ସୁରକ୍ଷାକର୍ମୀଙ୍କୁ ସଫଳତା, ଅନନ୍ତନାଗ ଏନକାଉଣ୍ଟରରେ 2 ଆତଙ୍କୀ ନିପାତ

ଭାରତୀୟ ସୁରକ୍ଷା କର୍ମୀଙ୍କୁ ସୋମବାର ସକାଳେ ଏକ ବଡ଼ ସଫଳତା ମିଳିଛି । ଜାମ୍ମୁ କାଶ୍ମୀରର ଅନନ୍ତନାଗ ଜିଲ୍ଲାର କୋକରନାଗ ଟେଙ୍ଗପୋ ଗ୍ରାମରେ ଏନକାଉଣ୍ଟରରେ ସୁରକ୍ଷା ବାହିନୀ ଦୁଇ ଆତଙ୍କବାଦୀଙ୍କୁ ନିପାତ କରିଛନ୍ତି ।

ଜାମ୍ମୁ କାଶ୍ମୀର : ଭାରତୀୟ ସୁରକ୍ଷା କର୍ମୀଙ୍କୁ ସୋମବାର ସକାଳେ ଏକ ବଡ଼ ସଫଳତା ମିଳିଛି । ଜାମ୍ମୁ କାଶ୍ମୀରର ଅନନ୍ତନାଗ ଜିଲ୍ଲାର କୋକରନାଗ ଟେଙ୍ଗପୋ ଗ୍ରାମରେ ଏନକାଉଣ୍ଟରରେ ସୁରକ୍ଷା ବାହିନୀ ଦୁଇ ଆତଙ୍କବାଦୀଙ୍କୁ ନିପାତ କରିଛନ୍ତି । ଜାମ୍ମୁ କାଶ୍ମୀର ପୋଲିସ କହିଛି ଯେ ଅନନ୍ତନାଗ ଏନକାଉଣ୍ଟରରେ 2 ଆତଙ୍କବାଦୀ ନିହତ ହୋଇଛନ୍ତି । ବର୍ତ୍ତମାନ ସୁଦ୍ଧା ଅପରେସନ୍ ଜାରି ରହିଛି ।

ଆଉ ଦୁଇଜଣ ଆତଙ୍କବାଦୀ ଏହି ଅଞ୍ଚଳରେ ଲୁଚି ରହିଥିବା ସନ୍ଦେହ କରାଯାଉଛି । ରବିବାର ବିଳମ୍ବିତ ରାତିରେ ଅନନ୍ତନାଗରେ ସୁରକ୍ଷା ବାହିନୀ ଏବଂ ଆତଙ୍କବାଦୀଙ୍କ ମଧ୍ୟରେ ଏକ ଏନକାଉଣ୍ଟର ହୋଇଥିଲା । କିଛି ଘଣ୍ଟା ପରେ ସୁରକ୍ଷା ବାହିନୀ ଗୁଳିରେ ଜଣେ ଆତଙ୍କବାଦୀ ନିହତ ହୋଇଥିଲା ।
ସୋମବାର ସକାଳ ପୂର୍ବରୁ ଜାମ୍ମୁ କାଶ୍ମୀର ପୋଲିସ ଜଣେ ଆତଙ୍କବାଦୀର ମୃତ୍ୟୁ ଖବର ଦେଇଥିଲା, ଏହାର କିଛି ସମୟ ପରେ ଅନ୍ୟ ଜଣେ ଆତଙ୍କବାଦୀ ମୃତ୍ୟୁ ସମ୍ପର୍କରେ ପୋଲିସ ସୂଚନା ଦେଇଛି । ରବିବାର ରାତିରେ ଆରମ୍ଭ ହୋଇଥିବା ଏନକାଉଣ୍ଟର ଜାରି ରହିଛି ବୋଲି ପୋଲିସ କହିଛି ।

ସୂଚନାଯୋଗ୍ୟ, ଗତ ସପ୍ତାହରେ ଜାମ୍ମୁ କାଶ୍ମୀରର ଶୋପିଆନ ଜିଲ୍ଲାରେ ଭାରତୀୟ ସେନା ଏବଂ ଜାମ୍ମୁ କାଶ୍ମୀର ପୋଲିସର ମିଳିତ ଅପରେସନରେ ଦୁଇଟି ପୃଥକ ଏନକାଉଣ୍ଟରରେ 4 ଜଣ ଆତଙ୍କବାଦୀ ନିହତ ହୋଇଥିଲେ । ମଙ୍ଗଳବାର ରାତିରେ ଶୋପିଆନ୍ ଜିଲ୍ଲାର ଡ୍ରାଚ୍ ଅଞ୍ଚଳରେ ହୋଇଥିବା ଏକ ଏନକାଉଣ୍ଟରରେ ତିନି ଆତଙ୍କବାଦୀ ନିହତ ହୋଇଥିବା ପୋଲିସ କହିଛି । ଶୋପିୟାନର ମୁଲୁ ଅଞ୍ଚଳରେ ଚାଲିଥିବା ଏନକାଉଣ୍ଟରରେ ଜଣେ ସ୍ଥାନୀୟ ଆତଙ୍କବାଦୀ ନିହତ ହୋଇଥିଲା ।

ତେବେ ଆତଙ୍କବାଦୀ ଏବଂ ସୁରକ୍ଷା ବାହିନୀ ମଧ୍ୟରେ ଗୁଳି ବିନିମୟରେ ଜଣେ ଯବାନ ଆହତ ହୋଇଥିଲେ । ଏହି ନିହତ ଆତଙ୍କବାଦୀଙ୍କଠାରୁ 01xAK ରାଇଫଲ ଏବଂ ଅନ୍ୟାନ୍ୟ ଯୁଦ୍ଧ ସାମଗ୍ରୀ ଜବତ କରାଯାଇଥିଲା । ଶୋପିଆନ୍‌ର ଡ୍ରାଚ୍ ଅଞ୍ଚଳରେ ନିହତ ହୋଇଥିବା ଆତଙ୍କବାଦୀମାନେ ଜୈଶ-ଏ-ମହମ୍ମଦ (ଜେଏମ୍) ସହ ଜଡିତ ଥିଲେ । ଏଥି ସହିତ, ଶୋପିଆର ମୁଲୁ ଅଞ୍ଚଳରେ ନିହତ ଆତଙ୍କବାଦୀ ଲସ୍କର -ଏ-ତୋଏବା (LeT) ସହିତ ଜଡିତ ଥିଲା ।

English summary

Two Terrorist Killed In Encounter at AnantNag