ଶ୍ରୀନଗରର ବାଗତ ବରଜୁଲ୍ଲା ଅଞ୍ଚଳରେ ଆତଙ୍କବାଦୀ ଆକ୍ରମଣରେ ଦୁଇ ପୋଲିସ ସହିଦ

ଶ୍ରୀନଗରର ବାଗତ ବରଜୁଲ୍ଲା ଅଞ୍ଚଳରେ ଶୁକ୍ରବାର ସକାଳେ ଏକ ଆତଙ୍କବାଦୀ ଆକ୍ରମଣ ହୋଇଛି । ଏହି ଆକ୍ରମଣରେ ଜାମ୍ମୁ କାଶ୍ମୀର ପୋଲିସର ଦୁଇ ଜଣ ପୋଲିସ ସହିଦ ହୋଇଛନ୍ତି ।

ନୂଆଦିଲ୍ଲୀ : ଶ୍ରୀନଗରର ବାଗତ ବରଜୁଲ୍ଲା ଅଞ୍ଚଳରେ ଶୁକ୍ରବାର ସକାଳେ ଏକ ଆତଙ୍କବାଦୀ ଆକ୍ରମଣ ହୋଇଛି । ଏହି ଆକ୍ରମଣରେ ଜାମ୍ମୁ କାଶ୍ମୀର ପୋଲିସର ଦୁଇ ଜଣ ପୋଲିସ ସହିଦ ହୋଇଛନ୍ତି । ଏକ ଅପ୍ରତ୍ୟାଶିତ ଆକ୍ରମଣରେ ଆତଙ୍କବାଦୀମାନେ ଶ୍ରୀନଗର ଉପକଣ୍ଠରେ ଥିବା ବାଗତ ସହରରେ ନିୟୋଜିତ ପୋଲିସ ଉପରେ ଆକ୍ରମଣ କରିଥିଲେ । ଏହି ଆକ୍ରମଣ ପରେ ସେହି ଅଞ୍ଚଳକୁ ତୁରନ୍ତ ବନ୍ଦ କରିଦିଆଯାଇଛି ।

ଏହି ଆକ୍ରମଣର ଭିଡ଼ିଓ ସିସିଟିଭିରେ କଏଦ ହୋଇଛି । ଜଣେ ଆତଙ୍କବାଦୀ ଆସି ହଠାତ୍ ପୋଲିସ୍ ଉପରକୁ ଗୁଳି ଚଲାଇବା ପରେ ସେଠାରୁ ଦୌଡ଼ି ପଳାଉଥିବାର ଦୃଶ୍ୟ ଭିଡ଼ିଓରେ ଦେଖିବାକୁ ମିଳିଛି ।

#WATCH Terrorist opens fire in Baghat Barzulla of Srinagar district in Kashmir today

( CCTV footage from police sources) pic.twitter.com/FXYCvQkyAb

— ANI (@ANI) February 19, 2021

ଆହତ ହୋଇଥିବା ଦୁ ପୋଲିସ୍ କର୍ମଚାରୀ ଜୁରହାମା କୁପୱାରାର ମହମ୍ମଦ ୟୁସୁଫ୍ ଏବଂ ଲୋଗ୍ରିପୋରା ଆୟୁସକାମର ସୁହେଲ ଅହମ୍ମଦ ସହିଦ୍ ହୋଇଛନ୍ତି । ସହିଦଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିବା ସହ ଏପରି ସମୟରେ ସେମାନଙ୍କ ପରିବାର ସହ ଅଛି ବୋଲି କାଶ୍ମୀର ଜୋନ୍ ପୋଲିସ୍ ଏକ ଟ୍ୱିଟ୍ କରିଛି ।
ଏହି ଆକ୍ରମଣର କିଛି ସମୟ ପରେ ରେଜିଷ୍ଟାନ୍ସ ଫ୍ରଣ୍ଟ ନିଜକୁ ଦାୟୀ କରିଛି । ଏହି ଗୋଷ୍ଠୀ ଲସ୍କର-ଏ-ତୋଏବା ଆତଙ୍କବାଦୀ ସଙ୍ଗଠନ ସହ ଜଡ଼ିତ ଅଛି ।

English summary

Two cops martyred in terror attack at Bagat Barzulla area of Srinagar.