ଜାମ୍ମୁ କାଶ୍ମୀରରେ ହାଇ ଆଲର୍ଟ, ପୋଲିସ ହେପାଜତରୁ ଖସି ପଳାଇଲେ ଦୁଇ ଆତଙ୍କୀ
ଶ୍ରୀନଗର : ଜାମ୍ମୁ କାଶ୍ମୀରରୁ ଏକ ବଡ଼ ଖବର ସାମ୍ନାକୁ ଆସିଛି । ବାରମୁଲାର ଏକ ମଦ ଦୋକାନରେ ବୋମା ବିସ୍ଫୋରଣରେ ସମ୍ପୃକ୍ତ ଦୁଇ ଲସ୍କର-ଏ-ତୋଏବା ଆତଙ୍କବାଦୀ ବୁଧବାର ସକାଳେ ପୋଲିସ ହେପାଜତରୁ ଖସି ପଳାଇଛନ୍ତି । ମାରୁଫ ନାଜିର ସୋଲେହ ଏବଂ ସହିଦ ସୌକତ ବାଲା ନାମକ ଏହି ଦୁଇ ଆତଙ୍କବାଦୀ ମେ 2022 ରୁ ପୋଲିସ ହେପାଜତରେ ଥିଲେ ।
ଉଭୟ ଆତଙ୍କବାଦୀ ସଂଗଠନ ଲସ୍କର-ଏ-ତୋଏବା ସହିତ ଜଡିତ ଥିଲେ । ଦୁଇ ଆତଙ୍କବାଦୀଙ୍କୁ ଧରିବା ପାଇଁ ବାରମୁଲ୍ଲା ଏବଂ ଉତ୍ତର କାଶ୍ମୀରର ବିଭିନ୍ନ ଅଞ୍ଚଳରେ ପୋଲିସ ସର୍ଚ୍ଚ ଅପରେସନ ଆରମ୍ଭ କରିଛି ।
ଜଣେ ପୋଲିସ ଅଧିକାରୀ ନ୍ୟୁଜ୍ ଏଜେନ୍ସି ପିଟିଆଇକୁ କହିଛନ୍ତି ଯେ ବାରମୁଲ୍ଲା ପୋଲିସ ଷ୍ଟେସନରେ ଜେଲରେ ଥିବା ଦୁଇ ଅଭିଯୁକ୍ତ ଆଜି ସକାଳ ଭୋଜନ ସମୟରେ ଫେରାର୍ ହୋଇ ଯାଇଥିଲେ । ସମ୍ପୃକ୍ତ ବିଭାଗ ଅଧୀନରେ ଏକ ମାମଲା ରୁଜୁ ହୋଇଛି ।
Click it and Unblock the Notifications
Sign in with Google