ସୋଲୋମାନ ଦ୍ୱୀପରେ ରିକ୍ଟର ସ୍କେଲ ତୀବ୍ରତା 7 ରେକର୍ଡ ଭୂକମ୍ପ ଅନୁଭୂତ ପରେ ସୁନାମି ଆଲର୍ଟ
ସୋଲୋମାନ ଦ୍ୱୀପପୁଞ୍ଜରେ ଭୂକମ୍ପ କମ୍ପନ ଅନୁଭୂତ ହୋଇଛି । ବର୍ତ୍ତମାନ ସୁଦ୍ଧା କୌଣସି ଧନହାନି ହେବାର ଖବର ମିଳିନାହିଁ । ଏହା ପରେ ସୋଲେମାନ ଉପକୂଳବର୍ତ୍ତୀ ଅଞ୍ଚଳ ପାଇଁ ସୁନାମି ଚେତାବନୀ ଦିଆଯାଇଛି ।
ନୂଆଦିଲ୍ଲୀ : ସୋଲୋମାନ ଦ୍ୱୀପପୁଞ୍ଜରେ 7.0 ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଅନୁଭୂତ ହୋଇଛି । ପ୍ରତ୍ୟକ୍ଷଦର୍ଶୀମାନେ କହିଛନ୍ତି ଯେ ଝଟକା ଏତେ ଜୋରରେ ଥିଲା ଯେ ଘରର ସାମଗ୍ରୀ ତଳେ ପଡ଼ିଯାଇଥିଲା । ରିପୋର୍ଟ ଅନୁସାରେ ମଙ୍ଗଳବାର ସକାଳ 7.33 ସମୟରେ ଏହି ଭୂକମ୍ପ ଅନୁଭୂତ ହୋଇଛି । ସୋଲୋମାନ ଦ୍ୱୀପରେ ହୋଇଥିବା ଭୂକମ୍ପ ସହ ଅଧିକ ସୂଚନା ସଂଗ୍ରହ କରାଯାଉଛି। ଏଥି ସହିତ ଭୂକମ୍ପ ପରେ ଉପକୂଳରେ ସୁନାମି ସତର୍କ ସୂଚନା ଜାରି କରାଯାଇଛି ।
ଖବର ଅନୁଯାୟୀ, ମଲଙ୍ଗୋରେ ଭୂକମ୍ପର ପ୍ରବଳ ଝଟକା ଅନୁଭୂତ ହୋଇଛି । ସକାଳେ ସୋଲୋମାନ ଦ୍ୱୀପପୁଞ୍ଜରେ ଭୂକମ୍ପ କମ୍ପନ ଅନୁଭୂତ ହୋଇଛି । ବର୍ତ୍ତମାନ ସୁଦ୍ଧା କୌଣସି ଧନହାନି ହେବାର ଖବର ମିଳିନାହିଁ । ଏହା ପରେ ସୋଲୋମାନ ଉପକୂଳବର୍ତ୍ତୀ ଅଞ୍ଚଳ ପାଇଁ ସୁନାମି ଚେତାବନୀ ଦିଆଯାଇଛି ।
ଆମେ ଆପଣଙ୍କୁ କହି ରଖୁଛୁ ଯେ ମଙ୍ଗଳବାର ଦିନ ଇଣ୍ଡୋନେସିଆର ମୁଖ୍ୟ ଦ୍ୱୀପ ଜାଭା ରେ ଏକ ଭୟଙ୍କର ଭୂମିକମ୍ପରେ 162 ରୁ ଅଧିକ ଲୋକ ପ୍ରାଣ ହରାଇଛନ୍ତି । ଅତି କମରେ 300 ଲୋକ ଆହତ ହୋଇଛନ୍ତି । AFP ଜଣେ ସ୍ଥାନୀୟ ଅଧିକାରୀଙ୍କ ସୂତ୍ରରୁ ଏହି ରିପୋର୍ଟ କରିଛି । ରିକ୍ଟର ସ୍କେଲରେ ଏହି ଭୂକମ୍ପର ତୀବ୍ରତା 5.6 ରେ ମାପ କରାଯାଇଥିଲା । ଏହି ପ୍ରାକୃତିକ ବିପର୍ଯ୍ୟୟ ପରେ ଉଦ୍ଧାର କାର୍ଯ୍ୟ ଜୋରଦାର କରାଯାଇଛି ।
ଏହାପୂର୍ବରୁ 18 ନଭେମ୍ବର ସନ୍ଧ୍ୟାରେ ଇଣ୍ଡୋନେସିଆର ରାଜଧାନୀ ଜାକର୍ତ୍ତାରେ ଭୂକମ୍ପର ପ୍ରବଳ କମ୍ପନ ଅନୁଭୂତ ହୋଇଥିଲା । ରିପୋର୍ଟ ଅନୁଯାୟୀ, ଭାରତୀୟ ସମୟ ସନ୍ଧ୍ୟା 7:07 ରେ ଏହି ଭୂକମ୍ପ ହୋଇଥିଲା । ୟୁରୋପୀୟ-ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର (EMSC) ରିପୋର୍ଟ କରିଛି ଯେ ଇଣ୍ଡୋନେସିଆର ସୁମାତ୍ରାର ଦକ୍ଷିଣ-ପଶ୍ଚିମ ଦିଗରେ 6.7 ମ୍ୟାଗ୍ନିଚ୍ୟୁଡର ଏକ ଭୂକମ୍ପ ଅନୁଭୂତ ହୋଇଛି । ଏହି ଭୂକମ୍ପର ଗଭୀରତା 10 କିଲୋମିଟର ଥିଲା ।
Click it and Unblock the Notifications
Sign in with Google