ଜାମ୍ମୁ କାଶ୍ମୀର : ନିଜ 3 ସାଥୀଙ୍କୁ ଗୁଳିମାରି ନିଜକୁ ଗୁଳି ମାରିଲେ ସେନା କର୍ମୀ, 2 ମୃତ
ଆଜି ସକାଳ 5.30 ମିନିଟ ସମୟରେ ଜଣେ ଯବାନ ତାଙ୍କ ବ୍ୟାରେକରେ ଅନ୍ୟ ତିନି ସାଥୀ ସୈନିକଙ୍କ ଉପରକୁ ଗୁଳି ଚଳାଇଥିଲେ ଏବଂ ପରେ ନିଜ ବନ୍ଧୁକରୁ ନିଜକୁ ଗୁଳି ଚଳାଇଥିଲେ ।
ଶ୍ରୀନଗର : ଜାମ୍ମୁ କାଶ୍ମୀରର ସୁରାନକୋଟରୁ ଏକ ହୃଦୟବିଦାରକ ଖବର ସାମ୍ନାକୁ ଆସିଛି । ଯେଉଁଥିରେ 2 ଜଣ ସୈନିକଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ 2 ଜଣ ଗୁରୁତର ଆହତ ହୋଇଛନ୍ତି । ସେନା ସୂତ୍ରରୁ ପ୍ରକାଶ ଯେ ଶୁକ୍ରବାର (ଜୁଲାଇ 15) ସକାଳେ ପୁଞ୍ଚର ସୁନରକୋଟସ୍ଥିତ 156 ଟେରିଟେରାଲ୍ ଆର୍ମି ବାଟାଲିଅନ୍ ଦୁଇଜଣ ସେନା କର୍ମଚାରୀ ପ୍ରାଣ ହରାଇଛନ୍ତି ଏବଂ ଅନ୍ୟ ଦୁଇଜଣ ଆହତ ହୋଇଛନ୍ତି । ଏହି ଘଟଣାର ବିସ୍ତୃତ ତଦନ୍ତ ନିର୍ଦ୍ଦେଶ ଦିଆଯାଇଛି । ଯଦିଓ ପୂର୍ବରୁ ଜଣେ ଯବାନଙ୍କ ମୃତ୍ୟୁ ଖବର ଥିଲା, କିନ୍ତୁ ପରେ ଏହି ସଂଖ୍ୟା ଦୁଇକୁ ବୃଦ୍ଧି ପାଇଲା ।
ଶୁକ୍ରବାର ଅପରାହ୍ନରେ ଏହାର ଅପଡେଟ୍ ପ୍ରଦାନ କରି ସେନା ସୂତ୍ରରୁ ପ୍ରକାଶ କରାଯାଇଛି ଯେ ମୃତ୍ୟୁ ସଂଖ୍ୟା 2 କୁ ବୃଦ୍ଧି ପାଇଛି । ଆଜି ସକାଳ 5.30 ମିନିଟ ସମୟରେ ଜଣେ ଯବାନ ତାଙ୍କ ବ୍ୟାରେକରେ ଅନ୍ୟ ତିନି ସାଥୀ ସୈନିକଙ୍କ ଉପରକୁ ଗୁଳି ଚଳାଇଥିଲେ ଏବଂ ପରେ ନିଜ ବନ୍ଧୁକରୁ ନିଜକୁ ଗୁଳି ଚଳାଇଥିଲେ ।
ଗୁଳି ବିନିମୟରେ ଶିବିରର ତିନିଜଣ ସୈନିକ ଆହତ ହୋଇଥିବା ବେଳେ ଡାକ୍ତରଖାନାରେ ଜଣଙ୍କର ମୃତ୍ୟୁ ହୋଇଛି । ଅଧିକାରୀ କହିଛନ୍ତି ଯେ ଗୁଳି ବିନିମୟ ସ୍ଥଳରୁ ଜଣେ ସୈନିକଙ୍କ ମୃତଦେହ ମିଳିଛି । ପ୍ରାଥମିକ ରିପୋର୍ଟରୁ ଜଣାପଡିଛି ଯେ ଏହା ଫ୍ରାଟ୍ରିକାଇଡର ଏକ ମାମଲା ଥିଲା । ତେବେ ସେନା ଏପର୍ଯ୍ୟନ୍ତ ଘଟଣା ସମ୍ପର୍କରେ କୌଣସି ବିବୃତ୍ତି ଦେଇନାହିଁ ।
Click it and Unblock the Notifications
Sign in with Google