ଶ୍ରୀନଗର ଲାଲ ଚୌକ୍ ନିକଟରେ ଆତଙ୍କବାଦୀ ଆକ୍ରମଣ, ଜଣେ CRPF ସହିଦ, ଜଣେ ଆହତ

ଜାମ୍ମୁ କାଶ୍ମୀରର ରାଜଧାନୀ ଶ୍ରୀନଗରର ଲାଲ ଚୌକ୍ ନିକଟରେ ଆତଙ୍କବାଦୀ ଆକ୍ରମଣ ହୋଇଛି । ଏହି ଆକ୍ରମଣରେ ଦୁଇ ଜଣ CRPF କର୍ମଚାରୀ ଆହତ ହୋଇଥିବା ଜଣାପଡିଛି ।

Updated: Monday, April 4, 2022, 16:58 [IST]

ଶ୍ରୀନଗର : ଜାମ୍ମୁ କାଶ୍ମୀରର ରାଜଧାନୀ ଶ୍ରୀନଗରର ଲାଲ ଚୌକ୍ ନିକଟରେ ଆତଙ୍କବାଦୀ ଆକ୍ରମଣ ହୋଇଛି । ଏହି ଆକ୍ରମଣରେ ଦୁଇ ଜଣ CRPF ଯବାନ ଆହତ ହୋଇଥିଲେ । ସୋମବାର ଅପରାହ୍ନରେ ଲାଲ ଚୌକ୍ ନିକଟ ମୌସୁମା ଅଞ୍ଚଳରେ ଏହି ଆକ୍ରମଣ ହୋଇଥିଲା । ଏହି ଆକ୍ରମଣରେ ଆହତ ହୋଇଥିବା ସୈନିକମାନଙ୍କୁ ଡାକ୍ତରଖାନା ନିଆଯାଇଥିଲା । ଯେଉଁଠାରେ ଚିକିତ୍ସା ସମୟରେ ଜଣେ CRPF ଯବାନ ସହିଦ ହୋଇଛନ୍ତି । ସହିଦ ଯବାନଙ୍କୁ ବିଶାଲ ବୋଲି ଚିହ୍ନଟ କରାଯାଇଛି ।

ସୂଚନାନୁସାରେ, ସୋମବାର ଶ୍ରୀନଗରର ଲାଲ ଚୌକର ମୌସୁମାରେ ଆତଙ୍କବାଦୀ ଆକ୍ରମଣ ହୋଇଛି । ଏହି ଆକ୍ରମଣରେ ଦୁଇ ଜଣ CRPF କର୍ମଚାରୀ ଆହତ ହୋଇଥିଲେ । ଆହତମାନଙ୍କୁ ତୁରନ୍ତ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ଯେଉଁଠାରେ ଡାକ୍ତରଖାନାରେ ଜଣେ ଯବାନଙ୍କର ମୃତ୍ୟୁ ହୋଇଥିଲା । ସୂଚନା ମୁତାବକ, ସୁରକ୍ଷା ବାହିନୀ ଏବଂ ଜାମ୍ମୁ କାଶ୍ମୀର ପୋଲିସ ଏହି ଅଞ୍ଚଳକୁ କର୍ଡନ କରି ସର୍ଚ୍ଚ ଅପରେସନ ଜାରି ରଖିଛି । ସୂଚନାନୁସାରେ, ଆତଙ୍କବାଦୀମାନେ ଏହି ଅଞ୍ଚଳର କିଛି ଘରେ ଲୁଚି ରହିଥିବାର ଆଶଙ୍କା ରହିଛି ।

ଅନ୍ୟପକ୍ଷରେ ପୁଲୱାମାରେ ଦ୍ୱିତୀୟ ଥର ପାଇଁ ଆତଙ୍କବାଦୀମାନେ ଦୁଇ ଜଣ ଅଣ କାଶ୍ମୀରଙ୍କୁ ଆକ୍ରମଣ କରିଛନ୍ତି । ଏହି ଆକ୍ରମଣରେ ବିହାରର ଦୁଇ ଜଣ ଆହତ ହୋଇଛନ୍ତି । ଗତ 24 ଘଣ୍ଟା ମଧ୍ୟରେ ଅଣ-ସ୍ଥାନୀୟ ଲୋକଙ୍କ ଉପରେ ଆତଙ୍କବାଦୀଙ୍କ ଏହା ହେଉଛି ଦ୍ୱିତୀୟ ଆକ୍ରମଣ ବୋଲି ଅଧିକାରୀମାନେ କହିଛନ୍ତି । ସେ କହିଛନ୍ତି ଯେ ସୋମବାର ଅପରାହ୍ନରେ ପୁଲୱାମାର ଲାଜୁରା ଠାରେ ଆତଙ୍କବାଦୀମାନେ ପାଟଲେଶ୍ୱର କୁମାର ଏବଂ ଜାକୋ ଚୌଧୁରୀଙ୍କ ଉପରକୁ ଗୁଳି ଚଳାଇଥିଲେ । ଉଭୟ ବିହାରର ବାସିନ୍ଦା ।

ଆହତମାନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ପୋଲିସ କହିଛି । ଅଧିକ ସୂଚନାକୁ ଅପେକ୍ଷା କରାଯାଇଛି ବୋଲି ଅଧିକାରୀ କହିଛନ୍ତି । ଏହାପୂର୍ବରୁ ରବିବାର ଦିନ ହିମାଚଳ ଟ୍ରକ ଡ୍ରାଇଭର ଏବଂ ତାଙ୍କ ସହାୟକ ଆତଙ୍କବାଦୀ ଆକ୍ରମଣରେ ଆହତ ହୋଇଥିଲେ । ସେମାନେ ହିମାଚଳ ପ୍ରଦେଶର ନୁରପୁର କାଙ୍ଗଡାର ବାସିନ୍ଦା ସୁରେନ୍ଦ୍ର ସିଂହଙ୍କ ପୁତ୍ର ବିଷ୍ଣୁ ସିଂହ ଏବଂ ଧୀରଜ ଦତ୍ତଙ୍କ ପୁଅ ସୁଶୀଲ ଦତ୍ତ ବୋଲି ଜଣାପଡିଛି । ଉଭୟ ଶ୍ରୀନଗରର ଶ୍ରୀ ମହାରାଜା ହରି ସିଂହ ହସ୍ପିଟାଲରେ ଚିକିତ୍ସିତ ହେଉଛନ୍ତି ।