାଇଛି ।
Click it and Unblock the Notifications
Sign in with Google