ଲସ୍କର ଆତଙ୍କବାଦୀ ଜହୁର ଅହମ୍ମଦ ଗିରଫ, କୁଲଗାମରେ ବିଜେପି କର୍ମୀଙ୍କୁ ହତ୍ୟାରେ ଥିଲେ ସାମିଲ

ଜାମ୍ମୁ କାଶ୍ମୀର ପୋଲିସ ସାମ୍ବା ଜିଲ୍ଲାରୁ ଲସ୍କର-ଏ-ତୋଏବା ଆତଙ୍କବାଦୀ ଜହୁର ଅହମ୍ମଦ ରାଥରକୁ ଗିରଫ କରିଛି । ଜହୁର ଅହମ୍ମଦ ଗତ ବର୍ଷ କୁଲଗାମ ଜିଲ୍ଲାରେ ଭାରତୀୟ ଜନତା ପାର୍ଟିର ତିନି ଜଣ) କର୍ମୀଙ୍କ ହତ୍ୟାକାଣ୍ଡରେ ସାମିଲ ଥିଲା ।

Published: Saturday, February 13, 2021, 12:06 [IST]

ଜାମ୍ମୁ କାଶ୍ମୀର : ଜାମ୍ମୁ କାଶ୍ମୀର ପୋଲିସ ସାମ୍ବା ଜିଲ୍ଲାରୁ ଲସ୍କର-ଏ-ତୋଏବା ଆତଙ୍କବାଦୀ ଜହୁର ଅହମ୍ମଦ ରାଥରକୁ ଗିରଫ କରିଛି । ଜହୁର ଅହମ୍ମଦ ଗତ ବର୍ଷ କୁଲଗାମ ଜିଲ୍ଲାରେ ଭାରତୀୟ ଜନତା ପାର୍ଟିର ତିନି ଜଣ) କର୍ମୀଙ୍କ ହତ୍ୟାକାଣ୍ଡରେ ସାମିଲ ଥିଲା । ପୋଲିସ ସନ୍ଦେହ କରୁଛି ଯେ ଆତଙ୍କଦାବୀ ଅହମ୍ମଦ ତିନିଜଣ ବିଜେପି କର୍ମୀଙ୍କ ବ୍ୟତୀତ କୁଲଗାମର ଫରାହ ଅଞ୍ଚଳରେ ଜଣେ ପୋଲିସ କର୍ମଚାରୀଙ୍କୁ ହତ୍ୟା କରିଛି । ପୋଲିସର ସୂଚନାନୁସାରେ, ଗିରଫ ଆତଙ୍କବାଦୀ ଜହୁର ଅହମ୍ମଦ ଲସ୍କର-ଏ-ତୋଏବା ତଥା ଟିଆରଏଫ ( ଦ ରେଜିଷ୍ଟାନ୍ସ ଫ୍ରଣ୍ଟ) ର ସଦସ୍ୟ । ଟିଆରଏଫ୍ ଲସ୍କର-ଏ-ତୋଏବା ଆତଙ୍କବାଦୀ ସଙ୍ଗଠନର ସମର୍ଥକ । ଅଧିକ ତଦନ୍ତ ପାଇଁ ଗିରଫ ହୋଇଥିବା ଆତଙ୍କବାଦୀ ଅହମ୍ମଦଙ୍କୁ କାଶ୍ମୀରକୁ ଅଣାଯାଉଛି ।

କାଶ୍ମୀର ଜୋନ୍‌ର ପୋଲିସ ଆଇଜି ବିଜୟ କୁମାର କହିଛନ୍ତି ଯେ, ଜହୁର ଅହମ୍ମଦ ସାମ୍ବାରେ ଥିବା ପୋଲିସକୁ ସୂଚନା ମିଳିଥିଲା । ପୋଲିସ 12 ତାରିଖ ବିଳମ୍ବିତ ରାତିରେ ସାମ୍ବାରୁ ତାକୁ ଗିରଫ କରିବାରେ ସଫଳ ହୋଇଛି ।

ଜାମ୍ମୁ କାଶ୍ମୀରର କୁଲଗାମ ଜିଲ୍ଲାରେ ଆତଙ୍କବାଦୀମାନେ ଅକ୍ଟୋବର 2020ରେ ବିଜେପି ଯୁବ ମୋର୍ଚ୍ଚା ସାଧାରଣ ସମ୍ପାଦକଙ୍କ ସମେତ ତିନିଜଣ କାର୍ଯ୍ୟକର୍ତ୍ତାଙ୍କୁ ଗୁଳି କରି ହତ୍ୟା କରିଥିଲା । ଏହି ହତ୍ୟାକାଣ୍ଡ ପାଇଁ ଲସ୍କର-ଏ-ତୋଏବା ସମର୍ଥିତ ଆତଙ୍କବାଦୀ ଗୋଷ୍ଠୀ ଦି ରେଜିଷ୍ଟାନ୍ସ ଫ୍ରଣ୍ଟ (ଟିଆରଏଫ) ନିଜକୁ ଦାୟୀ କରିଥିଲା । ପ୍ରଧାନମନ୍ତ୍ରୀ ମୋଦୀ ମଧ୍ୟ ଏହି ଘଟଣାକୁ ନିନ୍ଦା କରିଥିଲେ ।

ଆତଙ୍କବାଦୀ ଗୋଷ୍ଠୀ ଦି ରେଜିଷ୍ଟାନ୍ସ ଫ୍ରଣ୍ଟ ବିଜେପି କର୍ମଚାରୀଙ୍କ ହତ୍ୟା ପୂର୍ବରୁ ମଧ୍ୟ ଧମକ ଦେଇଥିଲା । ଅକ୍ଟୋବର 2020 ରେ ଏକ କାରରେ ବିଜେପି କର୍ମୀ ଫିଦା ହୁସେନ, ଉମେର ରଶିଦ ଓ ଉମର ରମଜାନ ବାଇକେ ପୋରା ଅଞ୍ଚଳ ଦେଇ ଯାଉଥିବା ସମୟରେ ତାଙ୍କ ଉପରେ ଆକ୍ରମଣ ହୋଇଥିଲା । ସେହି ସମୟରେ ପୋଲିସର ବିବୃତ୍ତି ଅନୁଯାୟୀ ଆତଙ୍କବାଦୀମାନେ ରାତି ପ୍ରାୟ 8 ଟା ବେଳେ ଏହି ହତ୍ୟା କରିଥିଲେ । ଡାକ୍ତରଖାନାରେ ପହଞ୍ଚିବା ପୂର୍ବରୁ ସମସ୍ତ ତିନିଜଣଙ୍କର ମୃତ୍ୟୁ ହୋଇଥିଲା ।

Published On February 13, 2021