ପୁଣି ଏକ ରେଳ ଦୁର୍ଘଟଣା, ଦୁଇ ମାଲବାହୀ ଧକ୍କା ହୋଇ 12 ବଗି ଲାଇନଚ୍ୟୁତ

Updated: Sunday, June 25, 2023, 11:52 [IST]

କୋଲକାତା : ପୁଣି ଏକ ବଡ଼ ରେଳ ଦୁର୍ଘଟଣା ଖବର ସାମ୍ନାକୁ ଆସିଛି । ପଶ୍ଚିମବଙ୍ଗର ବାଙ୍କୁରା ଠାରେ ଏହି ରେଳ ଦୁର୍ଘଟଣା ଘଟିଛି । ଦୁଇଟି ମାଲବାହୀ ଟ୍ରେନ୍ ଧକ୍କା ହୋଇଛି । ଫଳରେ ଅନେକ ବଗି ଲାଇନଚ୍ୟୁତ ହୋଇ ଓଲଟି ପଡ଼ିଛି ।

ସୂଚନାନୁସାରେ, ଏକ ମାଲବାହୀ ଟ୍ରେନ୍ ପଛରୁ ଅନ୍ୟ ଏକ ମାଲବାହୀ ଗାଡ଼ି ଧକ୍କା ଦେଇଥିଲା । ଫଳରେ 12 ଟି କୋଚ୍ ଲାଇନଚ୍ୟୁତ ହୋଇ ଓଲଟି ପଡ଼ିଛି । ଏହି ଘଟଣା ଓଣ୍ଡା ଷ୍ଟେସନରେ ଘଟିଛି । ଆଶ୍ୱସ୍ତିକର ଖବର ହେଉଛି ଏହି ଦୁର୍ଘଟଣାରେ କେହି ମୃତାହତ ହୋଇ ନାହାଁନ୍ତି । ଟ୍ରେନର ଡ୍ରାଇଭର ସାମାନ୍ୟ ଆହତ ହୋଇଛନ୍ତି ।

ରେଳ ଅଧିକାରୀମାନେ ଏକ ବିବୃତ୍ତି ଜାରି କରି କହିଛନ୍ତି ଯେ ଉଭୟ ମାଲବାହୀ ଟ୍ରେନ୍ ଖାଲି ଥିଲା । ଦୁଇ ଟ୍ରେନ୍ ମଧ୍ୟରେ ଧକ୍କା ହେବାର କାରଣ ସ୍ପଷ୍ଟ ହୋଇ ନାହିଁ ।

ଏହି ଦୁର୍ଘଟଣା ଯୋଗୁଁ ଆନ୍ଧ୍ର ବିଭାଗର ଟ୍ରେନ୍ ସେବା ପ୍ରଭାବିତ ହୋଇଛି । ADRA ଡିଭିଜନରୁ ପଶ୍ଚିମବଙ୍ଗ, ମେଦିନାପୁର, ବାଙ୍କୁରା, ପୁରୁଲିଆ ଏବଂ ବର୍ଦ୍ଧମାନ, ଝାଖଣ୍ଡର ଧାନବାଦ୍, ବୋକାରୋ, ସିଂହଭୁମ୍ ର ଚାରୋଟି ଜିଲ୍ଲା ପର୍ଯ୍ୟନ୍ତ ଟ୍ରେନ୍ ଚଳାଚଳ କରୁଛି ।